عرض للطباعة
تم بحمد الله الفحص
التفاصيل لجميع الاخوة الريجاتوية
السيارة 1990 ريجاتا 1500 سى سى
تامين اجبارى لمدة سنتين 238 جنية
ضريبة 577 جنيه لمدة سنتين
رسوم 40 جنية
مثلث وشنطة طبية 71.5 جنيه
تم الفحص بدون رشاوى فى بين السرايات
الاجمالى 926.5 جنيه لمده سنتين
انا من وجهه نظرى غالى جدا
ياجماعه في حد عندو مصفحه
فعلا !! كدة عالى ..انا كنت فاكر انى هرخص 3 سنوات بـ ألف بس ! كدة هرخص سنتين فقطاقتباس:
المشاركة الأصلية كتبت بواسطة amro1965
استاذ عمرو .. هل ممكن بعض التفاصيل .. يعنى مثلا بدءت من شباك اية .. اشتريت طبعا الورق الاول .. الخ
سؤال اخر .. هل سألو على الشنطة الطبية ؟؟ هل فحصو طفاية الحريق ؟؟ هل مشى فحص السيارة بسلاسة ؟
ايوة استاذ محمود عندة واحدةاقتباس:
المشاركة الأصلية كتبت بواسطة regata
اخى العزيز نايس اشعر بك والله لانى كنت مثلك لكن لى بعض الاستفسارات
1 - هل السيارة باسمك ولا لسه لم تنقل ملكية
2 - هل السيارة محافظة الجيزة ام محافظة اخرى
3 - هل سيارتك القديمة بعتها بتوكيل ام بعقد مسجل
4 - هل نمر سيارتك قديمة ام نمر جديدة
منتظر اجابه حتى اضعك على الطريق الصحيح
الله يكرم حضرتك .. السيارة بأسمى بعقد مسجل بالشهر العقارياقتباس:
المشاركة الأصلية كتبت بواسطة amro1965
السيارة مرور فيصل .. وسيتم نقلها فى عنوان بطاقتى فى حدائق القبة لانة مرور انضف شوية وخاص بملاكى فقط
ايضاَ عندى مكتب فى فيصل .. ويمكننى تغيير عنوان البطاقة لفيصل وبالتالى ممكن اعملها فى نفس المرور
نمر السيارة جديدة حروف وارقام منذ 3 سنوات .
اخى العزيز نايس ايجبتاقتباس:
المشاركة الأصلية كتبت بواسطة nicegypt
اولا رخصه السيارة باسمك ولا باسم المالك القديم
ثانيا نقل السيارة من مرور الجيزة الى مرور القاهرة سوف يكلفك تغير نمر جديدة من 130 جنيه الى 145 جنيه
ثالثا لو بعت سيارتك القديمة بتوكيل وصاحبها لم ينقل ملكيتها سوف تتكلف مبلغ 75 جنيه ضريبية ترفيهية لتملك سيارة غير السيارة اللى انتى عاوز تعملها نقل وفحص باسمك لكن لو بعتها بعقد مسجل ومعك صورة منه سوف تعفى من الضريبية الترفيهية
رابعا مرور بين السيارات طالبنى بمثلث عاكس وشنطه طبيه تكلفتهم عند المرور كان ب 71.5 جنية لكن لو انت عاوزهم تمشى بيهم حالك فى المرور وترجعهم لى بعد الفحص انا معنديش مانع وفى اى وقت
خامسا بخصوص البطارية ممكن تستعيرها من احد اصدقاءك مثلما فعلت ومشيت بيها الحال بس تكون شبه جديدة وليست عليها ارقام سيارة سابقة لان بطاريتى محفور عليها الرقم القديم
