رابطه محبي ومالكي الريجاتا

**amro1965** · 01-03-2011 06:34 PM

محتاج معلومه
الشكمان مما يتأثر
صديق لى قالى الشكمان بيتأثر اكثر فى الطرق السفر الطويلة اما فى الطرق القصيرة الشكمان لا يتأثر
اتمنى من له درايه يخبرنا لنستفاد سويا

**nicegypt** · 01-03-2011 07:14 PM

المشاركة الأصلية كتبت بواسطة amro1965

محتاج معلومه
الشكمان مما يتأثر
صديق لى قالى الشكمان بيتأثر اكثر فى الطرق السفر الطويلة اما فى الطرق القصيرة الشكمان لا يتأثر
اتمنى من له درايه يخبرنا لنستفاد سويا

حضرتك انا قعدت ساعات طويلة مع 4 محلات شكمانات مختلفة
الشكمان بيتأثر من اشياء متعددة .. سواء طرق قصيرة او طويلة
المطبات العالية والطوب اللى ف الارض الصغير
البارومة الناتجة من المية اللى ف الشارع والامطار وخلافة
الشكمان بيحتاج مراجعة ولو مرة ف السنة وبيتطلب تغيير ان تطلب ذلك كأي جزء ف السيارة
طرق طويلة او قصيرة مش بتفرق .. العادم اللى خارج بيكون واحد سواء مشيت فى طريق قصير او طويل

**Ahmed_Ramadan** · 01-03-2011 08:00 PM

طيب يا جماعة حد عنده طقم عدادات قديم بايظ أو مش عاوزه ؟؟

**Ahmed_Ramadan** · 02-03-2011 03:04 PM

عاوزين نعمل نور التابلوه زى ده ؟!!

Uploaded with ImageShack.us

**Ahmed_Ramadan** · 03-03-2011 02:02 AM

ده موضوع قديم بس مفيد
http://www.nilemotors.net/Nile/85845-a.html

**regata** · 03-03-2011 07:30 AM

المشاركة الأصلية كتبت بواسطة nicegypt

وعليكم السلام ورحمة الله .
بالنسبة لكالون الابواب والشنطة .. حضرتك دول بيتغيرو بكل سهولة من عند اي محل ابواب سيارات محترم
انا غيرتهم من محل فى فيصل ميجيش متر ف متر ومن غير يفط ولا حاجة تخيل ! ولما سألتة قالى ان كوالين
الريجاتا منتشرة وسهلة جداَ ومش محتاجة تروح للوكالة ولا عزبة شلبي .. حضرتك اي محل ابواب سيارات محترم
ولو لسة مجبتش هوصف لك واحد قريب من مترو فيصل يعنى ممكن تاخد المترو وتروح لة وتركبهم فى المكان اللى يعجبك .. او لو عايز تركبهم يبقى تيجي بالعربية .

بالنسبة للاسعار حسب الاجندة بتاعتى : 60 ج تكلفة الكوالين .. واخد 30 ج مصنعية تركيب بعد الفصال = 90 ج اجمالي
بالنسبة للانذار والسنتر .. فية منهم انواع لا تعد ولا تحصى .. هقولك على اللى ركبتة عندى والحمد لله ممتاز

طقم سنـتر ماليزي = 90 ج بعد الفصال الشديد " اوعي تجيب صيني ولا تيلاندي هتلاقية رخيص جداَ واداء سيئ "
انذار " سباي spy " انذار ماليزي وممتاز .. يعيبة شيئ واحد فقط هو ردائة خامة الريموت كنترول .. شكل الريموت
مش حلو هي ازواق عموما بالاضافة ان البيانات والنصوص فى خلف الريموت اتمسحت .. غير كدة اداء ممتاز
واحسن من الولف والريموت بيلقط من مسافة بعيدة .. بفتح العربية وانا بعدى الشارع عبال معدى الشارع الاتجاة
الاخر اركب وامشى .. سعرة = 185 ج بعد الفصال الشديد + 80 ج مصنعية تركيب

