ممكن
عرض للطباعة
السلام عليكم جميعا أعضاء الرابطة المحترمة وكل عام وأنتم ومصر بكل خير
عندى سؤالان :
1- مضطر لتغيير كاوتش وجنوط الريجاتا -- علما بأن الجنط القديم والكاوتش كالن مقاس 14 وكان له مشاكله
ونصحنى المحترم المهندس nicegypt إن افضل جنط للريجاتا هو 13 بتاع الفابريكة( 175 /70 ) وأنا مقتنع بهذا الرأى لوجاهته
لكن بتاع الكاوتش قال ينفع اركب مقاس 185/ / 13/ 75 ولا ضرر ............. فهل هناك فرق ؟؟
السؤال الثانى : إيه أفضل نوع كاوتش يمشى مع الريجاتا وسعره التقريبى حاليا ؟
والجنط : أيهما عملى أكثر العادى أم سبور أفضل ؟ علما بأننى لا أهتم بالشكليات كثيرا
آسف للإطالة
جزاك الله خير ياا/احمد
بس انا عايز اعرف تابلوه السيينا موديل كام
ياريت ياجماعة لو حد يعرف معلومات اكتر
وعليكم السلام .
المقاس بتاع الفبريكة جنوط 13 بس مقاس اصغر تقريبا 160 / 60
بس انا مركب 175/70 عشان ازود المداس شوية وبالتالي افضل ف الفرامل وف السرعة
مقاس ال 14 حلو بس مشكلتة انة بينشف العفشة واي زلطة ف الارض هتحس بيها ف العربية
وكذلك بيأثر ف صاج العربية مع الوقت " الصاج بيشرخ "
بالنسبة لمقاس 185 انا كنت مركبة ف العربية للتجربة .. هيخلف معاك ف عداد الكيلو متر بس
هيقرا السرعة غلط ومحستش بأي اختلاف ما بين 175/70 وال 185 / 75
بالنسبة لافضل كاوتش فحسب ميزانيتك .. مفيش حاجة معينة انا جربت البريدجستون هو غالى بس محترم
اللى كفاءتة عالية ويابانى الـ toyo كنت جايب الطقم من 3 سنين = 1450 وقعد 3 سنين ف العربية
فردة ناعمة وفراملها حلوة بتمسك ف الاسفلت مش بتزحف كتير .. دورت عليها من شهر عشان اغير
ملقتهاش خالص للاسف !! ويوم ما لقيتها لقيت الفردة الواحدة بـ 680 ج !! يعنى الطقم = 2720 ج !!
وانتاج قديم كمان !! فجبت ماكسيس الفردة عاملة 325 ج بالعافية وحتى الان اداءها مرضي
وملهاش صوت ع الارض .. بلاش السيرفر ستون واي فردة صيني عشان بتعمل صوت مزعج وهي ماشية
وفرد ضعيفة .. بالتوفيق وتبقى تقولنا عملت اية
بالنسبة للجنط كل حاجة وليها مميزاتها والاختيار لك
الجنط العادي : تحمل اعلي من الاسبور + رخص سعر
العيب : الشكل
الجنط الاسبور : خفيف ف الوزن وبالتالى خفيف على الطنابير فهتحس ان العربية بتجري + فرامل افضل + تهوية للطنابيرافضل بكتير من العادي .. الطنابير بتبرد بسرعة ودة المطلوب لوجود اماكن يمر منها الهوا + شكل افضل
ده موضوع بتاع عضو مغير التابلوه لفيات سيينا .... أسأله و تابع مع الرابطة هنا و إتفرج عليها من أولها هتستفاد كتير بإذن الله
http://www.nilemotors.net/Nile/320187-a.html
بارك الله فيك أخى العزيز وكنت على ثقة فى سرعة ردك لجميل أخلاقك
على بركة الله .. ليس هناك مانع من تركيب مقاس 185 / 75 مقاس 13 .
لكن الأفضل مقاس 175 / 70
سؤال أخير : ما رأيك فى الجنط الاسبور الصينى ؟ خاصة إذا كان محمل وسعره معقول .. لأن الميزانية بصراحة تحتاج التوفيير (( لكن ليس على حساب الكفاءة ))
تقريبا معى 2500 جنيه ف55هل5 يكفى هذا المبلغ لتغيير الجنوط والاطارات
أكرر أسفى للإطالة وجزاك الله خيرا على صبرك وخلقك