رابطه محبي ومالكي الريجاتا

**nicegypt** · 26-02-2014 09:33 PM

المشاركة الأصلية كتبت بواسطة ozo_eg

الماكنه بتاعت العربية خفيفه عايزه اعرف عشان تتصلح يتعمل فيها وايه الى ممكن يتغير واسعارها ايه ومصنعية المكانيكى ايه

نصيحة هات مكنة استيراد بحالة جيدة وتتأكد من ورقها .. وتتأكد من ان جوان وش السليندر معدن وباقي الجوانات معدن ومن المسامير مفهاش ضربة مفتاح توفير للوقت والمجهود

**طارق ثروت** · 27-02-2014 12:33 AM

عاوز خدمة مهمة يا جماعة .... انا للاسف في واحد ميكانيكي علي ما تفرج لعب في الكربراتير بتاع العربية ومن ساعتها العربية مبرجلة ع الاخر وحاسس انه لعب في مقاسات البيكات وكنت عاوز اعرف المقاسات الاصلية بتاعة الكربراتير الويبر المدور الايطالي ... بيكات الهوا وبيكات البنزين والبكين اللي عاملين زي المسامير اللي جوه الكربراتير ... لو يتفضل حد منكم يفك البيكات بتاعته لو ملعبش فيها ويقولي هي المفروض بتبقي كام ... مع جزيل شكري

**ahmed aboubakr** · 01-03-2014 02:59 AM

انا كان التابلوة عندي فية حتت مكسرة وكان شكله تعبان فكيتة بشوش وخرجتة بعداداته وجبت علبة بلك ب14 جنية وجبت مكوة لحام وسلك نحاس وقعدت من جوة اتابلوة اسيح والحم بالسلك واديلة بلك وسبتة يومين لحد ما البلك خلاة حديد من جوة وجبت سنفرة 100 وسنفرت التابلوة وجبت اربع علب اسبراي اتنين فراني واتنين بني ورشيت اتابلوة فراني والهوايات بمكان طفاية السجاير بني هارفعلكم الصور بقا زيروووووو اموضوع تافة وكلفني 70 جنية وبصراحة اتابلوة رسم العربية والعدادات فكيتها حته حته وغسلتها ولمعتها وشلت اللمب القديمة وجبت ليدات بتركب علي نفس القاعدة البلاستيك بتاعت اللمب وخلت شكل الاضاة جميل وفكيت الدركسيون وكان متاكل ومسكته وجبت صباعين امير وضميت الجلد علي بعض ولزقت بامير والحتت المشققة حططلها بلك وسنفرتة كويس ورشيته فراني الموضوع تافه محتاج صبر وواحد رايق هاترسم العربية

**Mohamed.Raafat** · 01-03-2014 03:37 PM

المشاركة الأصلية كتبت بواسطة ozo_eg

الماكنه بتاعت العربية خفيفه عايزه اعرف عشان تتصلح يتعمل فيها وايه الى ممكن يتغير واسعارها ايه ومصنعية المكانيكى ايه

بص يا باشا
انا كان عندي نفس الحوار ده
كانت العربية بتدخن من وراء زي عربية الرش و كانت كل شوية تجيب زيت ع البوجيهات
المهم فكيت لقيت المكنة محتاجة عمرة (بس مش عمرة كاملة لأن البساتم و الشمايز كانت كويسة - مش عارف هل الاسم كده صح ولا لأ )

المهم انا عملت الموضوع ده في شهر 10 اللى فات و دي كانت التكلفة
400 ريداتير (الومنيوم بس مش عايز اقولك جااااااااااااامد في الحر )
300 بطارية
210 طقم صبابات
190 طقم شنبر + جوانات
80 مخرطة لـ وش السلندر
60 ضبط تاكيهات
25 فلتر بنزين +خرطوم
70 زيت
300 مصنعية

يعني في حدود 1600جنيه تقريبا ممكن تزيد و ممكن تقل

**ahmed_moeaz** · 01-03-2014 08:28 PM

المشاركة الأصلية كتبت بواسطة ahmed aboubakr

انا كان التابلوة عندي فية حتت مكسرة وكان شكله تعبان فكيتة بشوش وخرجتة بعداداته وجبت علبة بلك ب14 جنية وجبت مكوة لحام وسلك نحاس وقعدت من جوة اتابلوة اسيح والحم بالسلك واديلة بلك وسبتة يومين لحد ما البلك خلاة حديد من جوة وجبت سنفرة 100 وسنفرت التابلوة وجبت اربع علب اسبراي اتنين فراني واتنين بني ورشيت اتابلوة فراني والهوايات بمكان طفاية السجاير بني هارفعلكم الصور بقا زيروووووو اموضوع تافة وكلفني 70 جنية وبصراحة اتابلوة رسم العربية والعدادات فكيتها حته حته وغسلتها ولمعتها وشلت اللمب القديمة وجبت ليدات بتركب علي نفس القاعدة البلاستيك بتاعت اللمب وخلت شكل الاضاة جميل وفكيت الدركسيون وكان متاكل ومسكته وجبت صباعين امير وضميت الجلد علي بعض ولزقت بامير والحتت المشققة حططلها بلك وسنفرتة كويس ورشيته فراني الموضوع تافه محتاج صبر وواحد رايق هاترسم العربية

