الموضوع: رابطه محبي ومالكي الريجاتا

الريجاتا عطلت منى انهاردة وشوف الويـل :( !
اول حاجة ابتدت بمارش .. تقريبا شاربون اتمنى ذلك .. رجعت للعربية ادور مفيش دوارة .
اديتها زق لما طلع عينى ودارت وكلة تمام وانا ماشى لقيت عصاية الفتيس بتخف معايا
لحد ما العصايا وقعت خالص !!!
بقت ف الهوا مفيش اي غيارات والعربية واخدة التاني
الحمد لله انى اول محسيت انها بتاخد الغيار بالعافية والعصايا خفت ونزلت تحت شوية قمت مديها التانى
ومشيت علية لحد موصلت البيت ومخلي الغيار ياخد راحتة بـــدون حرق واللى مش عجبة يعدى منى
صديق ليا بيقولى دى اسطوانة كاوتشة تحت الفتيس اسمها اسطوانة فتيس .. دى تبقى اية يا جماعة ؟؟ وتكلفتها كام ؟
لية كدة يا ريجاتا دانا مغير كل حاجة فيكي ماعدا اللى بيقول عليها الراجل دى

المشاركة الأصلية كتبت بواسطة ererereg

السلام عليكم
لسه جايب عربية ريجاتا اوتوماتيك 1985
في مشكلة سخنية كنت مسافر بيها لطنط المهم غيرت جوان وش السلندر والقربة والكوع السعة
بتجيب 90 بسرعة لسه لكن المروحة بتشتغل بتنزل الحرارة
تنقيط من الخرطوم جانب مدخل الريدياتير الميه بتنقص
لمبة الزيت دائما شغالة في التبلوه بالرغم ان الزيت سليم
يوم الخميس رحت الشغل عادي وان راجع لقيت صوت الوتور عالي قوي مرة وحدة كل ما ازيد في السرعة عالية او منخفضة
لكن لما اثبت السرعة الصوت يروح قلت للميكانيكي قلي الموتور عايز عمرة ا

فية عندك اكيد تنفيس من الريداتير .. وبالتالى لازم تروح لبتاع ريداتير يكبسة هوا ويشوف التنفيس منين ويلحمة دة اولاَ
ثانيا خلية يراجع على الكوعة وكل ما يخص دايرة التبريد
ثالثا : ممكن يكون حضرتك بتقرص على العربية وبالتالى طالما غيرت وش السلندر ممكن يكون هو السبب فى
سخونة السيارة .. والافضل لسيارة ريجاتا موديل 85 ماتور 1500 الافضل لها 2 جوان وش سلندر العادى
وليس الدبل " المزدوج " ولا دة جوان واحد عادى .. والسبب ان الجوانين بيعملوا احكام اكبر طبعا ودى عن تجربتى فى سيارتى
وبالتالى روح لميكانيكى بعد متخلص الريداتير واسألة عن الجوان اللى راكب دة 2 ولا واحد ولا دبل
لانة 70 % السبب الرئيسى فى سخونة سيارتك .. والنسبة الباقية من الريداتير
بالنسبة للمبة الزيت خلية يبص على طرمبة الزيت ممكن تكون ضعيفة او مش شغالة اصلا !
ويشوف ساعة الزيت اخبارها اية .. لازم اللمبة دى تنور اول متحط مفتاح العربية دليل على التشك " الاختبار "
وأول مدور العربية اللمبة دى تتطفي هى ولمبة الدينمو .. موضوع ان الزيت سليم ملوش اي علاقة باللمبة
لان زى مقلنا ممكن يكون طرمبة الزيت مش شغالة او بطيئة او بتعلق فى طريقها للتلف ودى لوحدها مشكلة
مش سهلة .. أوعـــى تمشى بالعربية واللمبة دى شغالة اوعــى .. اركنها لو مش فاضى وروح شغلك مواصلات
اهون بكتير من اللى ممكن يحصل . الميكانيكى قالك محتاجة عمرة اسألة على اللى فيها بالظبط وتوكل على الله
وحضر لك ألف ج ولا الف ونص واعمل اللى فيها وشوف الاخبار .. ولو تقدر تجيب ماتور استيراد يكون افضل
وتبقى تطمنا اول بأول واحنا معاك كلنا