كدة الموضوع كلة عندك هيتكلف اجمالى سنتر + انذار + مصنعية = 325 ج
اجمالى تكلفة الكوالين بالمصنعية = 90 ج .. يعنى اعمل حسابك علشان تعمل القصة دى قول 420 ج

السلام عليكم وحشتوني جدا جدا ويارب النصر لمصر ويارب ماتعود تاني لورا
بالنسبة للكوالين كلهم مفتاح واحد؟
ارجو التوضيح وخصوصا الشنطة والكونتاكت

**coolteem** · 06-03-2011 10:10 AM

[QUOTE=nicegypt;3873318409]

المشاركة الأصلية كتبت بواسطة amro1965

اللى حضرتك عملتة عين العقل وصح بالظبط بالنسبة لرجة الدركسيون والبوش
حلة فعلا ظبط زوايا وترصيص .. واشكر حضرتك على طريقة عرضك الممتازة للمشكلة وحلها بطريقة سهلة
ومبسطة .. فجزاك الله كل خير .. بالنسبة لثمن علبة الشكمان هي من 70 لـ 90 ج حسب المكان بالتركيب طبعاَ
هتلاحظ بعد التركيب صوت هادئ جداَ للموتور .. وهتلاحظ ثبات درجة حرارة الموتور لان علبة الشكمان منفذ مهم
للموتور وعلى ادائة .. كذلك راجع على قواعد الفرن " ماسورة توزيع عادم الشكمان من عند الموتور "
لانة لازم يظبطها ويكشف عليها .. علشان متصرفش وتعملها اكتر من مرة زيي .. بالاضافة انة لازم يغير المسامير
لو كشف عليها ولاقها محتاجة تتغير بيكونو 4 مسامير بـ 6ج .. لانى عملتها مرتين ظبط الفرن والماسورة بنفس المسامير والنتيجة شهر ويحصل تـنفيس من عند الموتور .. وبيكون صوت الموتور ولا اجدع سرينة .. كنت اقف ف الاشارة الناس كلها توسع كأن تريلة داخلة عليهم من صوت الموتور ..

بالنسبة لعلبة الدركسيون هى جديدة وليست مملوءة .. والحمد لله مفيش اي حدفة او بوش او اخطاء من دى
لانى قابلت دة كلة اول مستلمت العربية كان فيها العبر .. المهم كل ما في الامر ان الدركسيون بيكون تقيل احيانا
ساعة الركنة واحيانا مية وزي الفل ! ودى علبة عادية اسكاترا مهياش باور .. بالاضافة انها مش بترجع لوحدها فى
أليوتيرن .. عموما هخلي عفشجى يبص عليها واقول لحضراتكم .

----------------------
اهلا بحضرتك يا بشمهندس احمد ومنتظرين رأيك وتجاربك فى الريجاتا
على فكرة بعملها صيانة بقالى فترة لوحدى .. من رجلشة فرامل اليد + رجلشة الفرامل العمومية + تنظيف كربراتير+ تزييت سلك الدبرياج وفصحة " والتحكم فى مشوار الدبرياج وخفتة او تقلة " وسلك الاكسراتير وخلافة .. واي شيئ يخص الصيانة الدورية والحفاظ على الاداء .. وممكن اشرح لحضرتكم الكيفية .. حضرتكم حددو الجزء المطلوب واقول لحضرتكم ازاي بأذن الله
وياريت نتبادل افكارنا

السلام عليكم يا بتو ع الريجاتا ...ارجو من الاخ نايس شرح كيفية تزييت سلك الدبرياج وتوضيح معنى كلمة فصحه . لأن انا سلك الدبرياج اتقطع منى واشتريت واحد وانا اللى ركبته وانا معرفش انه بيتزيت وازاى اظبط مشوار ه صح ولكم منى الشكر

**coolteem** · 06-03-2011 10:26 AM

بالمناسبه انا عملت حادثه خدت فى وشها الفانوسين والشبكه ورفرف شمال .الاسعار من العزبه القبليه فى حلوان كما يلى

1-2 فانوس ريجاتا الواحد بمائه وخمسين + عشرين كشاف اشاره وهذا للعلم انا جبت فانوسين شاهين وكشافين اشاره بميه وخمسين

2- الشبكه صناعه تايوانى مائه واربعون . فى منها مصرى باربعين جنيه . بس معفنه

3- اكصدام امامى تايوانى ثلاثمائة جنيه .

