رابطه محبي ومالكي الريجاتا

اقتباس:

---

المشاركة الأصلية كتبت بواسطة nicegypt

العبد الفقير الى الله محسوبك متخصص فك وتركيب هههههه ازيك يا يوبا هتفك تعمل اية ؟
بص :
مفتاح 12 و 13 يكونو معاك
وادخل بقلب جامد ع العربية .. انزل تحت الكرسى هتلاقى المجري اللى بيتحرك فيها هتلافي فيها مسمار من هنا
والتانى من المجري التانى .. فكهم بـ 13 . بعد كدة هتلاقى اتنين زيهم بعد المكان دة بخمسة سم .. اتحرك بعينك بعد حاجة
اشبة بماسورة للكرسى هتلاقى اتنين زيهم .. كدة انت فكيتة من الامام .. للفك من الخلف افتح الباب الخفلفي وانزل من امام الكنبة
هتلاقى باردو 2 ف المجري اليمين و2 زيهم ف الشمال فكهم هتلاقى الكرسى فك معاك . وانت بتفك الكرسى الاخير
اضغط على اليد المعدن اللى بتحرك الكرسى للامام والخلف داخل المجري . ارفعها لفوق خالص وانت بفتك .. وبس كدة انت خلصت
يعنى كدة المجري الواحد فية 4 مسامير .. 2 من الامام .. و 2 من الخلف فى نفس المجري .. والمجري الاخر كذلك .. عدد المسامير الكلي = 8
الكنبة امسك مفتاح 13 فك 3 مسامير امامية ف الكنبة نفسها من تحت .. ومفتاح 14 فك بية الكنبة من الخلف عن طريق فتح الشنطة
هتلاقى صواميل المسامير ف ضهر الكنبة من فوق عند السماعات .. قريبة من رف السماعات فك الـ 3 صواميل هتلاقى
المسامير ف الكنبة نفسها .. وكدة انت خلصت .
ملحوظة : خلي بالك فية سلك كهربا ارضى ماشى من تحت الارضية وهتلاقية ظاهر تحت الكنبة
السلك دة بتاع عوامة البنزين سلك رفيع جدا اوعة تقطعة هو بعيد خالص عن الفك والتركيب بس الحذر واجب
عوامة تنك البنزين مكانها تحت الكنبة بالظبط فية غطا اسود افتح الغطا دة هتلاقي العوامة .. للمعلومية فقط .

---

تمام سعادتك :3mla: أنت شكلك زى حالاتى غاوى فك و تركيب الحاجات من صغرك و ديه متعة محدش يعرف قيمتها غير الى فك و صلح حاجة لوحده :018A1D~146:

أنا هفك الكراسى أظبط الفرش و كرسى السواق محتاج يتلحم فا هعمله بالمرة ...أنت أخبار شد العربية إيه خلصت و لا لسه ؟؟

اقتباس:

---

المشاركة الأصلية كتبت بواسطة yobaaa

تمام سعادتك :3mla: أنت شكلك زى حالاتى غاوى فك و تركيب الحاجات من صغرك و ديه متعة محدش يعرف قيمتها غير الى فك و صلح حاجة لوحده :018a1d~146:

أنا هفك الكراسى أظبط الفرش و كرسى السواق محتاج يتلحم فا هعمله بالمرة ...أنت أخبار شد العربية إيه خلصت و لا لسه ؟؟

---

ممكن تشتري لباد حراري المتر بيبدء من 10 ج لحد 15 ج انفضف حاجة .. فية ناس بتبيع النضيف دة بـ 25 ج خلي بالك
النضيف بيكون تخانة اعلى .. طالما هتفك نضف العربية وحط لباد حراري لا هتسمع صوت ماتور .. ولا حرارة وسخونية
وبأقل التكاليف وبأيدك انت بس . بالنسبة لعربيتى رايح استلمها من الفرن بأذن الله بعد شوية يمكن ربع ساعة وامشى هاخدها سخنة
طازة صالحة للاكل على طول :) .. لسة السروجى مخلصش احتمال يخلص السبت .. هروح اخدها بدون كراسى بقعد ع الاستبن لما اتبهدلت .. الشدة دي اول مرة اسوقها بالجنط ! والحياة مختلفة تماما !! انت بتسوق العربية قطعة صاج مفهاش
غير ماتور وكاوتش .. ف الاول سقتها بدون ابواب وبدون زجاج امامى وخلفي كان منى للشارع وبدون طبعا اي انوار
والقيادة ف الضلمة مقولكش متعة رخمة .. مش متعة اساسا .. هروح اجيبها ف الضلمة وامشى على نور العربيات التانية

اقتباس:

---

المشاركة الأصلية كتبت بواسطة nicegypt

ممكن تشتري لباد حراري المتر بيبدء من 10 ج لحد 15 ج انفضف حاجة .. فية ناس بتبيع النضيف دة بـ 25 ج خلي بالك
النضيف بيكون تخانة اعلى .. طالما هتفك نضف العربية وحط لباد حراري لا هتسمع صوت ماتور .. ولا حرارة وسخونية
وبأقل التكاليف وبأيدك انت بس . بالنسبة لعربيتى رايح استلمها من الفرن بأذن الله بعد شوية يمكن ربع ساعة وامشى هاخدها سخنة
طازة صالحة للاكل على طول :) .. لسة السروجى مخلصش احتمال يخلص السبت .. هروح اخدها بدون كراسى بقعد ع الاستبن لما اتبهدلت .. الشدة دي اول مرة اسوقها بالجنط ! والحياة مختلفة تماما !! انت بتسوق العربية قطعة صاج مفهاش
غير ماتور وكاوتش .. ف الاول سقتها بدون ابواب وبدون زجاج امامى وخلفي كان منى للشارع وبدون طبعا اي انوار
والقيادة ف الضلمة مقولكش متعة رخمة .. مش متعة اساسا .. هروح اجيبها ف الضلمة وامشى على نور العربيات التانية

---

ربنا معاك ...إحنا كان عندنا عربية 131 زمان شدناها زى اللى أنت عملته ده بالظيط بس الفرق الموضوع إتعمل عندنا فى جراج البيت القديم بس بعد كده العربية ما شاء الله لحد أما اتباعت كانت عروسة و واقفة أسد

بـشري ومفاجأة لكل مالكى الريجاتا !!!!!!!
هقولكم على حاجة عملتها .. بس لازم عنصر التشويق :) .. انتظرونى قريبا ... فاصل اعلانى .. حد ينزل بالاعلانات عبال ما اجى نعمل شوية
شغل

اقتباس:

---

المشاركة الأصلية كتبت بواسطة nicegypt

بـشري ومفاجأة لكل مالكى الريجاتا !!!!!!!
هقولكم على حاجة عملتها .. بس لازم عنصر التشويق :) .. انتظرونى قريبا ... فاصل اعلانى .. حد ينزل بالاعلانات عبال ما اجى نعمل شوية
شغل

---

أنا مستنى ....و أدى الكرسى و الشاى و لو طلعت حاجة أى كلام أنا هجيب الناس بتوعى و نيجى نقلب العربية:36_9_4:

الله يكون فى عونك ياعم نايس ..الواحد بيقف شويه عند اى صنايعى بيتخنق... وانت بقالك كام يوم شغال فى العربيه .. عايز اخد رأيك فى حاجه يا هندسه ...نزلت يوم الاربع التوفيقيه جبت سير كاتينه وسير دينامو وطقم تيل فرامل خلفى وشوية حاجات تانى المهم رحت للميكانيكى غيرت طقم التيل وغير سير الكاتينه ومن ساعتها العربيه مش زى الاول سحب العربيه استجابته بطيئه جدا العربيه بقت تسخن بسرعه غير ان صوتها بقى عالى وخشن هل كده العربيه عايزه تظبط تاكيهات ولا ممكن تكون ايه المشكله وشكرا للجميع

اقتباس:

---

المشاركة الأصلية كتبت بواسطة coolteem

الله يكون فى عونك ياعم نايس ..الواحد بيقف شويه عند اى صنايعى بيتخنق... وانت بقالك كام يوم شغال فى العربيه .. عايز اخد رأيك فى حاجه يا هندسه ...نزلت يوم الاربع التوفيقيه جبت سير كاتينه وسير دينامو وطقم تيل فرامل خلفى وشوية حاجات تانى المهم رحت للميكانيكى غيرت طقم التيل وغير سير الكاتينه ومن ساعتها العربيه مش زى الاول سحب العربيه استجابته بطيئه جدا العربيه بقت تسخن بسرعه غير ان صوتها بقى عالى وخشن هل كده العربيه عايزه تظبط تاكيهات ولا ممكن تكون ايه المشكله وشكرا للجميع

---

غالبا محتاج تظبط التقسيمة عند حد بتاع تاكيهات

اقتباس:

---

المشاركة الأصلية كتبت بواسطة nicegypt

بـشري ومفاجأة لكل مالكى الريجاتا !!!!!!!
هقولكم على حاجة عملتها .. بس لازم عنصر التشويق :) .. انتظرونى قريبا ... فاصل اعلانى .. حد ينزل بالاعلانات عبال ما اجى نعمل شوية
شغل

---

ارجوك انا قاعد مستني من ساعتها

انا متوقع إنه ركب تكييف

انا متوقع انه عمل تكيف لصالون العربيه لانى قرات فى احد الموضوعات ممكن تركب وحده تكيف بتشتغل على الولاعه
والله اعلم