مــــــــــــــــــــــــ ؤيد طبعا
وأنا أول مشارك بكل جدية ***
وعايزين نحل كل مشاكلها وخصوصا السخونة
طبة المياة بين الفتيس والبلوك:bee5:
ده رقمي 01222589100
بجد الريجاتا بدعي ربنا يبارلكي فيها
ومش عايز أفرط فيها ولآ اهنها ابد
عرض للطباعة
يا جماعة انا عايز اجيب عربية ريجاتا انا من اسكندرية لو لقيت عربية فيها شغل سمكرة في الارضية مثلا او رشة دواخل او فيها عيب في الموتور ايه اللي الاقيه في العربية ابعد عنها علي طول وايه احلي موديلات الريجاتا ولو حد يعرف حد عنده عربية ريجاتا حلوة يقولي علي الخاص وشكراً
يا حبايب الريجاتا حد يرد عليا ضروري
هل مروحة ريداتير الريجاتا ينفع يركبلها كتاوت
وبتقى منفصلة ولا مع كتاوت النور
و لا اصلا مش محتاجة أصلا كتاوت
حد محترف يرد عليا ياأهل الخبرة
أناعملت الحل ده ياجمااااااااااعة وفعلا الحرارة موصلتش81 وكان منظر أول مرة أشوفه
بس المصيبة اللي هتحصل حضرتك إن المروحة مش بتفصل وتتحرق في مشوار واحد
لأن درجة الفصل 67 ومش ممكن في مصر عربية توصل للرقم ده
أيه الحل يا جمااااعة أفيدونا يأهل الخبرة
المروحة هتتحرررررق:36_1_31::36_2_49[1]::36_2_49[1]:
هات واحد حبيبك بيفهم في الميكانيكا ... ولازم يكون بيعزك قوي
وخليه يبصلك على الموتور والفتيس والسخونة والدخنة وحوض الموتور وكل حاجة وسيبه لمدة نصف ساعة أو أكتر يفحص العربية مش أقل من كدة
الريجاتا لو ملعوب فيها إبعد عنهاخاااالص
ولو حالتها حلوة أوعى تفرط فيها
عاوز حل لموضوع التابلوة؟؟؟؟؟
هل ممكن تابلوة الانوس يركب فى الريجاتا؟؟؟؟؟؟؟؟؟؟؟؟؟
انا غيرت قاعدة الفتيس لان الميكانيكي قاللي ان القواعد مهرية وفعلا كان الغيار ما بيجيش صح وكانت العصاية تحس انها عايمة كدة بس لما عملهالي اتظبطت وبقت ثابتة في مكانها وبتاخد الغيار بسلاسة ونعومة
اتفق معاك وانا دايس
السلام عليكم ايها الأفاضل الكرام ..
أنا اسمى تامر مترجم لغة المانية ... اشتريت من 3 ايام بحمد الله و فضله ريجاتا 85 .. أنا مرتاح جدا ليها و حاسس ان شاء الله ان هيبقى فى عشرة طيبة بعد استخدامى للــ 127 لمدة 4 سنوات ..
العربية صاحبها كان لسه شاددها كويس جدا و مغير لها التابلوه لتابلوه سيينا .. شكله تحفه و مخليها شبه العربيات الجديدة ...
أرجو قبولى عضوا فاعلا فى رابطتكم العظيمه و ان شاء الله تكون صحبة طيبه ...
نرحب بالاستاذ تامر فى الرابطة ونتمنى لك التوفيق كما نرجو منك تصوير التابلوة لباقى الاعضاء للاسفادة وشكرا
شاكر جدا على الترحيب ..
فورا هاصور التابلوه و ان شاء الله بالكتيير يوم السبت هكون رفعته هنا .. أنا بس مشغول فى عمل السرفيس المعتاد ... بالمناسبة احب اذكر اللى انا عملته لحد دلوقتى فى العربية للأفادة العامه و كمان لو فى حد من الأصدقاء يحب يعلق أو ينصح بحاجه :
1- طبعا اول حاجه عملتها هو تغيير سير الكاتينة و ده كان بناءا على نصيحة الرابطة و بعد ما قريت تجربة احد الأخوة بعد ما اتقطع منه و الموتور جاب صبابات - ربنا يعيينه و ييسره علاجها - روحت للميكانيكى بتاعى بالعربية و طلبت منه يكشف على سير الكاتينة و نشوف لو محتاجيين نغيره فقالى من غير ما نكشف لازم تغييره طالما العربية مستعمله .. و فعلا روحت جيبت واحد Bosch ألمانى و فعلا لقيت اللى كان متركب بدون أى علامات عليه و لا تواريخ ولا اى دليل على أصله - شكله كان مضروب - و الحمد لله غيرته. مش فاكر السعر للأسف لأنه كان فى وسط حاجات تانى كتير.
2-فلتر البنزين كان منتفخ من كتر الشوائب اللى فيه فغيرته بواحد تانى فيات جديد بحوالى 6 جنيه.