سادسا تذهب الى المرور التابع له بدرى يعنى تكون الساعه السابعه صباحا على بابه لان السيارة بعد كده بتكبس وبتملا ساحه المرور وده بيكون فى صالحك لانه بيكون الفحص روتينى بس اللى بيتأكدوا منه رقم الشاسية وبصمه الماتور مطابقين للرخصه ام لا
سابعا اعمل حسابك يكون فى جيبك لو سنه من 400 جنيه الى 500 للامان للسنه الواحده تشمل مصاريف اوراق فحص وتجديد + التأمين الاجبارى + الضريبه
وانا معك فى أى سؤال
رخصة السيارة الحالية بأسم المالك القديم .. والرخصة بأسم مالك جديد باع لى بعقد مسجل بدون مغير الرخصةاقتباس:
المشاركة الأصلية كتبت بواسطة amro1965
لانها كانت سارية لثلاث سنوات فهو مغيرش الرخصة .. وانا كملت بالرخصة لحد وقتنا هذا وهتنتهى يوم واحد مايو
بخلاف التكلفة .. هل هيطلب منى فك النمر وانى ابعتها المرور بتاعها فى فيصل وامشى من غير نمر ولا هما
هيفكو هناك وهيبعتوها للمرور القديم .. لان حصل العكس امامى فى سيارة تاكسى فأعتقد الامور مختلفة
معايا حاليا مثلث عاكس جديد .. وقريبا هشتري طفاية حريق .. وباقى شنطة الاسعاف .. مش عارف تمنها كام لوحدها ؟
واشكر حضرتك على المبادرة جزاك الله كل خير هحاول اخدها من صديق وعلى الله ميخبش ظنى فية :)
بطارية !! اكيد حضرتك تقصد الطفاية .. هجبها جديدة بأذن الله .. لان وجود طفاية مهم جدا جدا فى السيارة
انا معايا فى السيارة حاليا طفاية حريق بتاعة بيت 5 ك تقريبا وصالحة للعمل .. وفى كل الاحوال انا جايبها للبيت
وكانت معايا فى السيارة للاحداث الشغب اللى كانت موجودة .. لذا وجود طفاية فى البيت والسيارة هام جدا
اوكى على بركة الله .. هكون قبل 7 بكتير ممكن اصلي الفجر واتحرك ولا مشكلة ف ذلك لانى رحت مع صديق فى تغيير
لون وشاهدت الزحام .. اشكر حضرتك استاذ عمرو
هتحتاج اولاً تسجل العربية لو كنت واخدها بتوكيل....الموضوع ده يتعمل فى الشهر العقارى او فى المروراقتباس:
المشاركة الأصلية كتبت بواسطة nicegypt
لو عايز شهر عقارى ...فيه واحد على بعد دقيقتين من مكتبك....يدوبك هتعدى الناحية التانية من شارع السودان
تانى حاجة هتجيب شهادة مخالفات من مرور العربية ( ع حسب فهمى ....انه فيصل )....و اعتقد انه موضوع مش صعب
اعتقد برده الافضل ترخصها فى الحدايق ....لو انت شايف انه مرور احسن ف التعامل ....و تجنباً لتغيير العنوان و الملل ده
خاصة انك لو خليت بطاقتك تبع فيصل...هبتقى تبع مرور عايز الحرق ....و قسم اتحرق بالفعل!!!
فلو انت شايف ان مرور الحدايق افضل توكل ع الله و خليك هناك.....
مفروض ان الفحص اليومين دول بيتم عادى ...و خاصة و انك هتبقى لسه شادد العربية و مظبطها..بس ده ما يمنعش انك تلاقى حد
يحاول يشتغللك ....او يتمسكن لو معرفش يغتت...ماهى ديه الموضة الجديدة!!
