الموضوع: رابطه محبي ومالكي الريجاتا

المشاركة الأصلية كتبت بواسطة amro1965

النهاردة ضبط زوايا واتزان ورصصت عحل
الاسباب
شبه اهتزاز بطارة الدريكسيون بالاضافه كان الاطارات مش مزبوطة هواء رغم انى ظبط هواء الاطارات
التشخيص
فردة كاوتش تعبانة + فتح فى العجلة الامامية بسبب الحادثة السابقة
النتيجة
مبدأيا افضل بكثير فى الطرق المزدحمة لكن الطرق السريعه لسه مخرجتش
السعر
60 جنيه

ركنت عند بتاع شكومنات علشان الصوت عالى
التشخيص
علبه الشكمان اللى فى اخر السيارة متاكله على الاخر
السعر
100 بعد الفصال وصلنا الى 75 جنيه بالتركيب
لكن حتى الان مركبتهاش لانى مكنتش عامل حسابى مش عارف كويس ولا وحش

اتمنى اكون قد افدت اخوتى الريجاتاوية

طبعا أى اضافة تعتبر افادة أنا ناوى الفترة اللى جاية أشارك بكثافة و عندى أفكار كويسة ان شاء الله نعملها

بالنسبة لعلبة الشكمان متهيألى كده كويسة أوى أنا كنت جايب واحدة السبت اللى فات مكتوب عليها السلام و كانت ب 100 بالتركيب
و الحمد لله فرقت جامد علشان الكربراتير عندى كان بايظ و العلبة كانت معبية كربون و زيت جامد

[QUOTE=amro1965;3873317532]

المشاركة الأصلية كتبت بواسطة amro1965

حضرتك بتقول جايب العلبه استيراد الحكاية وما فيها على ماظن محتاج عفشجى يفكه ويملاه شحم فقط

اللى حضرتك عملتة عين العقل وصح بالظبط بالنسبة لرجة الدركسيون والبوش
حلة فعلا ظبط زوايا وترصيص .. واشكر حضرتك على طريقة عرضك الممتازة للمشكلة وحلها بطريقة سهلة
ومبسطة .. فجزاك الله كل خير .. بالنسبة لثمن علبة الشكمان هي من 70 لـ 90 ج حسب المكان بالتركيب طبعاَ
هتلاحظ بعد التركيب صوت هادئ جداَ للموتور .. وهتلاحظ ثبات درجة حرارة الموتور لان علبة الشكمان منفذ مهم
للموتور وعلى ادائة .. كذلك راجع على قواعد الفرن " ماسورة توزيع عادم الشكمان من عند الموتور "
لانة لازم يظبطها ويكشف عليها .. علشان متصرفش وتعملها اكتر من مرة زيي .. بالاضافة انة لازم يغير المسامير
لو كشف عليها ولاقها محتاجة تتغير بيكونو 4 مسامير بـ 6ج .. لانى عملتها مرتين ظبط الفرن والماسورة بنفس المسامير والنتيجة شهر ويحصل تـنفيس من عند الموتور .. وبيكون صوت الموتور ولا اجدع سرينة .. كنت اقف ف الاشارة الناس كلها توسع كأن تريلة داخلة عليهم من صوت الموتور ..

بالنسبة لعلبة الدركسيون هى جديدة وليست مملوءة .. والحمد لله مفيش اي حدفة او بوش او اخطاء من دى
لانى قابلت دة كلة اول مستلمت العربية كان فيها العبر .. المهم كل ما في الامر ان الدركسيون بيكون تقيل احيانا
ساعة الركنة واحيانا مية وزي الفل ! ودى علبة عادية اسكاترا مهياش باور .. بالاضافة انها مش بترجع لوحدها فى
أليوتيرن .. عموما هخلي عفشجى يبص عليها واقول لحضراتكم .

----------------------
اهلا بحضرتك يا بشمهندس احمد ومنتظرين رأيك وتجاربك فى الريجاتا
على فكرة بعملها صيانة بقالى فترة لوحدى .. من رجلشة فرامل اليد + رجلشة الفرامل العمومية + تنظيف كربراتير+ تزييت سلك الدبرياج وفصحة " والتحكم فى مشوار الدبرياج وخفتة او تقلة " وسلك الاكسراتير وخلافة .. واي شيئ يخص الصيانة الدورية والحفاظ على الاداء .. وممكن اشرح لحضرتكم الكيفية .. حضرتكم حددو الجزء المطلوب واقول لحضرتكم ازاي بأذن الله
وياريت نتبادل افكارنا

تم تغيير طرمبة البنزين بأخرى جديدة لانها كانت بتجيب زيت من عند البنز والجديدة جبتها منشأ اوربى ب 65 جنيه + تركيب 10 جنيه

العربية عندى بتعمل 180 كيلو فى الصفيحة خارج المدينة يعنى الليتر = 9 كيلو فهل دا معدل معقول؟؟وسؤال اخر -- عند الضغط على الفرامل اسمع صوت هواء فما السبب؟

المشاركة الأصلية كتبت بواسطة alsharkawy

العربية عندى بتعمل 180 كيلو فى الصفيحة خارج المدينة يعنى الليتر = 9 كيلو فهل دا معدل معقول؟؟وسؤال اخر -- عند الضغط على الفرامل اسمع صوت هواء فما السبب؟

بالنسبة للمعدل مش عارف الصراحة علشان العوامة عندى بايظة

بالنسبة لصوت الهوا عندك روح للميكانيكى خليه يبصلك على السيرفو

المشاركة الأصلية كتبت بواسطة alsharkawy

العربية عندى بتعمل 180 كيلو فى الصفيحة خارج المدينة يعنى الليتر = 9 كيلو فهل دا معدل معقول؟؟وسؤال اخر -- عند الضغط على الفرامل اسمع صوت هواء فما السبب؟

العربية لو مظبوطة تعمل 250 كيلو أو أكثر في الصفيحة بدون تكييف وخارج المدينة

المشاركة الأصلية كتبت بواسطة mtageldeen

العربية لو مظبوطة تعمل 250 كيلو أو أكثر في الصفيحة بدون تكييف وخارج المدينة

هوا تنك الريجاتا كام لتر ؟؟

السيارة بتعمل من 180 الى 190 داخل المدينه
و 240 الى 260 خارج المدينه لو مظبوطه
بالنسبه للسعه اللتريه
طبقا لمواصفات الريجاتا على النت
55 لتر
بالنسبه لى اكبر تفويله فولتها والسيارة كانت منورة دليل على ان النت على الاحتياطى كانت 46 لتر