الموضوع: رابطه محبي ومالكي الريجاتا

المشاركة الأصلية كتبت بواسطة hanipal..

يا جماعة انا معروض عليا عربية ريجاتا 89 دواخل فبريكة و صحبها بيقول حلتها كويسة انا عايز اعرف رينج
الريجاتا دلوقتي كام
و عايز اعرف اخرها كام
و شكرا علي المساعدة

بص الريجاتا الكويسة من 20 لحد 24 والنضيفة قوي من 25 لحد 30 ودي تبقا مش رشه خالص وتكييف وتابلوه عربية بتلمع بالنسبة للي هاتشتريها بتبص علي رشه خارجي علي الصاج والا مهرية معجون اكسسوارات العربية الفبريكة وحالتها نضيفة والا لا يعني اكصدامين نضاف شبكة اصلي كشافات نضيفة اصلي تكييف شغال تمام تابلوة نضيف مفيهوش كسر عفشة كويسة كوتش نضيف موتور قوي مش تعبان الشكل العام للعربية كويس وبلاش تاخد النص نص نصيحة مني خد رقم واحد لانها هاتتعبك لو حالتها تعبانة

المشاركة الأصلية كتبت بواسطة ahmed aboubakr

عندي العربية كانت زجاج كهربا بس صاحبها كان مغيرلها اربع بيبان نوفا بس زجاج عادي مش عارف ازاي المهم زراير الكهربا عندي موجوده في الطابلوة وعايز احول الزجاج الامامي كهربا تاني اشتري المكن بتاع الكهربا منين وبكام ونوعه ايه وبيتركب عند مين وياخد مني في حدود كام معلش انا اسالتي كتير بس عشمي في الريجاتاوية كبير

السلام عليكم
مكنه الزجاج الكهربا في عزبه شلبي في حدود 130 جنيه استراد و اللي بيركبهالك الكهربائي
في حدود كام بصراحه مش عارف
يارب اكون افدتك

يا ريت نعمل صفحة لأفكار ترويش الريجاتا انا قريب جدا حعمل شغل فيها وسوف أعرض الصور وكل اللي عنه افكار يقدمها

يا ريت لو هناك رابطة لتضبيط الريجاتا كمان

المشاركة الأصلية كتبت بواسطة waleed28_d

يا ريت نعمل صفحة لأفكار ترويش الريجاتا انا قريب جدا حعمل شغل فيها وسوف أعرض الصور وكل اللي عنه افكار يقدمها

السلام عليكم
فكره هايله جدا و ياريت ننفذها

حبيت اني انقلكم تجرتبي لعل احد يستفيد منها
كنت طالع من الشغل ومروح وماشي على الدائري المهم فجأة لقيت العربية مره واحدة بطلت وات صوت غريب وسخنت مره واحدة .. (كل ده حصل في خلال 3 دقائق) مع العلم اني قبل ما اطلع من الشغل كان بصيت على قربة الميه وكانت ناقصة حاجة بسيطة خالص زودتها ومشيت عادي
المهم نزلت فتحت الكبوت لقيت سلك الاكسراتير مقطوع وواحد كان معدي جنبي خلي التنك مخروم لقيت فعلا فيه حاجة بتنزل من التنك (اتضح بعد كده انها كانت ماية نازلة من الشكمان جنب التنك مباشرة) والتنك كويس ..
المهم دورت على عربية تجرني لحد الميكانيكي .. نقلتها وروحت للميكانكي بص عليها وقالي دور وزود ميه في القربة قالي دي جابت وش جوان .. وفعلا كانت الميه في القربة بتفقفق

قولتله طيب حل وابدأ اشتغل ..
هقولكم التكلفة كانت قد ايه بالظبط
50 جنيه جرب العربية
45 جوان وش السلندر دبل + جوان شكان
10 (3 كوليه)
5 جلبة جوان
110 قربة مياه (انا كده كده كنت ناوي اغير القربة عشان كانت مخرومة وكنت ملزقها كده بالعافية)
45 سير كاتينية اندونيسي (وده برضو كان المفرض هغيله (فكانت فرصة بقى اغيره بالمره)
25 ماسورة المياه
7 جوان وش التاكيهات
50 سلك اكسلاتير (اللي اتقطع )
25 سير دينمو (الصغير) اتحاد اوروربي (ما لقتشي الكبير فركبت القديم لحد ما اجيبه)
10 جلب ماسورة المياه وجلب المشترك
50 الخراط (مسح وش السلندر) وكان فيه مسمار مكسور في مسترك الشكمان فكه
15 مسامير
180 مصنعية الميكانيكي (هيا ممكن تكون زيادة بس بصراحة الميكانيكي ده شغله مظبوط قوي وبيعمل الحاجة بضمير)


ارجو اني اكون افادتكم
وفي انتظار تجربة السيارة على طريق سريع عشان اقولكم على النتيجة

انا معايا الريجاتا بقالها سنه دلوقت
بمشي بيها حوالي 10-12 كيلو يوميا
العربيه ماشاء الله بتدور من اول تكه وممكن يركب معايا 3 اشخاص ع الكنبه وواحد جنبي عادي ومش بدوس سنة بنزين زياده
الاعطال خلال السنه
تغيير سلك الدبرياج مره 65 جنيه
لحمت خرم بسيط ف الشكمان 40 جنيه
لحمت كاوتش 3 مرات او4
المشكله
العربيه عايزه شغل كتير بس بره المكنه
زي فرش الابواب والازاز والجلود حوالين الباب التابلوه معقول الكراسي عايز اولع فيها المرايات بيئه ومش بعتمد عليها خالص
فيه كاسيت فلاشه بس مفيش سماعات الكلاكس بلمسله سلكتين ف عصاية المساحات كونت ههنسى ومفيش مساحات يامعلم
بس والله اصيله اوعوا تفهموها غلط
انا اسف جدا للاطاله..قربت خلاص
طبعا حاولت اظبطها لاني حبيتها بس معنديش وقت خالص غير ساعتين الصبح يوم الجمعه
ايه رايكم ابعها واجيب واحده مظبطه وشرا العبد ولا قنايته
ولا اصبر وأبقى ع العشره وممكن اخويا قالي انا هاخدهالك الورشه وخليك انتا
بس انا فيه حاجات ف دماغي عايز اعملها
هيا دي قصة حياتي
واسف اسف اسف جديييييييييي للاطاله

أنا أمبارح أنفجر الريداتير بالرغم من أني لسه شاري العربية من أقل من شهر ريجاتا 85 . الحمد لله كنت رايح بالأولاد و الحاجة مناسبة عائلية ركنت و طبعا سبتها تبرد و سالت علي بتارع ريداتيرات جه و قال لازم نغيير الريداتير كله بأخر زيه الأصلي حسب كلامه . كلفني 325 ج ثمن الريداتير الجديد و 25 جنيه مصنعية بفصال طبعا . بس الصراحة لما الحرارة تصل أعلي من 95 تشتغل المروحة و تبطل لما تصل حوالي 90 . و طول مأنا ماشي تبقي المروحة شغالة و الحرارة أعلي من 100 . اعتقد أن ده مش طبيعي صح ممكن حد يفيدني .