الموضوع: رابطه محبي ومالكي الريجاتا

انا بحب الريجاتا بس شكلها زعلانة مني

عايز شبكة ريجاتا امامية يكون حالتها معقولة سمعت اسعار في عزبة شلبي والتوفيقية حسسوني اني هاسافر بالريجاتا المريخ

انا اشتريت ريجات من سنة ومن ساعتها وانا بصلح فيها صاحبها كان هاريها والله يسامحه لبسهالي ومن ساعتها وانا عمال اصلح غيرت عفشة كاملة ونجدت العربية وعملت عمرة للموتور بعد ما كان البوجيهات بتهبب وتتملي زيت قبل ما تركب التابلوة كويس بس فية كسر من ناحية عبة الفيوزات واشتريت طقم صوت وكاسيت واتنين كاوتش جديد وبابين ورشيت جنب كامل وعندي حاليا الاكصدامين بالشبكة رايحين في داهية والكاوتش الخلفي تعبان جدا والي زاد وغطا ان الفتيس بيودع مش عارف اعمل ايه مع اني كنت سامع انها عربية كويسة

عندك حق في موضوع عزبة شلبي انا سالتهم علي قفل شنطة ريجاتا وسوستتين للشنطو قالي 250 جنية
سالته علي الشبكة قالي 400 جنية
كان هايجنن امي نزلت التوفيقية جبت القفل ب 45 ج والشبكة ملقتش غير ماليزي بس نضيفة قوي وشبه الايطالي ب 300 ج وما اشتريتهاش استغليتها جدا

المشاركة الأصلية كتبت بواسطة ahmed aboubakr

انا بحب الريجاتا بس شكلها زعلانة مني

سلام عليكم
الريجاتا مش زعلانه منك ولا حاجه
عربيه احسن من عربيات كتير جديده و كفايه انها تنفع للشوارع بتاعتنا
ارتفاعها عن الارض مناسب جدا تقدر تاخد المطب بسهوله مش زي العربيات الجديده
عربيه قويه سحبها علي الطريق ممتاز سواقتها ناعمه
المشكله اللي عندك انك اشتريتها من واحد كان هالكها علشان كده تعبتك
الحمد لله حضرتك تقريبا عملت 90% منها ان شاء الله ربنا يباركلك فيها
اسف للاطاله

يارب يكون كل أعضاء الجروب بخير ياريت لو حد يعرف سعر الكوريك بكام اصل اول مرة اشترية بصراحة.. والكوريك بتاعى اتسرق من الشنطة يالا الحمد لله انه مخدشى حاجة تانية . ربنا يسامحة بقا ..

المشاركة الأصلية كتبت بواسطة عمر عماره

يارب يكون كل أعضاء الجروب بخير ياريت لو حد يعرف سعر الكوريك بكام اصل اول مرة اشترية بصراحة.. والكوريك بتاعى اتسرق من الشنطة يالا الحمد لله انه مخدشى حاجة تانية . ربنا يسامحة بقا ..

قدر ولطف الكوريك بيبدء علي حد معرفتي من 70 او 80 جنية وموجود كتير في التوفيقية كل الانواع

عندي العربية كانت زجاج كهربا بس صاحبها كان مغيرلها اربع بيبان نوفا بس زجاج عادي مش عارف ازاي المهم زراير الكهربا عندي موجوده في الطابلوة وعايز احول الزجاج الامامي كهربا تاني اشتري المكن بتاع الكهربا منين وبكام ونوعه ايه وبيتركب عند مين وياخد مني في حدود كام معلش انا اسالتي كتير بس عشمي في الريجاتاوية كبير