رابطه محبي ومالكي الريجاتا

SS · 09-05-2011 01:49 AM

المشاركة الأصلية كتبت بواسطة hhh_albhary

بسم الله الرحمن الرحيم
انا من ملاك الريجاتا ومن كام يوم للاسف العربية جابت موتور .المهم اخذت الميكانيكى وروحت عزبة شلبى انا عربيتى مو84 مكيفة .دورت على الموتور المجهز للتكييف ولم اجدة الا عند واحد فقط وقالى السعر 3000 جنية سيبتة ومشيت على طول المهم قلت اجيب واحد عادى واعدل مكان الكباس وللاسف لم اجد موتور بحالة جيدة كلة عاوز طقم شنبر والاسعار من 1600 وطالع قلت اروح للوكالة وبردو لم اجد الموتور والعادى قاللى ب2300 من الاخر بعد 2500 فوضت امرى لله ونزلت بورسعيد يوم السبت ونفس المشكلة لم اجد موتور مجهز تكييف الميكانيكى قالى موتور التيبو ينفع عندك ولقينا واحد كويس المهم اشتريتة وهو طبعا 1600 سى سى انجكشن .باور .تكييف .بكرة ان شاء الله الميكانيكى هيركبه بالكباس بتاع العربية والمارش والدينامو وهبيع باقى حاجات الموتور الجديد من انجكشن وكباس وباور ودينامو ومارش وفتيس علشان احاول اقلل المصاريف شويه فبرجاء لو حد عندو اقتراحات يفيدنى واخبار الماتور على العربية ايه (قوى ام مناسب)
وفى النهايه اسف الاطالة

ممكن تعرضهم فى رابطة التمبرا ..و ان شاء الله تلاقى اللى يا خدهم منك

بس هو انت ليه ما ركبتش الفتيس ...و هل ماتور التيبو هيركب بدون تعديل فى القواعد...و جيبته بكم؟؟

**broadband** · 09-05-2011 11:28 AM

المشاركة الأصلية كتبت بواسطة broadband

الاخوة الاعزاء

معايا ريجاتا نوفا ايطالى موديل 89 و هى ريجاتا 100 s
1600 سى سى 2 كامة

و دايخ على طرمبة باور ستيرنج

و سألت فى عزبة شلبى و لم اجدها

فهل من بديل او تعديل ؟

اشكركم

لقيت الطرمبة بكل سهولة فى الوكالة و طلعت هى بتاعة التمبرا او الشاهين و لكن القاعدة بتختلف

فكيتها و ركبت القاعدة القديمة و اشتغلت زى الفل

الموضوع كله ماخدش 3 ساعات

شكراا

**regata** · 09-05-2011 03:22 PM

الف مبروك طمنتني
هوا ينفع اركب بور للرجاتا ٨٥
او ينفع اسقط موتور ريجاتا ١٦٠٠ في الرجاتا ٨٥

**broadband** · 09-05-2011 04:24 PM

المشاركة الأصلية كتبت بواسطة regata

الف مبروك طمنتني
هوا ينفع اركب بور للرجاتا ٨٥
او ينفع اسقط موتور ريجاتا ١٦٠٠ في الرجاتا ٨٥

طبعا ينفع بس محتاج تعديل فى الموتور علشان تركب قاعدة الطلمبة و لازم تجيب علبة (سكاترة) دريكسيون باور
و الخراطيم بتاعتها و خزنة الزيت

اسأل فى شارع شامبليون عند بتوع علب الدريكسيون و لكن الموضوع حيكلفك

انا بالنسبة الى الريجاتا 100 اس كانت جايا فيها الباور ستيرنج من ايطاليا و لم يتم تعديلها

و ينفع تركب تركب موتور 1600 فى الريجاتا 85 طبعا فى حالة ان موتورك يحتاج عمرة كاملة و على فكرة الموتور ال 1600 عفى جــــــــــــــــد ااااااااا علشان 2 كامة و متخافش من الاكسسوار لانه موجود بس اغلى شوية من ال 1500 طبعا

انا بأسبق عربيات حديثة كتير على الطريق و التسارع ممتاز

انا كنت بافكر اجيب موتور 2000 سي سي بس قلت مشكلة البنزين

ربنا معاك و اى خدمة

**broadband** · 09-05-2011 04:27 PM

المشاركة الأصلية كتبت بواسطة ss

ممكن تعرضهم فى رابطة التمبرا ..و ان شاء الله تلاقى اللى يا خدهم منك

بس هو انت ليه ما ركبتش الفتيس ...و هل ماتور التيبو هيركب بدون تعديل فى القواعد...و جيبته بكم؟؟

ممكن اعرف سعر الحاجات اللى انت عاوز تبيعها
و ياريت التفاصيل

**hhh_albhary** · 10-05-2011 12:12 PM

اولا شكرا على الرد
ثانيا الفتيس عندى كويس الحمد للة واعتقد ان فتيس التيبو ميركبش عندى . قواعد الموتور العلوية هى هى بس السفلية ركب بتاعت الموتور القديم وسعر الماتور بعد فصال شديد 1900 جنية

**hhh_albhary** · 10-05-2011 12:14 PM

واللة انا اللى اكيد مش محتاجة حتى الان ماكينة الباور والانجكشن والفتيس والكباس والاسعار لسة معرفش سعرهم كام حضرتك ممكن تسال عليهم

SS · 11-05-2011 01:22 AM

المشاركة الأصلية كتبت بواسطة hhh_albhary

اولا شكرا على الرد
ثانيا الفتيس عندى كويس الحمد لله واعتقد ان فتيس التيبو ميركبش عندى . قواعد الموتور العلوية هى هى بس السفلية ركب بتاعت الموتور القديم وسعر الماتور بعد فصال شديد 1900 جنية

معلش يا باشا هاتقل عليك فى شوية استفسارات ...عشان انا احتمال اغير الماتور لو خليت العربية

اللى انا فهمته دلوقتى ان قاعدة الماتور اللى فوق اللى هى ع الكارتيرة اليمين ..زى بتاعة ماتور التيبو ..و بالتالى ماتور التيبو ركب عادى ...

و الاختلاف فى القاعدة السفلية ...اللى هى قاعدة الفتيس...و بالتالى انت خليت الفتيس القديم..تمام كده و لا انا فاهم غلط؟

اصله معنى انه ما يركبش عندك ...يبقى اكيد بسبب القواعد و ليس الماتور....و هل فيه تعديل بسيط ممكن يتعمل له و يركب عادى؟؟

**ererereg** · 11-05-2011 02:37 AM

لو سمحت انا معايا ريجاتا 85 بس اوتوماتيك من 3 اسابيع بدات اسمع زنة مع d الميكانيكي قال ليا ان دا الفتيس المهم روحت لواحد بتاع فتيس اوتوماتيك قال ليا زود زيت كرونة المهم زودته مرحش الصوت وزاد فقال ليا الفتيس عايز يتغير فلو سمحت حد يعرف مكان بيع فتيس للريجاتا اوتوماتيك ولو سمحت السعر ولكم جزيل الشكر مع العلم ان دا اصلي العربية نزله كده مفيش تغير في اي حاج ولكم جزيل الشكر

**Ahmed_Ramadan** · 11-05-2011 09:35 AM

المشاركة الأصلية كتبت بواسطة ererereg

لو سمحت انا معايا ريجاتا 85 بس اوتوماتيك من 3 اسابيع بدات اسمع زنة مع d الميكانيكي قال ليا ان دا الفتيس المهم روحت لواحد بتاع فتيس اوتوماتيك قال ليا زود زيت كرونة المهم زودته مرحش الصوت وزاد فقال ليا الفتيس عايز يتغير فلو سمحت حد يعرف مكان بيع فتيس للريجاتا اوتوماتيك ولو سمحت السعر ولكم جزيل الشكر مع العلم ان دا اصلي العربية نزله كده مفيش تغير في اي حاج ولكم جزيل الشكر

خدلك لفة فى عزبة شلبى و الوكالة و ربنا معاك علشان ريجاتا اتوماتيك نادرة فى مصر

و يا ريت تحكيلنا عن الأتوماتيك عامل معاك إيه فى العربية من سحب و صيانات و شوية صور من عربيتك