الحقنا بالصور بالتفاصيل المملة والدقيقة لاعادة الحياة للتابلوة

**ahmedmostafaaa** · 03-03-2014 10:55 AM

المشاركة الأصلية كتبت بواسطة amro1965

الف شكر اخى العزيز
بالنسبه للمفتاح عندى بيخرج والسيارة شغاله عادى جدا
لدرجه ان دورت السيارة وشلت المفتاح وفتحت شنطه السيارة
ومشيت يها حتى عملى
من الواضح والله اعلم انه هى الريجاتا نازله كده

استاذي العظيم
انا عندي مافيش كده
من اول تكة والمفتاح مش

بيطلع لازم تقفل الكونتاكت علشان تطلع المفتاح

**hoda3010** · 05-03-2014 10:02 PM

المشاركة الأصلية كتبت بواسطة nicegypt

لو المفتاح بيطلع والعربية دايرة يبقى سوستة الكونتاك مفوتة وبتلف ع الفاضي لان حتي بدون مفتاح
لو لفيت السوستة بأيدك المفروض تكة استاند باي وتكة مارش وتكة تبطل .. انا حافظ الكونتاك بكل محتوياتة .. وانصحك بتجاهل المشكلة لانك مش هتلاقي سوستة زي الاصلية
ومحدش هيرضي يفكها من الكونتاك هيقولك خد الكونتاك على بعضة بالسوستة بتاعتة .. فعموما خلي بالك بس لايعلق المارش والعربية دايرة وانت مش واخد بالك وساعتها هيطير لك المارش لقدر الله .. يأما تروح لكهربائى يفك لك الكونتاك ويحاول يصلح السوستة او يغيرها .. يأما تغير كونتاك كامل لذلك تجاهلها لحد ما تجيب اخرها طالما العربية بتدور

اولاً الف شكرا يا باشمهندس علي معلوماتك القيمة

ثانياً هل قدم المفتاح ( قديم يعني ) ممكن يكون سبب ولو عملت مفتاح جديد ممكن اسنانه الحامية (الجديدة ) تمنع انزلاقه خارج الكونتاكت ولا هي زي ما حضرتك بتقول هي سوسته والف شكر مرة اخري علي معلوماتك التي لا تبخل بها علي احد شكراً

**ozo_eg** · 05-03-2014 10:24 PM

المشاركة الأصلية كتبت بواسطة nicegypt

نصيحة هات مكنة استيراد بحالة جيدة وتتأكد من ورقها .. وتتأكد من ان جوان وش السليندر معدن وباقي الجوانات معدن ومن المسامير مفهاش ضربة مفتاح توفير للوقت والمجهود

شكرا جزلا لحضرتك

بس ممكن اعرف سعر المكنه الاستيراد كام ؟

**ozo_eg** · 05-03-2014 10:26 PM

المشاركة الأصلية كتبت بواسطة ahmed_moeaz

الحقنا بالصور بالتفاصيل المملة والدقيقة لاعادة الحياة للتابلوة

طيب تمام ياريت ترفع الصور بقا نعمل زيك :)

**nicegypt** · 06-03-2014 03:02 AM

المشاركة الأصلية كتبت بواسطة hoda3010

اولاً الف شكرا يا باشمهندس علي معلوماتك القيمة

ثانياً هل قدم المفتاح ( قديم يعني ) ممكن يكون سبب ولو عملت مفتاح جديد ممكن اسنانه الحامية (الجديدة ) تمنع انزلاقه خارج الكونتاكت ولا هي زي ما حضرتك بتقول هي سوسته والف شكر مرة اخري علي معلوماتك التي لا تبخل بها علي احد شكراً :copy of rfds:

تحت امرك استاذي العزيز
بالنسبة للرد على سؤالك : المفتاح الجديد مش هيعمل اي نتيجة نهائياّ لان ميكانيزم الكونتاك من جوة
العيب ملوش اي علاقة بالمفتاح .. طالما مش بيعلق المارش اثناء الدوارة يبقى تجاهل الموضوع بدل ما تدخل نفسك فى تكاليف .. انا اخر مرة مغير فيها الكونتاك جبتة بـ 350 على ما اتذكر وكنت مضايق من المبلغ وكمان قعدت يومين ألف لان كان فية مضروب كتير ف السوق وعملت موضوع بيوضح الفرق بين المضروب والاصلي .. فبلاش تدخل نفسك ف متاهة . لك تحياتي