4- رفرف شمال امامى استعمال لان مفيش منه جديد حتى فى التوفيقيه مائه وثمانون جنيها .من الوكاله من واحد اسمه مصطفى الرملى وتليفونه للى يعوز اى حاجه 0129454297

**nicegypt** · 06-03-2011 03:35 PM

المشاركة الأصلية كتبت بواسطة regata

السلام عليكم وحشتوني جدا جدا ويارب النصر لمصر ويارب ماتعود تاني لورا
بالنسبة للكوالين كلهم مفتاح واحد؟
ارجو التوضيح وخصوصا الشنطة والكونتاكت

حضرتك اللى بتحدد يكونوا مفتاح واحد ولا اكتر .. لان البائع بيكون عندة كوالين بمفتاح واحد ونسخة لة فقط
وعندة كوالين تانية فحضرتك اللى بتحدد وبتقولة اللى انت عايزو .. اللى عملتة بالنسبة لى مفتاح للشنطة لوحدة .. ومفتاح للباب وبعدها ركبت سنتر وانذار .. واصبح مفتاح واحد فقط للشنطة ... وريموت لفتح الابواب .. وفى نفس الريموت مفتاح الكونتاك .. وبس ... ومفتاح الابواب بشيلة فى جيبي للطوارئ لو السنتر قفل والمفاتيح جوة ..
ودى حصلت معايا المفاتيح جوة ع التابلوة وانا خرجت والانذار بيقفل بعد متخرج بخمس ثوانى ودى ميزة حلوة
علشان لو نسيت تقفل العربية .. هى بتـقفل نفسها بنفسها .. وعيبها ان مفاتيحك لازم تبقى ف ايدك او
خليها ف الكونتاك وخلي الكونتاك مفتوح ثنة .. " لفة واحدة " علشان الانذار يحس انك جوة عن طريق المفتاح

المشاركة الأصلية كتبت بواسطة coolteem

السلام عليكم يا بتو ع الريجاتا ...ارجو من الاخ نايس شرح كيفية تزييت سلك الدبرياج وتوضيح معنى كلمة فصحه . لأن انا سلك الدبرياج اتقطع منى واشتريت واحد وانا اللى ركبته وانا معرفش انه بيتزيت وازاى اظبط مشوار ه صح ولكم منى الشكر

وعليكم السلام ... كان الافضل تزييت سلك الدبرياج قبل تركيبة .. عموما فكة تانى وحط نقط زيت موتور من
اي جركن زيت عندك يكون فاضى هتلاقى فية نقط بسيطة .. بعد متحط الزيت جوة الجراب ... شد السلك برفق لبرة ورجعة مكانة جوة الجراب .. يعنى شغلة ف ايدك كأنة شغال فى العربية علشان الزيت يمشى فية من جوة
بعدها ركبة فى العربية .. الموضوع دة مش هياخد دقيقة من وقتك .. الدقيقة دى هتحافظ لك على عمر اطول
للسلك .. بالنسبة لضبط طول المشوار .. هى بتتظبط على حسب رجلك انت وطريقة قيادتك .. يعنى مثلا فية
ناس بتحمل الدبرياج ع الاخر تلاقيها تقيلة تحت رجلك ودى الميكانكية كتير بيعملوها وبضايقنى .. لان اولا تقيلة
تحت رجلي وبتتعب فى المشاوير الطويلة جداااااااا .. ثانيا مضرة جداَ لانها بتستهلك الاسطوانة والديسك بتاكلهم
بسرعة .. كنت بحس بالاسطوانة تحت رجلي ساعة التعشيق مع الفتيس ! .. طبعا حلها انك تركب السلك ف العربية .. بعد كدة جرب مشوار الدبرياج شوفو عامل اية معاك .. لو محتاج يتخف .. بتروح على صامولة موجودة
فى مسمار طويل اللى هى بتاعة سلك الدبرياج .. صورة لها هنا :

لتخفيف الدبرياج وتقليل مشوار الدبرياج :
ببتلف الصامولة دى العكس كأنك بتفك " الفك بيكون بلف مفتاح 10 بلدي اتجاة اليسار "

لتـثقيل الدبرياج وتقصير مشوارة :
" العربية هتبدء تتحرك اول مترفع الربع من الدواسة او اقل فخلي بالك هتبقى باللمس "
بتلف الصامولة اتجاة الربط بأستخدام مفتاح عشرة " تلف المفتاح اتجاة اليمين كأنك بتربط بالظبط "

صورت صور كتير توضح كيفية تركيب سلك الدبرياج علشان الاخ عمرو وللاسف الاحداث اللى حصل نستنى .
طريقة تركيب سلك الدبرياج مش بتاخد دقيقة .. السلك لة جزء بلاستيك مدور .. والاتجاة الاخر مسمار طويل بصامولة
تركب الجهة اللى فيها دائرة بلاستيكية فى صدر العربية مكان القديمة .. والاتجاة الاخر اللى فية مسمار بصامولة
يركب فى ذراع الفتيس .. علما انة يجب شد ذراع الفتيس للخلف قليلا اثناء التركيب .

سؤال لحضرتك استاذ "coolteem " سلك الدبرياج قعد معاك قعد معاك فترة قد اية ؟ قعد سنة مثلا ولا اقل ؟؟
لانى بغيرة بسرعة قبل ميقطع ومعرفش عمرة الافتراضى قد اية فى الاساس .. حاجات كتير بغيرها فى العربية
قبل وقتها بكتير وبتكلفنى ع الفاضى .. بس فى المقابل بحس انها شبة زيرو والله من اعتنائى بيها

quote=coolteem;3873331046
]بالمناسبه انا عملت حادثه خدت فى وشها الفانوسين والشبكه ورفرف شمال .الاسعار من العزبه القبليه فى حلوان كما يلى

1-2 فانوس ريجاتا الواحد بمائه وخمسين + عشرين كشاف اشاره وهذا للعلم انا جبت فانوسين شاهين وكشافين اشاره بميه وخمسين

2- الشبكه صناعه تايوانى مائه واربعون . فى منها مصرى باربعين جنيه . بس معفنه

3- اكصدام امامى تايوانى ثلاثمائة جنيه .

4- رفرف شمال امامى استعمال لان مفيش منه جديد حتى فى التوفيقيه مائه وثمانون جنيها .من الوكاله من واحد اسمه مصطفى الرملى وتليفونه للى يعوز اى حاجه 0129454297[/quote]

اولا حمداّ لله على سلامتك .. المهم انك سليم وبخير الحمد لله دة اهم شيئ .. لو امكن تقولنا اللى حصل
علشان نتعلم ونخلي بالنا ... ثانيا .. الفوانيس امرها سهل وسعرها كويس وبتيجي جديدة من اي حد بتاع فيات
بتجيب فوانيس دوجان او شاهين .. الشبكة سعرها غريب بصراحة حسب معلوماتى بتبدء من 50 ج لـ 60 اقصى حد
صناعتها معرفش .. ومش عارف الفرق بينها وبين التيوانى .. هل الفرق خامة بس ؟؟؟ ولا شكل كمان ؟

الاكصدام سعرة كدة كويس .. الحاجة الوحيدة المغالى فيها هنا هى الرفرف !! المفروض انة من 80 ج لحد 120 ج بالكتير قوي حسب البائع ! .. بس عموما بسيطة .. هل الراجل دة عندة قطمة اللى حوالين الدركسيون ؟

**amro1965** · 07-03-2011 07:20 PM

انا مع الاستاذ نايس ايجبت لمعرفه اسباب الحادثه
هل هو سوء تقدير من حضرتك ام سرحان
ام خطا الغير
وكيفيه تلافى الخطا لنتعلم منه
بالنسبه لى انا عملت حدثتين وربنا ستر سوف ارويهم بك امانه للاستفاده
اول حادثه كانت بسيارتى الماضية ريتمو
كنت ماشى بسرعه ولانى كنت مظبتها على الشعرة اخذننى الغرور فما كان منى انى وجدت سيارة ميكروباس تويوتا بتجرى فجريت معها وعند وصولى عند تاكسى كان واقف راح حادف مره واحده بطبع اخذت رفرفه الشمال مع الاكصدام شبك مع رفرفى اليمين وقطعه
اما الحادثة الثانية كانت بسيارتى الريجاتا الحاليه
كنت مسافر على الطريق الصحراوى الغريى فكنت ناوى اريح فى كافتيريا
شاهدت كافيتريا امامى وكنت ماسك الشمال هديت ونظرا لقه السيارات اللى ماشيه على الطريق ولان الطريق فردتين رايح جاى
فلما هديت رحت حادف سنه يمين لدخولى للكافيتريا بدون اعطاء اشارة يمين فما كان من ان سيارة بيجو 7 راكب جايه بسرعه 120 كيلو راحت واخده جزء من الباب الامامى يمين والرفرف وطبقت الجنط
بالنسبه لى انا سيارتى وقفت مكانها نظرا لانى كنت مهدى على الاخر لكن البيجو ربنا ستر وتمكن سائقه من وقوف السيارة بعدى بحوالى 200 متر
النصائح التى تعلمتها من هذه الحالات كالتالى
اولا
لا تغتر بنفسك وانتى ماشى ولا ثقتك الزائده بكفاءه سيارتك
ثانيا
لا تعاند فى المشى مع اى قائد سياره بجوارك حتى لا تفقد حياتك او سيارتك
ثالثا
عينك على السيارة التى راكنه سواء بتحمل افراد او ماشابه ذلك لانها ممكن تحدف فأجه مثلما حدث معى
رابعا
لا تأخذ قرار فجأه بالتوقف ولكن قبل الوقوف انظرا فى مرأه سيارتك يمين وشمال حتى ولو كان الطريق فاضى
خامسا
لا تشغل نفسك وان تقود سيارتك باشياء تضرك مثل مسك تليفونك بيد والقياده بيدك الاخرى - اذا وقعت اشياء من على الطابلوه فلا تلتقتها وان تقود سيارتك لانك بين وبينك الحادثه طرفه عين
سادسا
احذر ثم احذر خطا الغير بمعنى اعمل حسابك على ان الذى يقود السيارة التى امامك ممكن يقف فجأه او ممكن يحدف فجأه يمين او شمال بدون مايعطى لك اشارة بذلك
سابعا
اترك مسافه مناسبه بينك وبينك الذى امامك وحاول تحددها بنفسك حسب حاله سيارتك واعلم جيدا ان حتى لو فرامل سيارتك شديدة اعلم ايضا ان سيارتك سوف تذحف منك ولو المسافه قليله لا قدر الله سوف تدمر مقدمه سيارتك وخلفيه السيارة التى امامك بالنسبه لى بسيب مسافه مقدارها حوالى 15 متر حتى اقدر اتلافى اى خطر سواء لى او الى السيارة التى امامى
واخيرا
احذرك واحذر نفسى من تلافى الاخطاء التى قد تصيب النفس لا قدر الله او السيارة نفسها
وشكرا لكم جميعا

الموضوع: رابطه محبي ومالكي الريجاتا

LinkBack

أدوات الموضوع

عرض

-

-

-

-

-

-

-

المواضيع المتشابهه

مقابلة محبي ومالكي الداستر

رابطه محبي سكودا اوكتافيا a5 على الفيس بوك

نادي محبي ومالكي 127.........

إلى الأستاذ سبعاوي وكل مستخدمي الريجاتا -"ترويش الريجاتا"

الكلمات الدلالية لهذا الموضوع

المفضلات

المفضلات

ضوابط المشاركة