شكرا يا استاذ احمد على الرد وجاري مراجعة هذه الاشياء وانا فعلا بحط بنزين 80 بس هاجرب واحط بنزين 90 واظبط باقي الحاجاة اللي قلتلي عليها وشوف اوافيك بالنتيجة ان شاء الله
عرض للطباعة
شكرا يا استاذ احمد على الرد وجاري مراجعة هذه الاشياء وانا فعلا بحط بنزين 80 بس هاجرب واحط بنزين 90 واظبط باقي الحاجاة اللي قلتلي عليها وشوف اوافيك بالنتيجة ان شاء الله
موفق ان شاء الله يا باشا وربنا يكفيك شرها ويرزقك خيرها بس لازم بنزين 90 او 92 مش فارقة مدام هتشغيل التكييف واغسل السربنتينة بتاعة التكييف غسلة محترمة واكشف على ضغط الفريون والله انا كان معايا التكييف شغال زى الفل وتلاجة بس السنة اللى اعدتها فى الجيش واهملت فيها السيارة بوظت حاجات كتير فى العربية وحاسس انها هتفتح منى مصاريف فبتأنى فى الاصلاح وبصلح الضرورى فقط
فك وتركيب وتزييت سلك دبرياج الريجاتا اس 85
http://www.nilemotors.net/Nile/367698-85.html
لو سمحتم عايز اعرف سعر مكن الزجاج الكهرباء و احسن مكان اجبهم منه اية سواء استيراد او جديد عربية , أفضل نوع (الباب الشمال الامامى)
تم انهاء صيانة البدالات وركبنا الجلب وثبتت البدالات ما شاء الله وزى الفل وعصاية الفتيس ك
انت بايشة ظبتها جلب بردو هى تقلت اوى وحجرت بس انا بحب عصاية الفتيس كده ، وغيرت سير الكاتينة والدينامو
وبلية الكاتينة وبوجيهات التكاليف الاجمالية السير والبلية 100 جنية سير الدينامو 15 جنية
بوجيهات 40 جنية جلب 20 جنية مصنعية 60 جنية
الله يبارك فيك تصدق انا احيانا بقبل بالجشع ده لكن فى مقابل مصنعية ممتازة ، انا عملت بيها مشوار 15 كيلو النهاردة الصبح وفولت 90 العربية ادائها بيفرق خالص وبحس انها مرتاحة عكس ال80 بيخنقها جامد ، وظبيت ال4 فرد كاوتش نيتروجين ب20 جنية بس مش حاسس بفرق إلى الآن
ماكنة زجاج ريجاتا بـ 130 ج" فى عزبة شلبي المطرية " .. وماكنة تويوتا كرولا يابانى = 130 ج وانت وشطرتك لانك هتسمع 150 ج عشان تبدء تفاصل معاة.. الفرق بين الاتنين ان مكنة الريجاتا مش بيتغير لها الجنزير والموتور لانة قطعة واحدة لو اتحرق لا قدر الله بيترمي كلة .. اما التويوتا بتغير الجنزير او الموتور بس مقرف ف تركيبة لانك هتعملة فتحات ف سدر الباب خاصة بية هو يستاهل بصراحة بس قعد اركب فية يومين .. والاسهل والنصيحة تجيب بتاع الريجاتا
واتأكد ان الحديدة عليها علامة L يعنى شمال .. مصنعية تركيب من 30 ل 35 ج اكتر من كدة
يبقى طماع .. مصنعية كهربائى = 30 ج + سلك وزرار وكلبسات = 15 ج
الموضوع كلة هيعملة = 180 ج بزيادة .. علما انى نزلت العزبة واشتريت المكنة وركبتها من الالف للياء بنفسي ودة الافضل بس لو عندك خبرة وصبر غير كدة ركبة عند صنايعي افضل
ممكن ترجع للتوبيك دة لاي تفاصيل اخري
http://www.nilemotors.net/Nile/3874734028-post1516.html
السلام عليكم
انا عضو جديد يا جماعة وكنت عايز اعرف ممكن اركب تابلوه فيات سيينا مكان تابلوه الريجاتا85
وجزاكم الله خيرا