3-ابلاتين بدون سلك فرنساوى.
4-كوندنسر 3 خرم.
5- طقم بوجيهات يابانى واحد شمعه ( أنا قريت انه المفروض 2 شمعه بس الراجل قالى ان العربيات الفيات كلها بيتركب لها واحد شمعه فياريت حد يفيدنى فى الموضوع ده علشان المره الجاية ان شاء الله اعرف اجيب ايه و عموما انا ايدى فيها على طول و بغير دايما الحاجات دى)
6-فلتر هوا بـــ 17.50 جنيه ... تخيلوا ما كنش فيها أصلا فلتر هوا ؟؟؟؟!!
7-كاوتشة كوبلن شمال لأنها كانت بتجيب زيت.
8-شديت فرامل اليد لأن ماكنش فيها فرامل خالص
9-ربط على كوعة البنزين اللى ورا على اليمين اللى جايه من التانك لأنها كانت بتسرب شويه
الميكانيكى ظبط الكهربا و لقى ان كاوتشة الكربراتير محتاجه تتغير لأنها بترشح بنزين خفيف .. لازم اروح لبتاع كربراتير طبعا مع انى ما باثقش فيهم كلهم لأنهم بتوع اشتغالات
فى عندى مشكله صغير و هى المرايات .. المشكله انى اتعودت انى اسوق بمراية الصالون اللى فى النص بس و مش متعود استخدم مرايات جنب .. طب ايه المشكله ؟؟ المشكلة ان مش لاقى مرايه مناسبة تتركب فوق مرايتها الأصليه و تكون كبير بحيث تجيب اللى الطريق كله من ورا .. طبعا ده كان سهل فى العربية الى قبلها وهى الــ 127 لأنها كانت صغيره ... بافكر اشيل المرايه الأصليه لأنها صغيرة و اركب مرايه من اللى بتلصق فى الزجاج الأمامى احسن ... هل حد عنده أى فكره احسن ؟؟؟
أوكر الأبواب الداخليه - اللى بتفتح من الداخل - مش عجبانى لأنها ضعيف و باحس ان ما فيهاش عزم .. هل أنا محتاج أغير الأيد بتاعة الباب كلها ؟؟ وهل هى موجودة جديده ولا استيراد ؟ و من اين الأتنين و بكام من فضلكم ؟
أخر حاجه بقى .... عارفين علبة الكاتينة ؟ قصدى الغطا الفيبر بتاع الكاتينة .. مشروخة و ملحومه بسلكه كده أى كلام .. يا ريت حد يدلنى ألاقيها فين و بكام من فضلكم .... ان شاء الله بعد كل التظبيط ده هارفع لكم الصور بالتابلوه ان شاء الله ....
ربنا يحفظكم و يحفظ ريجاتاتكم من كل سوء و من كل عطل مفاجئ ان شاء الله ..
يا اهل الريجاتا يا ريت حد ينورنا ويقولنا ايه افضل مجموعة دبرياج ديسك واسطوانة وبليه للريجاتا العادة ٨٧ وهل ليها فاليو ولو فيه فاليو بيكون عند مين
انا كنت جايب طقم دبرياج ديسك واسطوانة وبلية اسمه لوك المانى من عند الكيلانى فى شارع شمبليون من حوالى 8 شهور كان سعره 650 جنيه وكان فى نوع ايطالى استثمارى كان عامل حوالى 380 جنيه تقريبا ولقيت فاليو عند واحد بتاع قطع غيار فيات بس مش مضمون انه فاليو ولا مضروب كان عامل 320 جنيه
أولا كل سنه وانتم طيبين بمناسبه شهر رمضان الكريم
أنا اسمي مينا طالب في السنه الرابعه كليه اداب انجليزي جامعه القاهره اشتريت عربيه ريجاتة نوفا موديل 90 الحمد لله العربيه اساسها نضيف جدا فيها طبعا حبه مشاكل وديه أول عربيه ليا وبتعلم عليها السواقه
1- التاني بيعض يعني لازم اثبت العصاية في حاره التاني واسيب دبرياج بالراحه لحد ميلقت غير كده هينعر ومش هيجي والعيب ده ظهر بعد مشتريت
2- العيب المتداول الفبره اللي تحت الدركيسون لازم تتغير شكلها وحش جدا
3- العربيه فيها ترموستات سريع عند 70 المروحه بتشتغل ولو رحت مشوار العربيه اخرها 85-88 حراره
مش عارف ده طبيعي ولا لأ
4- العدادات بتلعب وانا ماشي ورحت لكهربائي معرفش يصلحه
5- فيه صوت تكتكه خفيف في المكنه مع إنها الحمد لله العربيه جرايه والمطور عفي على المطالع المكنيكي قال ده عمود كامه وحش مش عارف ده صح ولا غلط
أعذري جهلي طبعا وبشكر كل القائمين على الموضوع ده لانه فيه معلومات قيمه جدا وياريت تدلوني على الصح
شكرا ليكم جدا
كل سنه و جميع الأخوة الريجاتاوية بخير و سعادة ان شاء الله ..
أحب اشارك معكم أخر حاجة عملتها فى العربية ..
بعد ما قريت فى الرابطة عن اهمية المصفحه للعربية روحت للسمكرى علشان اركبها لأن كان فى ناحية من الأربع نواحى بتوع المسامير فيها مشكلة مش عارف ايه كده .. وانا باغير الزيت الولد قالى روح لسمكرى علشان المصفحه متشعلقة على تلات مسامير بس . المهم السمكرى قالى لأ ده شغل الميكانيكى .. شكله كان مالوش مزاج يشتغل لأننا كنا أول يوم رمضان .. المهم روحت للميكانيكى و عمل جاويت للأربع نواحى و ربط المصفحه ميه ميه و قالى دى مهمه جدا لأنها كمان بتمسك أطراف الشاسية و بتدعمه ... و كمان لقى الفتيس مفكوك جدا جدا من تحت و كان على وشك انه يقع !!!!!؟؟؟؟ و ده ستر ربنا و الله ... الحمد لله ربطه و كله تمام ... الحساب 40 جنيه + 5 جنيه اكرامية الصبى
الأشارة الشمال ورا كانت شغاله تمام بس لما بادوس فرامل بتعلق و تفصل .. أشيل رجلى من الفرامل تشتغل تانى ... روحت للكهربائى قالى دى بس محتاجه أرضى .. و عملها و خد 5 جنيه ..
فاضل اعمل البيبان لأنهم بيرزعوا و الباب اللى ورا السواق مش بيفتح من بره و الأزاز بتاع السواق بييجى فى النص و يقف ( كهربا ) .. هاعملهم و ان شاء الله اعرفكم التفاصيل
اريد معرفه ارقام بيكات الكرباتير التي بالمننتصف الثلاثة وايضا معرفة الفاكيم والزراع بتاعه هل يباعوا منفصلين ومن اين ؟؟؟؟؟؟؟؟؟؟
ارقام البيكات رجاء وياريت لو في صور وشرح وافي للكربراتير
يا ريت حد يفيدك انا معرفش عن نفسى بس نصيحة كرباتير الريجاتا عايز محترف كرباتير يشتغل فيه ومش اى حد يشتغل فيه واعرف ناس عدلته لشاهين من كتر قرفه
http://im74.gulfup.com/GPycX3.jpghttp://im74.gulfup.com/Bta8kr.jpg
http://im74.gulfup.com/vIysJG.jpg
http://im74.gulfup.com/BjpZyA.jpg
السابق عبارة عن خريطة الكربراتير ويبر 32-34 ريجاتا 85 وبه البكات باعلي ارقامها متغير مش عارف افسرهم محتاج مختصين يميزوا اسماء البكات وامكاكنها لارقام البكات العليا علي الرسمه:36_1_37[1]::36_1_37[1]::36_1_37[1]::36_1_37[1]::36_1_37[1]::36_1_37[1]::36_1_37[1]::36_1_37[1]:
البيكات والصوروكا حاجه جاهزة ومفيش رد واحد؟؟
العفشة عندى عايزة شغل جامد ولسه راجع من عند العفشجى وطالب الحاجات دى اشتريهاله
2 مساعدين امامى - مقص شمال امامى - سكاترا - 2 بيض امامى
عايز اعرف احسن نوع وسعر للمشتريات دى ولو الاحسن انى اجيبهم استعمال خارج ولا جديد
السلام عليكم ايها الاخوه الافاضل
ممكن حد يفيدني في سعر تابلوه ريجاتا موديل 84
وفي حد كلمني في موضوغ تعديل وتركيب تابلوه سينا
ايه رايكم في الكلام ده اخليني في الاصلي ولا اشوف موضوع التعديل؟؟
ولكم جزيل الشكر
السلام عليكم شوف ياجميل التابلوه الاصلي غالى وحالته تعبانة انا غيرته بتبلوه سيينا وركب عليه وشغال زي الفل
بص يا باشا .. أنا مشتريها متعدل لها تابلوه سيينا .. شكله تحفه و بيخليها شبه الجديد .. أوعى تجيب تابلوه الريجاتا .. .وحش و غالى جدا جدا ... عيوب تابلوه السيينا انه هيضيق العربيه شويه لأنه كبير .. بس حل الموضوع ده زى ما واحد سمكرى قالى انه يتقص من الجزء الأمامى و يتقصر شويه ... بالتوفيق ان شاء الله :ask:
الله يعينك .. بس اليه اللى خلاك تستنى عليها ده كله ... خير ان شاء الله .. المهم ... الحاجات دى جديده طبعا مش استيراد ... و المساعدين احسن حاجه نوع اسمه "مونرو" ... علبة الفتيس ممكن تركب بتاعة الـــ 128 عادى .. مركبها عندى وتمام ... بالتوفيق ان شاء الله :ask: