ممكن تعمل تحليل بول الاول
ممكن تعمل تحليل بول الاول
الدكتور عمرو
السلام عليكم
انا اعانى من خشونة في الركبة الشمال و باخد ادوية زي الجينوفيل و دروفين و الالم شد شوية عليا نتيجة قيامي ببعض المجهود الشهر اللى فات , والدكتور بيقول لي ان الغضروف اتجرح
المهم ,
الدكتور المعالج كتب لي جلسات علاج طبيعي و لسه هاروح الاسبوع اللى جاي ان شاء الله
هل حضرتك تنصح بتمارين معينة تخفف من حدة الالم
الف سلامة عليك
ادام الغضروف اتجرح يبقي لازم يتعمل تمارين تقوية لعضلات الركبة YouTube - Physical Therapy Diagnosis: Terminal Knee Extension
ودة فيديو يوضح طريقة تقوية عضلات الركبة
يا دكتورلو سمحت انا كنت عايزة اسأل عن ال liposuction بالليزر
انا كنت ناوية اعمل ميزوثيرابي للتخسيس ورحت فعلا عيادة وانا ناوية على كده والدكتور قالي على موضوع الليزر ده .. وقالي الاتنين عندي بس انا برشح الليزر
الجهاز اسمه i lipo بيتعمل 8 جلسات .. وشرحلي فكرته وعجبتني
بس انا بدأت اول جلستين ومش حاسة باي فرق
عايزة اعرف اكمل ولا ايه ؟
يعني بيجيب نتيجة فعلا ولا فلوس على الفاضي ؟
انا معرفش اية نوع الجهاز الي الدكتور شغال بية
المفروض من اول جلسة تحسي بالفرق المفروض الدكتور ياخد المقاس وبعد كدة يقيس بعد عدد من الجلسات هو يحددهاللك
لو مفيش نتيجة ملحوظة ابداي علي طول بالميزوثيربي وخلي باللك للاسف في بعض الدكاترة بيحطو خامات رديئة عشات رخيصة انضف خامة السويسري
أنا بعمله في الدراع وهو فعلا قاسلي قبل الجلسة وبعدها وكان فيه نزول ٤سم في دراع وفي التاني ٢.٥ سم . بس الفكرة ان بالنظر مفيش اي فرق .. هو بيقول هتلاحظي الفرق بعنيكي بعدالجلسة الرابعة .. بس مش عارفة ليه قلقانة من النتيجة .. عموما جلستي الثالثة النهاردة ورينا يسهل . ميرسي أوي لحضرتك يا دكتور.
حطمن سياتك
حساللك سؤال انتي لما تنزلي 2كيلو حد حيقوللك ماللك خسيتي كدة لية لاكن لو نزلتي 10 كيلو حيوقفوكي ويسالوكي خسيتي كدة ازاي
حتستني لما تخلصي عدد جلساتك وان شاء الله تحسي بالفرق
طيب أنا عندي الفقرة ال4 وال5 في القطنيه ضاغطين على الدسك الي بنهم لكن متحركش الدسك الحمد لله ومش مأثر على أي حاجة إيه التمرينات الي ممكن أعملها في البيت وإيه الحركات الي ممنوع أعملها (خصوصا إني بلعب رياضة)
السلام عليكم
دكتور عندى طلب صغير جدا
عايز اخس
اكلى طبيعى جدا مبتقلش خالص فى الاكل
الدهون عندى متجمعة فى حتت مش لذيذة خالص فوق ال Obliques و فوق ال Pectoralis و طبعا عند الهانش ايدى و رجلى طبيعية
حركتى مش كتير
فصيلة دمى A
عيلة والدتى كلهم Over weight
وزنى 110 و طولى 180 امنية حياتى ابقى 90 كيلو
جربت اخد Metformin منفعش معايا
بروح الجيم العضلة تكبر و الدهون زى ماهى فيبقى المنظر اسوء و لما ابطل الجيم العضلة تخس و تملى دهون و تبقى فظيعة
لو عند حضرتك نظام رجيم لية يبقى تمام لو فى دواء اخده يبقى قشطة
تفتكر ممكن يبقى فية مشكلة عندى فى الحرق او فى تحاليل اعملها
شكرا مقدما