ما هى المدينة المصرية الاكثر إحتراما للمرور

**sa3dawy** · 31-08-2009 06:06 PM

بورسعيد لذيذة .. والسويس هادية بردوو
بس ياريت المنصورة تتشاال من القائمة!!

**MohaMed_Refaat** · 31-08-2009 06:17 PM

المشاركة الأصلية كتبت بواسطة moh.abdelbaset

الأقصر
أولاً: مدينة مش زحمة
ثانياً: علشان السياحة و شكلها يبقى حلو
دي حتى الحنطور بيقف في الإشارة من غير عسكري

علشان الحنطور فى الاقصر بيرخص نمر واخر حاجة سمعتها ان نمر الحنطور وصلت 25 الف جنية دة تمن النمرة لانة بينزل فى برنامج بعض الافواج السياحية زى ال insight & trafalgar وغيرة وبالتالى بيرخصولهم نمر انا شغلى فى الاقصر وتقريبا مقيم هناك وشايف ان الاقصر كويسة فى احترام المرور ودة مش بسب التشدد الامنى بالعكس مفيش كماين كتير ابدا فى الاقصر ولكن بسب قلة ايوة قلة عدد السيارات دى حتى النمر لسة معدتش الاربع خانات هناك دى اكتر حاجة بينما فى طنطا مثلا عدينا السبع خانات .
وطبعا طنطا احترام المرور فيها زفت الزفت حتى مع صغر حجمها ولكن كترة العربيات عملت خنقة فظيعة .

**micro4e** · 31-08-2009 06:28 PM

شرم الشيخ بلا منازع هناك المرور مرور ..... ماعدا شوية السكرانين بتوع قبل الفجر بس بيتمسكو

**M.Osman** · 31-08-2009 06:30 PM

بصراحة مش عارف اقول اية..
زي ما عضو قال.. لما يكون في عسكري او رادار كله بيلتزم

بس ياريت المنصورة تتشاال من القائمة!!

:( المنصورة بقت وحشة جداً جداً فعلاً ..:(

**original** · 31-08-2009 06:43 PM

بورتو أبو عجوة..

**MoOoD** · 31-08-2009 07:00 PM

انا بشوف شرم الشيخ أفضل
يمكن للتواجد الأمنى المكثف فيها
والقواعد الصارمه والطرق الجميله

**Ahmed Nouh** · 31-08-2009 07:08 PM

المشاركة الأصلية كتبت بواسطة tutankhamoun

مفيش و لا مدينة في مصر بتحترم القانون
أنا بأسوق في بورسعيد ..... الأسماعيلية ...... السويس ......... و سيناء
هي الدنيا ماشية علشان مفيش زحام زي القاهرة ..... إنما أحترام .......لا لا لا لا لا لا لا لا لا ........
أحنا منعرفش يعني أيه نظام في مصر ............. كله بطيخ بطيخ ....................

طبعا القاهرة و الجيزة و الأسكندرية و المدن الزحمة .............. زبالة الزبالة بتبان أكتر من أي مدنية تانية علشان الزحام ...... مش علشان بقية المدن محترمة ........

و تحيا ج ع ع

ليه حضرتك دايما شايف ان البلد زباله وشويه همج ومفيش حد فى الدنيا فاهم حاجه , على اعتبار ان البلد دى حد تانى ساكن فى الشقه اللى جنبنا !!!!

على فكره الاسلوب ده للأسف منفر وبيضايقنى شخصيا مع احترامى ليك , قد يكون دايما بيقابلك مواقف تضايق بس ده لا يدعو دايما لمهاجمه باقى خلق الله فى ناس كتير جدا بتمشى بالتزام تام الا فى حاله تعرضه للخطر بيضطر يغير اسلوبه وده بيكون غصب عنه

على العموم انا متربى فى الاسماعيليه والسواقين هناك عارفين كويس قواعد المرور والالتزام حتى الساعه 4 الفجر فى الاشاره لما تكون الدنيا ميفهاش بنى ادم وتلاقى الناس واقفه ملتزمه , ولما يكون فى اشاره واقفه وتلاقى الحاره اليمين فاضيه علشان اللى داخل يمين , ولما تشغل اشاره فى حاره واللى جنبك يستناك على طول علشان تدخل وغيره وغيره

بالطبع فى قله مش ملتزمه بس دى موجوده فى اكتر بلاد العالم تحضرا يعنى لو احنا شايفين ان الغرب ( البالونه الاعلاميه المنفوخه على الفاضى ) ملتزمين

تحياتى

**kokotota** · 31-08-2009 08:37 PM

الاسماعليه احسن مرور فى مصر

**human** · 31-08-2009 08:47 PM

بسم الله الرحمن الرحيم
الاجابه لندن

**human** · 31-08-2009 08:48 PM

المشاركة الأصلية كتبت بواسطة ahmed0nouh

ليه حضرتك دايما شايف ان البلد زباله وشويه همج ومفيش حد فى الدنيا فاهم حاجه , على اعتبار ان البلد دى حد تانى ساكن فى الشقه اللى جنبنا !!!!

تحياتى

عشان هو ربنا مديله حته زياده حاسه بالبلد

مش ناس كتير عندهم الحته ديه و اللى عندهم صدقنى مش مبسوطين بيها

بس على فكره
هيه فعلا زباله

مشاهدة نتائج الإستطلاع: ما هى المدينة المصرية الاكثر إحتراما للمرور؟

الموضوع: ما هى المدينة المصرية الاكثر إحتراما للمرور

LinkBack

أدوات الموضوع

عرض

-

-

-

-

-

-

-

المواضيع المتشابهه

المدينة الفااااضلة

المدينة الطائرة

اللوح الجديدة للمرور

قانون جديد للمرور

افيدونى بالنسبة للمرور

الكلمات الدلالية لهذا الموضوع

المفضلات

المفضلات

ضوابط المشاركة