الموضوع: رابطه محبي ومالكي الريجاتا

المشاركة الأصلية كتبت بواسطة mtageldeen

مقاس الفابريكا 80/90

ولكن رأيي 68/80 أفضل

لماذا؟

السبب الرئيسي هو قدم عمر السيارة الذي معه سوف تختلف جودة وكفاءة دورة التبريد عن الفابريكا ولو كانت ظاهرياً سليمة وتم فحصها

عداد الحرارة بيقرأ من أسخن نقطة في دورة التبريد وهى عند وش السلندر بينما الترموستات يقيس درجة حرارته من أبرد نقطة في دورة التبريد أسفل الرداتير.

وبالتالي فإن درجة الحرارة التي يعمل عنها الترموستات 80/90 مثلاً لن تكون أبداً هي درجة الحرارة الفعلية اتي يقرأها العداد بل سيكون العداد قراءته أعلى

عندما تكون السيارة جديدة لن يكون هناك فارقاً يذكر بين القرائتين لجودة دورة التبريد وبعدها عن وجود الأملاح والترسبات والضيق في مجراها وهكذا

أما الآن فقد تم تغيير الريداتير ربما بقاسات مواسير مختلفة عن الفابريكا وهكذا وبالتالي تختلف المنظومة

ولهذا أفضل استخدام 68/80

وهذا رأي البعض ممن استفدت منهم في هذا المنتدى وأخشى ن أذكر اسمهم فيعتبر من يخالفني الرأي من أصدقائنا أن هذا استقواء بالخارج

بارك الله فيك أخى الكريم الأستاذ / mtageldeen على هذه الإفادة

ساعدوني يا أهل الخبرة
دلوققت عداد السرعة عندي واقف
قولت اشغلة علشان أعرف انا بوصل بعربيتي لسرعة كام وبالكشف علية عند كهربائي قالي سلك السرعة مش موجود أشتري سلك تاني روحت بالفعل شتريت سلك تاني وعلي فكرة تمنة عندنا 35 جنية بدون ي فصال ولا نقاش وركبة الكهرباء وكانت الصدمة عداد السرعة ما أشتغلش بردة يا تري يكون العيب في أية يا ريت أي حد يقدر يساعدني ؟؟؟

بالنسبة لعداد السرعة :
هل العداد بعد ما ركبته اتحرك ولو حركه بسيطة وبعدين وقف ولا ما اتحركشي خالص .. انا حصلت معايا المشكلة السلك اتقطع القديم وروحت اشتريت سلك جديد ركبته اشتغل حاجه بسيطة وانا بجربه وبعدين وقف .. رجعته .. واشتريت سلك من مكان تاني واشتغل معايا تمام والحمد لله ...
برضو فيه حاجه ممكن تجربها انك تركب السلك في مكانه في التابلوه وقبل ما تركبه في الموتور تحركه بأيده (تلف السلك) وحد يكون قدام التابوه ويشوف لو المؤشر بتاع السرعة بيتحرك يبقى التابوه عندك تمام ..

يا ريت حد يقولنا سعر الترموستات الـ 80/68 بكام وهل ليها انواع وهل تركيبها سهل ولا صعب .. يا ريت لو حد كان غيرهم قبل كده يبلغنا غيرهم ازاي

ياجماعه أنا دايخ على تابلوه للريجاتا .. لقيته فى الوكاله بسعر غريب 2600 جنيه !!! طبعا لو هامشى من غير تابلوه مش هاجيبه بالسعر ده .. لكن عرفت من المنتدى إن تابلوه الريتمو المعدل 85 ممكن يركب على الريجاتا وأسعاره فى حدود من 500 : 700 وكمان أجمد كخامه ..... ياريت لو حد عنده معلومه يقوللى للأهميه