الموضوع: رابطه محبي ومالكي الريجاتا

المشاركة الأصلية كتبت بواسطة nicegypt

ارجو ان يسمح اخوانى فى الرابطة بالتقدم بجزيل الشكر والاحترام والتقدير العطر للاحد الاعضاء الموجودين والفعالين فى الرابطة
وهو الاستاذ احمد نبيل " زينجر" فقد قابلتة اليوم وساعدنى فى الوصول للاحد المختصيين فى الكرابراتير
وهو انسان مميز بكل ما تحملة معانى الكلمات فأرفع لة قبعتى تحية لة " هروح ألبسها واجي" فقد ذهبنا سوياَ واستغنى عن بعضاَ من وقتة والذى لم يبخل بمشاركتى معلومتة عن الريجاتا
فأسعد بأنضمامة ووجودة فى الرابطة وسعدت بمعرفة شخص كريم مثلة .. فلا تستطيع الكلمات المزينة بعطور البستان ان توافية حقة فبارك الله فية وجزاة كل خير
واود ان انبة اننا جميعا فى هذة الرابطة نبذل ما فى وسعنا فى المساعدة لــوجــة الله لاي استفسار او مقابلة بخصوص الريجاتا
لتجنب الوقوع بين ايدي معدومى الضمير وعديمى الخبرة بكافة انواعهم .. اشكرك احمد على وجودك العطر اليوم
واتوقع تحسن كبير فى الايام المقبلة فى الكرابراتير سواء فى الاستهلاك او ف العمل .. وفعلا احسست بتحسن ونعومة فى السحب
بعد اصلاحة لدى متخصص ذو خبرة مجرب منك مرات ومرات .. اشكرك وسأسعد بحضورك وقتما تشاء فى مكتبى فأرحب بك دائما

رابط عضوية احمد نبيل
:: نــايــل مــوتــورز:: - :: NileMotors.net ::
--------------------------

و الله انا مش عارف اتكلم و اقول ايه بالظبط بجد الكلام اللى اتقال ده كبير جدا مقدرش اوفيه حقة الا بكلمة واحدة شكرا و تحت امرك فى اى حاجة
تانى حاجة يا جماعة نايس ايجيب (حسين) عضو محترم جدا فاهم كويس و الاحترام باين جدا عليه فمكنش ينفع الا انى اقابل الاحترام ده كله الا باحترام زية و ان اى حاجة اعرفها اقوله عليها روحنا لبورشة مختصة فى الكربراتيرات بس حسين مكنش مقتنع لان بجد معاه حق الميكانيكية خربوا الدنيا لكن الورشة دى انا اولا معرفش صاحبها غير معرفة زبون لصنايعى مش اكتر بس شغلهم نضيف جدا و يارب اكون عرفت اقدملك ابسط خدمة بجد يا حسين و متشكرين يا باشا على الكلام الجميل اللى مخلينى مش عارف ارد بجد
شكرا

المشاركة الأصلية كتبت بواسطة ererereg

السلام عليكم
لسه جايب عربية ريجاتا اوتوماتيك 1985
ا

ريجاتا اتوماتيك
نفسى اشوف عربيه ريجاتا اتوماتيك...انا الى اعرفه عن الفتيس ده انه 3غيار واعتقد 3 غيار قليل قوى فاكيد صوت الموتور عالى والسحب مش حلو...
ياريت لو حد عنده صور لصالون ريجاتا بالفتيس الاتوماتيك وصوره للحوض مبين فيها الفتيس....
لو الواحد اتاكد من موضوع السحب وصوت المتور انا هعدل العربيه اتوماتيك لان الفتيس عندى عايز عمره....
انا لسه جايب عربيه ريجاتا
حالتها الميكانيكيه تعبانه والعفشه تعبانه بس الموتور كويس .....
انا جايبها وهشدها.......
العربيه مكيفه والتكييف شغال وهى مش نوفا هى موديل 1985 والتكييف حلو بس انا مشغلتوش كتير لانه بيسخن العربيه وتانى حاجه التابلوه الى راكب عندى مش تابلوه مكيف فالهواء بتاع التكييف بيضرب فى التابلوه وحبه بس هم الى بيوصلو الصالون....
بس كنت فاكك التابلوه والتكييف لسه مشحون وكان الهواء الى طالع متلج بس المروحه كانت على 3 بس ضعيفه لو كانت اقوى من كده هتخلى العربيه تلاجه ..... يامسهل نبقى نفكرلها فى حل.

معلومات عن تكييف الريجاتا : " عن غير تجربة "
اثناء محادثتى مع احد الاصدقاء ملاك ماروتى 800 سى سى
اخبرنى بأنة قام بعمل تجربة للاحد الاعضاء هنا وهى تركيب تكييف كهربائى .. ولا يقوم بعمل حمل ميكانيكى فهو كهربائى
واخبرنى بأن الكمبروسور يابانى .. ماركة ساندان .. اخبرتة بسؤال مركز التكييف عن الريجاتا هل يركب لها هذا المدعو ساندان
وكانت الاجابة بنعم .. علما ان ساندان اليابانى ماركة معروفة بالخارج وتجعل السيارة بالفعل ثلاجة اياَ كانت هية لانك ببساطة مش مركب
تكييف الفبريقة وهو سيئ ويعمل على الطاقة الميكانيكية للسيارة . لذا لكل من يتمنى بتركيب تكييف ساندان ويريد اداء مذهل علية بالاتى :

1 - عمل عوازل جديدة كاملة " سقف .. ارضية .. حوض .. تبلوة .. ابواب " ويجب ان تكون عوازل حرارية وليست عوازل مشمع
كما يعتبرها السروجى بأن الارضية المشمع هى عازل وطبعا لاء .
2 - يجب ان لا يكون بالسيارة اي جزء متأكل بمعنى ميكونش فية بارومة ف الارضية .. تحت الفتيس لازم يتغطى بعوزال .. صدر العربية ..خلافة
3 - ماتور السيارة : يجب ان يعمل بكفاءة لا تقل عن 70 % حتى لا يضعك المكيف فى مشاكل سخونة وقلة اداء ف السحب وغيرها من المشكلات لذا ان احسست ان موتورك غير جيد لا تقم ابدا بتركيب تكييف
4 - التابلوة : يجب ان يكون التابلوة مجهز تكييف اي بة فتاحات تكييف والمراوح هتتغير اثناء تركيب التكييف بمراوح مختلفة لذا لا تقلق ان كانت لا تعمل فى سيارتك
5 - عليك ان تعلم تمام العلم بأن التكييف لن يعمل للابد ! فهو مثلة كمثل اي تكييف يحتاج لصيانة دورية وسوف يلزمك بمصروفات صيانة وشحن وخلافة
فلا تتوقع بأنك تملك تكييف يعمل للابد ولن يحتاج صيانة .. على الاقل سنوياَ سيلزمك بصيانة وشحن فأضف ذلك فى مصروفاتك وفى وقتك

الاداء : أتوقع اداء ممتاز عن غير تجربة مجرد توقع وذلك لسبب ان التكييف لا يعمل على ميكانيزم الميكانيكا وانما كهربائى
السبب الاخر لتوقعي : هو اننى قمت بقيادة سيارة ماروتى مركب لها تكييف ساندان .. الماروتى طبعا 800 سى سى .. وبعد عشر دقائق
كنت فعلا متلج من التكييف وقمت بأغلاقة ولم احس بمشكلة ف السحب اثناء السير بالسيارة ! لذلك اتوقع اداء افضل مع الريجاتا 1500 سى سى
يكاد يكون الضعف .

مشاركة الاستاذ " hm414 " عن تركيب التكييف فى الماروتى
رابط المشاركة
http://www.nilemotors.net/Nile/174361-a.html

سوف اسأل صديقي عن بيانات المركز الذى قام بالتركيب وسوف اخبركم بأذن الله عن بيانات هذا المركز على الخاص حتى لا يعتبر اعلان
حينما يرجع صديقي من السفر .. وياجماعة للمرة التانية الريجاتا تكييفها اداءة ممتاز جدا طالما مش مركب تكييف الفبريقة المخجل وطالما
العوازل عندك سليمة والسيارة سليمة .. واعتمادك على تكييف كهربائى وليس ميكانيكى . وتخيل ماروتى 800 سى سى بتكييف ! فما بالك بسيارتك ؟

المشاركة الأصلية كتبت بواسطة abusaloma

الاستاذ / نايس ايجبت حسين
اشكرك جزيل الشكر على مبادرتك اللطيفة وجزاك الله كل خير والله انا سعيد انى منضم للرابطة لانى شايف ان الناس فيها فى منتهى الاخلاق دون تحديد واحد بالاسم لكن الكل فعلا فى منتهى الاخلاق ولو كنت اعرف ان شراء الريجاتا يضمنى لرابطة فيها ناس حلوين كدة كنت اشتريتها من زمان ( لو لم اكن ريجتاوى لوددت ان اكون ريجتاوى)
انا اسف لتأخرى فى الرد لانى كنت مشغول فى الشغل وعلى فكرة عربيتى عملتها معايا وانا مسافر السويس اعيد على خالتى ثانى يوم العيد الصغير والمارش علق فى ترس الفلام واتحرق والعربيه سخنت جدا وجابت جوان وش سلندر من زهقى منها ومن مصاريفها قمت سيبتها فى السويس فى الشارع تحت بيت خالتى من يومها وانا مقضيها مواصلات وان شاء الله هاروح اجيبها النهاردة ربنا يهديها على ويرحمنى من الصنيعية الغير امناء ومعندهمش ضمير انا فلست
ابو سلمى
مجدى احمد على

يا ابو سلمى ده انا دايخ عليك و باعتلك رسايل كتير على الخاص و على الرسايل الشخصية بدون اى استجابة منك و نسيت للاسف اتصل بيك لما شوفت رقمك قولتلى ان العربية فيها مشاكل و كلام كده و انها مغلباك لو فى اى حاجة اقدر اعملها تحت امرك

بالتوفيق يا ريجاتوية

موديل 85 ومطلوب فيها 19000 جنية
طيب حضرتك لم تخبرنا عن حالتها فابريقة دواخل ام لا
باقى الاشياء مثل الكاوتش - البطارية - المساعدين امامى وخلفى اخبارهم ايه - الاكصدامات سليمه ولا لا - حاله الدهان نسبه جودتها ايه - تابلوه السيارة وهل جميع الاشارات والعدادات شغاله ام لا - هل فيها سنتر وانذار ام لا
حاول تعطينا نظرة عامه علشان نقدر نقدر لك السيارة
وتريث ولا تستعجل فى الشراء
حتى نقدر نعطيك انا واخوانا فى الرابطه القرار النهائى