بالنسبة للشنطة و المثلث فحاسس انهم نصابية ....و اشتغالة و انهم مش ضروريين....و انهم بيحاولوا يوهموا الناس انه لابد منهم عشان الناس تشتريهم....نفس فيلم الطفاية
يعنى من الاخر ممكن ما يكونوش مطلوبين اساساً....بس الناس بتشتريهم فى الزحمة و خلاص
لو هتشتريهم و رأيى انك ما تجيبهمش.....ابقى اتأكد من سعرهم لانى كل شوية الاقى حد جايبهم بسعر شكل
الاحسن انك تاخدهم من حد ..عشان بجد حرام يتدفع فيهم فلوس.....انا ممكن اديك اللى عندى
بالنسبة للطفاية ...فانا شايف انها ضرورية و مهمة جداً بغض النظر عن الفحص...بالاضافة ان قيمتها مش كبيرة ...مقارنة بفايدتها لو احتاجتها لا قدر الله
و فلو انت ما عندكش طفاية ...او عندك واحدة منتهية الصلاحية....هات لك واحدة او امل اللى عندك
و لو هتشتريها ما تشتريهاش من عند المرور
بالنسبة لرسوم النمر...فاعتقد انها بتدفع فى حالة استبدال النمر القديمة بالجديدة ...او فى حالة انك واخد نمر لعريبة زيرو
انما جديد بجديد ....اعتقد مفروض ما تدفعش رسوم
اخيراً ربنا يوفقك....و حاول تاخد بننصيحة الاستاذ عمرو فى البدء من اول اليوم ...الصبح بدرى يعنى
و نصيحة منى انا ما تستناش ,,,,,لاخر يوم فى الرخصة عشان لاقدر الله لو حاجة حصلت اخرتك....و تجنباً لعمل اجراءات زيادة ملهاش لازمة زى شهادات البيانات
معلش المشاركة اللى فاتت خدت وقت و انا بكتبها ...فجت متأخرة
غالباً هتفكها و تسلمها فى المرور اللى هترخص فيها...يعنى مش هتحتاج تمشى من غير نمراقتباس:
المشاركة الأصلية كتبت بواسطة nicegypt
حاولت اخد شنطة الاسعاف اللى ملهاش اى لازمة ديه لوحدها ....بس معرفتش ....بيبيعوا الاتنين سوا لزوم النصابية
بس انا ما حاولتش جامد بصراحة عشان كنت مستعجل
الخطوات التى يجب اتباعها بعد معرفتى بباقى التفاصيل بالاضافه طبعا لكلام اخى اس اس
اولا نهاية رخصه سيارتك مايو 2011 اذا يجب عليك التحرك من الان تفاديا لطلب شهادة بيانات من المرور التابع له الرخصه الحاليه
هتجيب شهادة براءه الذمه اللى هى المخالفات
ثانيا هتروح تنقل ملكيه فى الشهر العقارى الخاص بالمرور اللى حضرتك عايز تفحص وترخص فيه السيارة
رسوم تنقل الملكية انا دفعته 60 جنيه لان سيارتى نصر ريجاتا 90 مش عارف سيارتك نصر ريجاتا ولا فيات ريجاتا لانهم هيعتبروها مستوردة اكيد مش هتفرق كتير
ثالثا وانت بتسجل بيع السيارة لنفسك اشترى ورق الفحص هو ب 25 جنيه علشان عندما تذهب صباحا تكون جاهز بالاوراق
رابعا خذ معك طفايه بس لا تكون عليها ارقام
خامسا مش لازم تشترى مثلث وشنطه العيادة حاول تأخذ من صديق لك وابقى رجعهم له ولو ملقتش مثلثى وشنطتى تحت امرك وابقى رجهم بعد الفحص
سادسا سوف تسدد التامين الاجبارى بالنسبه لى انا دفعت سنتين ب 238 جنية
سابعا بالنسبه للنمر بعد فحص السيارة واخذ بصمه الماتور والشاسية سوف تسلم الملف الى موظف الشباك هيقولك روح لموظف الكمبيوتر يسجل لك بيانات بطاقتط وبعد ذلك سوف يحسب لك الضريبه ويعطيك ورقه اليكترونية فيها تفاصيل المبلغ واكيد هتجد فيها ثمن النمر الجديدة بالاضافه لورقة بتسليم نمر سيارتك القديمه انا دفعت 577 جنيه لمده سنتان بس للاسف مقرقتش تفاصيل الورقه الاليكترونية مهمتك انتى بقى توصف لنا ايه علشان اعرف سعر نقل النمر
ثامنا سوف تنتظر قليلا سوف يتم ابلاغك وتسليمك الرخصه الجديدة باسمك وبها سوف تستلم نمر سيارتك ايضا ومعها المسامير كمان
وعلى فكرة كل اللى كان فى الماضى انتهى لاتقلقك
اتمنى ان اكون افدتك
رسوم النمر غالباً 115 او 120 و الضريبة للسنة الواحدة حوالى 220 او 230 + 8 جنيه تمن نموذج الرخصة + رسوم و دمغات و تبرعات و اى حاجة مالكش بيها علاقة غير انك تدفع و خلاص :untitled 1:اقتباس:
المشاركة الأصلية كتبت بواسطة amro1965
يبقى المبلغ الكلى = اللى انت دفعته....... و كويس انك ما دفعتش اكتر من كده :019F3B~14: