رابطه محبي ومالكي الريجاتا

**amro1965** · 21-05-2011 09:23 AM

استاذ نايس لى عتاب عليك
دائما تنشر اشياء مفيده بعيدا عن رابطه الريجاتا وبعد ذلك تضع لينك فى الرابطه وممكن تنسى
هل ذلك من وجه نظرك تصنيف للموضوع اللى حضرتك كتبته مثل تراخيص السيارة وكماليات السيارات ليستفاد به اكبر قدر ممكن من الاعضاء
على فكرة انا رابطه الريجاتا اطلاعها يوميا شىء اساسى بالنسبه لى مثل الاخبار اليومية بحافظ عليها دوما اما باقى الاشياء قليل الاطلاع عليها
علشات كده ممكن تكتب موضوع بعيد عن الرابطه اجهله ومعرفش بيه الا متأخرا مثل اجراءات تراخيص سيارتك
الحمد لله ان رخصت بعد ماعنيت وابليت بلاء حسنا فى انهاء الاجراءات
رغم ان اللى حضرتك ذكرته لم يحصل معى اطلاقا لا فى مرور العتبه ولا مرور بين السيارات
رغم ان فى عندى نقره صغيرة فى البربريز الامامى وكنت خايف يرجعنى اركب غيرة جديد والطفايه كنت مستلفه اللى غرمونى بيه فقط مثلث والشنطة فقط والاجراءات كانت سهله للغاية
الساعه من الساعه 8 مواعيد العمل انهيت واستلمت الرخصه فى بين السرايات الساعه 10 وسلمت واستلمت نمر جديدة
مبروك انك خلصت ترخيص ونقل سيارتك
محتاج معلومه منك اكيد تفتكرها بعيدا عن الفحص وخلاقه
عندما اعطاك الموظف قائمه طالعه من الكمبيوتر علشان تدفع بيها الضريبة للاسف انا من سرعتى معرفتش اقرا البيانات التكلفه لكل بند مثل سنه الضريبه كام نمر جديدة كام وخلافه
لانى دفعت فى السنتين حوالى 550 جنيه شامله اكيد نمر جيدة والضريبه وممكن يكون ضريبه ترفيهية لانى كان معى سيارة قبل الريجاتا ومعرفش هل موجوده باسمى ام لا
اتمنى لو كنت متذكر بيانات قائمه الاسعار اخبرنى بها

**regata** · 26-05-2011 09:16 AM

يا جماعه الخير عايز مرش اللي عندو يرد عليا ضروري او يقول لي اجيبو منين

**nicegypt** · 26-05-2011 09:24 AM

المشاركة الأصلية كتبت بواسطة regata

يا جماعه الخير عايز مرش اللي عندو يرد عليا ضروري او يقول لي اجيبو منين

المارش عندك مالة ؟؟؟ عموما المارش اللى عندك يتصلح لو محتاج اي قطعة عندي قطع ممكن تنفعك
هديهالك لوجة الله بدون اي شيئ
لو محتاج تشتري مارش كامل استيراد من ام المصريين بـ 150 ج
اي تفاصيل تانية قولي .. لو محتاج اجي معاك انتظرنى بس يوم اخلص فية حاجات عندى .

**regata** · 26-05-2011 10:45 AM

المشاركة الأصلية كتبت بواسطة nicegypt

المارش عندك مالة ؟؟؟ عموما المارش اللى عندك يتصلح لو محتاج اي قطعة عندي قطع ممكن تنفعك
هديهالك لوجة الله بدون اي شيئ
لو محتاج تشتري مارش كامل استيراد من ام المصريين بـ 150 ج
اي تفاصيل تانية قولي .. لو محتاج اجي معاك انتظرنى بس يوم اخلص فية حاجات عندى .

مش عارف اقولك ايه انت بتحرجني باخلاقق دي هو تقريبا محتاج بوبينه و اتوماتيك وممكن ترس بس بيتهياقلي ان الواحد يشتري واحد تاني احسن
يهمني رئيك
ولو حاجيب واحد من ام المصريين من عند مين ويكون امين وكوييس
ولا الاحسن نروح سوا بس انا مش عايز اعطلك
ومره تانيه اشكرك علي اخلاقق العاليه

**regata** · 26-05-2011 11:22 PM

اخبارك اية يابرنس
عملت ايه

**nicegypt** · 27-05-2011 12:00 AM

المشاركة الأصلية كتبت بواسطة regata

مش عارف اقولك ايه انت بتحرجني باخلاقق دي هو تقريبا محتاج بوبينه و اتوماتيك وممكن ترس بس بيتهياقلي ان الواحد يشتري واحد تاني احسن
يهمني رئيك
ولو حاجيب واحد من ام المصريين من عند مين ويكون امين وكوييس
ولا الاحسن نروح سوا بس انا مش عايز اعطلك
ومره تانيه اشكرك علي اخلاقق العاليه

اية الكلام الكبير دة
ربنا يكرم حضرتك .. وتحت امر حضرتك طبعا .. كلنا واحد ف الرابطة ..
بالنسبة للى عندى واللى اقدر اساعدك بية الاتى :
الاتوماتيك
الترس
ممكن تشتري موبينة بـ 60 ج وتظبط الاداء

الاحسن طبعا شراء واحد كامل استيراد مكانها بالظبط الاتى :
تركب المترو وتنزل محطة ام المصريين ... بعد متنزل المحطة تسأل فين اتجاة مستشفي ام المصريين
اول متوصل للمستشفي هتلاقيها واخدة ناصية على شارع .. ادخل الشارع دة واسأل على ميمي بتاع المارشات
او قول فين بتاع المارشات والدينموهات اللى هنا الف مين يدلك ... لية بقى الراجل دة بالذات ؟؟
اولا هو محل محترم وكبير ..ثانيا ارخص واحد .. لانى لفيت على طول الارض سواء ف الوكالة او الحرفيين
او الجيزة ف الميدان .. لفيت ف يجي 5 اماكن ادوار على الارخض والافضل لحد موصلت لة عن طريق معرفة
سعرة حنين هيعملة بالكتير 150 ج والحاجة بتاعتة بسم الله ما شاء الله عن تجربة . لف الموبيينة انا جربتة
وجربت تغيير موبينة كاملة ومكنتش بتقعد مجرد مسكنات الاحسن تجيب واحد استيراد ركب وشغل على طول

**nicegypt** · 27-05-2011 12:01 AM

http://www.nilemotors.net/Nile/22215...post3873528061

**mahmoodallam** · 27-05-2011 04:00 AM

أنا عندي مارش مستعمل
لو عايزه ابعتهولك شحن
أنا من شبين الكوم وتحاسب انت على الشحن

**amro1965** · 27-05-2011 04:21 PM

حمد الله على سلامتك يابشمهندس حسين
اللى ييجى فى الحديد يتغير والحمد لله انك سليم
قلبى معك
وقدر الله وماشاء فعل

كانت لى تجربه مثل تجربتك فى سيارتى القديمة كنت استلمتها من عند الميكانيكى بعد ماظبتها على الشعرة
وطلعت على الدائرى وكان ابليس بجوار اذنى يحثنى على السير بسرعه والله العظيم اكاد امسكه بيدى من شده تأثيرة على
وكانت النتيجة بينى وبين تاكسى وميكروباص الميكروباص ريحت عليه من شده سرعتى وشيلت الاكصدام الامامى للتاكسى
الحمد لله الخسائر كانت بالنسبه لى تغيير رفرف واستعدال باب
ظليت اونب نفسى انه كان يجب على ان اهدا واركن لتفويت تاثير ابليس على
ومن وقتها لو اسرعت تذكرت الموقف ارجع لرشدى واهدى
اتمنى ان نستفاد من اخطائنا

**almostashar** · 27-05-2011 11:31 PM

السلام عليكم
اسمحولي انضم لهذه الرابطه
انا اشتريت ريجاتا موديل 85 والحمد لله على كل شيء اول ما استلمتها العربيه سخنت لدرجه اني افلت عداد الحرار و ربنا ستر ومحصلش حاجه للموتور و طلع العيب من الاربه و المروحه و لما غيرت الاتنين سترت معايا في مشوارين والتالت جابت وش السلندر ومش عارف هتعمل معايا ايه دخلت في 1000 مصاريف و لسه مركبتهاش ادعولي
ابتديت اتشائم منها

الموضوع: رابطه محبي ومالكي الريجاتا

LinkBack

أدوات الموضوع

عرض

-

-

-

-

-

-

المواضيع المتشابهه

مقابلة محبي ومالكي الداستر

رابطه محبي سكودا اوكتافيا a5 على الفيس بوك

نادي محبي ومالكي 127.........

إلى الأستاذ سبعاوي وكل مستخدمي الريجاتا -"ترويش الريجاتا"

الكلمات الدلالية لهذا الموضوع

المفضلات

المفضلات

ضوابط المشاركة