الموضوع: رابطه محبي ومالكي الريجاتا

المشاركة الأصلية كتبت بواسطة ALSHaRKAWY

دى صورة تانية لاجزاء اخرى مشار اليهم بالسهم الاخضر وارجو اسمائهم

السهم الاخضر اللى فوق .. اول سهم فوق على حاجة عاملة زى الخرطوم :

اسمة : سـلك الشفاط " لو واصل ف الكربراتير عندك يبقى هو لو مش واصل يبقى مش هو لان الصورة مش مواضحة قوي"
مميزاتة : فية حاجة زى بكرة تحت الدريكسيون عندك البكرة دى لما بتشدها بتفتح باب ف الكربراتير علشان يسخن الموتور بسرعة
الصبح قبل متتحرك وخصوصا لو الجو ساقعة .. بيخلي صوت الموتور يعلي شوية كأنك ضاغط بنزين برجلك
عيوبة : ملوش عيوب حتى لو نسيتة .. هياكل بنزين بس شوية وهيسخن العربية لو وقفت ف اشارة او ماشى بطيئ لذا لازم
تطفية بعد متستخدمة .. وهو مش ضروري تستخدمة .. نادراَ لما بشغلة .. بسيب العربية تـسخن براحتها وبمزاج تحس ان العربية بحس انها مبسوطة بكدة ... لو مستعجل بشغلة طبعاَ .
ملحوظة : يجب الضغط على دواسة البنزين للربع مثلا وفى نفس الوقت شد الشفاط .. والسبب انى لما فكيت الكربراتير
قطع قدامى ضغط على باب الشفاط ف الكربراتير اللى بيسخن الموتور " الباب العلوي " شوفت طريقتة الميكانيكية بنفسى
وقعدت اجرب والعب لقيتة تقيل جداَ فى حالة عدم الضغط على دواسة البنزين .. طيب لو حصل وحضرتك نسيت تضغط
بنزين وشديت سلك الشفاط .. مش هيحصل حاجة ف وقتها .. هيكون بس تـقيل معاك ورخم وانت بتسحبة .. بس مع الوقت
هيتقطع السلك وتشتري غيرة بـ 18 ج بحالهم :) .. لما ضغط على الجزء اللى بيضغط علية دواسة البنزين برجلك وضغط
على فتح الباب بتاع الشفاط لقيتة سلس جدا ف ايدي " الكلام دة والكربراتير مفكوك ف ايدي برة وفاتح باطنة ومجهزة للاجراء عملية جراحية " وبالتالى لما حد يستخدم الشفاط اضغط بنزين وشد الشفاط .. العربية سخنت وتمام وهتتحرك .. اضغط بنزين تانى لحد الربع ونزل الشفاط علشان يرجع مكانة .. هتلاقية سلس ومية ف ايدك
ملحوظة اخري مهمة : تمن السلك 18 ج .. اسمة سلك شفاط ... لما تيجي تشترية قولة عايز سلك شفاط 128 .. هو نفسة بتاعنا هو بعينة وغباوتة . انما لو قلت لة ريجاتا لو غبي هيقولك مش عندى ! لو اللى واقف ناصح هيقولك هات 30 ج وتبص ع الكيس تلاقي مكتوب علية فيات 128 ! .. انا رميت الكيس للاسف كنت هصورهولك . تمام كدة ؟

السهم اللى على الخرطوم الغليظ اللى راكب ف العمة دة خرطوم الفايظ .. او الفائض .. دة بيخرج ابخرة الموتور ولو لا قدر الله بيطلع قطرات زيت او بخار ابيض معناها ان الموتور محتاج شمبر ولو دة موجود لا قدر الله بعيد عن السامعين ومالكها امين .. لازم تفكة من العمة علشان ميبهدش الكربراتير بعد فترة طويلة .. فك الخرطوم دة بعد مترجع من مشوار والعربية دايرة بص علية .. ليقت ابخرة عادية ماشى ركبة .. لقيت دخان ابيض كثيف ورائحة زيت شديدة " زيت محروق " وجوة زيت وبيطلع زيت برة وحياتة كلها مزيتة يبقى خلية مفكوك برة مش هيحصل اي حاجة ف العربية متقلقش .. سبب تركيبة ف العمة : الخواجة عملة علشان يطلع ابخرة الموتور زي مقولنا .. وهو بيضرب كوباية الشاي الصبح .. قالك نعملة مكان ف العمة ونركبة فيها .. لية يا خواجة ؟ قالك علشان يساعد فى تسخين العربية الصبح ومتاخدش وقت طويل .. فكرتة حلوة لو حالة الموتور كويسة .. وفاشلة لو حالة الموتور مش حلوة لازم يتفك وتربطة بحاجة بحيث انة ميدخلش جوة مروحة الريداتير يدمرها لقدر الله .. يتفك ويتربط بأفيز ف حتة ونقول للخواجة بلاش تشرب شاي مصري هو السبب

المشاركة الأصلية كتبت بواسطة ALSHaRKAWY

سؤال اخر لاخوانى : اجد قليل من الزيت اسفل فلتر الزيت مباشرة واقوم بمسحه ومسح الفلتر بقطعة قماش ثم اجده ثانيةً واجد الفلتر مبلل زيت ولكن قليل فهل مصدر هذا التسريب القليل من فلتر الزيت ام من اين؟؟ مع العلم ان مستوى الزيت عندى ينقص قليل ولكن كل فترة كبيرة وشكرا لتعاونكم المثمر

عندك تسريب من فـلتر الزيت .. بتاع الزيت اللى ركب لك الفلتر مضغطش علية كويس .. او مركبش فلتر نضيف علشان متخسرش زيت وفلتر .. فية حل مؤقت .. انك تتابع كل يوم / يومين مقاس الزيت .. لو لقيت الزيت نقص للنصف او للعلامة min اوعى تتحرك بالعربية .. وهات لها جركن زيت زودها .. واطلع بيها على بتاع الزيت الغبي دة
الموضوع دة حصل عندى والتسريب هتلاقية حوالين الفلتر ... بس علشان منظلمش الراجل ونكون متأكدين ياريت
لو تحاول تصور مكان التسريب ... او تشرح اكتر .. انا متأكد من كلامى بس لزيادة تأكيد ومنظلمش حد
والاحسن تخلي ميكانيكي يبص لك عليها وهى واقفة وتديلة خمسة ج ولا عشرة ج وتريح دماغك .
بس شكي 90 % فلتر الزيت ركب غلط ومش مظبوط .

ياجماعه بالنسبه لخرطوم الفايظ بيجيب عندى بخار بس من غير زيت بس ريحته وحشه وبتدخل العربيه فركبته فى العمه من مده وطبعا مبقاش فى ريحه ولا حتى سخونه بتدخل العربيه بس هل يترى فعلا بيسخن العربيه ؟؟؟؟؟
يعنى هيتعبنى فى الصيف وكده ولا ايه ؟؟؟
وبعدين ان حاسس ان تسارع العربيه اتظبط من بعده ماوصلتو اصل لما بدوس بنزين هو بيطلع هواء ولما ركب فى العمه العربيه اتظبطت
كانه تربو على صغير كده هههههههههههههه

ياجماعه التكييف ملوش حل نظبطه حتى لو فيها تكلفه ؟؟؟؟
انا عندى شغال بس ايام الصيف الجامده قوى فى الصبح مبيعملش حاجه انما بليل بيبقى حلو.......
مفيش حل نظبطه نغيرله كومبرسور / سربنتينه / مراوح اى حاجه بس يتظبط ؟؟؟؟

شوية معلومات قيمه عن الريجاتا
بالنسبه لتسريب من فلتر الزيت هو عاوز يتقرط عليه فقط
من عيوبه القاتلة انك تغيرة عند محل تغيير زيوت لان اللى حصل معايا افظع
غيرت الزيت الخاص بسيارتى وكانت رابع تغيرة سالنى فنى نغيير الزيت تغير الفلتر قلت له ماشى غيرة
ركب لى فلتر واسع شويه معرفش ربطه ازاى نظرا لان تغيرة فى مكان من الصعب متابعته وكانت النتيجة طبعا ان الفلتر فك ووقع على مصفحه السيارة ولولا فضل الله على انى كنت بدور امام مكان عملى كانت هتبقى كارثه افقدنى جركن زيت وغرمنى جركن زيت وفلتر جديد0
شكرا اخى العزيز nicegypt لمعلومتك بخصوص الشفاط رغم انى لم استخدمه وذلك لثقل استخدامه لكن بعد توضيحك عرفت السبب شكرا لك لثانى مرة
مشكلتى الان صوت الموتور عندى عالى بالاضافه ان سحب السيارة قل شوية برغم ان استهلاك الوقود عندى ممتاز
انا بشك فى الاتى
1- هل ممكن يكون الشكمان مكتوم
كتمت الشكمان بأيدى ثوانى لعلى اجد تنفيس لم اجد
2- تسارع السيارة حاسس ان اصبح قليل لانى عندما اخرج من الثاتى الى الثالث او من الثالث الى الرابع مبحس ان بتستجيب بسرعه
هل ممكن يكون سببه ان طقم الكهرباء بوجيهات وخلافه هما السبب علما بأن اخر مرة ركبتهم من 7 شهور
3- فلتر الهواء ممكن يسبب علو صوت الموتور
فلتر الهواء مغيرة منذ 3 شهور
ام ان هناك سبب اخر يسبب علو صوت الموتور

المشاركة الأصلية كتبت بواسطة nicegypt

السهم الاخضر اللى فوق .. اول سهم فوق على حاجة عاملة زى الخرطوم :

اسمة : سـلك الشفاط " لو واصل ف الكربراتير عندك يبقى هو لو مش واصل يبقى مش هو لان الصورة مش مواضحة قوي"
مميزاتة : فية حاجة زى بكرة تحت الدريكسيون عندك البكرة دى لما بتشدها بتفتح باب ف الكربراتير علشان يسخن الموتور بسرعة
الصبح قبل متتحرك وخصوصا لو الجو ساقعة .. بيخلي صوت الموتور يعلي شوية كأنك ضاغط بنزين برجلك
عيوبة : ملوش عيوب حتى لو نسيتة .. هياكل بنزين بس شوية وهيسخن العربية لو وقفت ف اشارة او ماشى بطيئ لذا لازم
تطفية بعد متستخدمة .. وهو مش ضروري تستخدمة .. نادراَ لما بشغلة .. بسيب العربية تـسخن براحتها وبمزاج تحس ان العربية بحس انها مبسوطة بكدة ... لو مستعجل بشغلة طبعاَ .
ملحوظة : يجب الضغط على دواسة البنزين للربع مثلا وفى نفس الوقت شد الشفاط .. والسبب انى لما فكيت الكربراتير
قطع قدامى ضغط على باب الشفاط ف الكربراتير اللى بيسخن الموتور " الباب العلوي " شوفت طريقتة الميكانيكية بنفسى
وقعدت اجرب والعب لقيتة تقيل جداَ فى حالة عدم الضغط على دواسة البنزين .. طيب لو حصل وحضرتك نسيت تضغط
بنزين وشديت سلك الشفاط .. مش هيحصل حاجة ف وقتها .. هيكون بس تـقيل معاك ورخم وانت بتسحبة .. بس مع الوقت
هيتقطع السلك وتشتري غيرة بـ 18 ج بحالهم :) .. لما ضغط على الجزء اللى بيضغط علية دواسة البنزين برجلك وضغط
على فتح الباب بتاع الشفاط لقيتة سلس جدا ف ايدي " الكلام دة والكربراتير مفكوك ف ايدي برة وفاتح باطنة ومجهزة للاجراء عملية جراحية " وبالتالى لما حد يستخدم الشفاط اضغط بنزين وشد الشفاط .. العربية سخنت وتمام وهتتحرك .. اضغط بنزين تانى لحد الربع ونزل الشفاط علشان يرجع مكانة .. هتلاقية سلس ومية ف ايدك
ملحوظة اخري مهمة : تمن السلك 18 ج .. اسمة سلك شفاط ... لما تيجي تشترية قولة عايز سلك شفاط 128 .. هو نفسة بتاعنا هو بعينة وغباوتة . انما لو قلت لة ريجاتا لو غبي هيقولك مش عندى ! لو اللى واقف ناصح هيقولك هات 30 ج وتبص ع الكيس تلاقي مكتوب علية فيات 128 ! .. انا رميت الكيس للاسف كنت هصورهولك . تمام كدة ؟

السهم اللى على الخرطوم الغليظ اللى راكب ف العمة دة خرطوم الفايظ .. او الفائض .. دة بيخرج ابخرة الموتور ولو لا قدر الله بيطلع قطرات زيت او بخار ابيض معناها ان الموتور محتاج شمبر ولو دة موجود لا قدر الله بعيد عن السامعين ومالكها امين .. لازم تفكة من العمة علشان ميبهدش الكربراتير بعد فترة طويلة .. فك الخرطوم دة بعد مترجع من مشوار والعربية دايرة بص علية .. ليقت ابخرة عادية ماشى ركبة .. لقيت دخان ابيض كثيف ورائحة زيت شديدة " زيت محروق " وجوة زيت وبيطلع زيت برة وحياتة كلها مزيتة يبقى خلية مفكوك برة مش هيحصل اي حاجة ف العربية متقلقش .. سبب تركيبة ف العمة : الخواجة عملة علشان يطلع ابخرة الموتور زي مقولنا .. وهو بيضرب كوباية الشاي الصبح .. قالك نعملة مكان ف العمة ونركبة فيها .. لية يا خواجة ؟ قالك علشان يساعد فى تسخين العربية الصبح ومتاخدش وقت طويل .. فكرتة حلوة لو حالة الموتور كويسة .. وفاشلة لو حالة الموتور مش حلوة لازم يتفك وتربطة بحاجة بحيث انة ميدخلش جوة مروحة الريداتير يدمرها لقدر الله .. يتفك ويتربط بأفيز ف حتة ونقول للخواجة بلاش تشرب شاي مصري هو السبب


عندك تسريب من فـلتر الزيت .. بتاع الزيت اللى ركب لك الفلتر مضغطش علية كويس .. او مركبش فلتر نضيف علشان متخسرش زيت وفلتر .. فية حل مؤقت .. انك تتابع كل يوم / يومين مقاس الزيت .. لو لقيت الزيت نقص للنصف او للعلامة min اوعى تتحرك بالعربية .. وهات لها جركن زيت زودها .. واطلع بيها على بتاع الزيت الغبي دة
الموضوع دة حصل عندى والتسريب هتلاقية حوالين الفلتر ... بس علشان منظلمش الراجل ونكون متأكدين ياريت
لو تحاول تصور مكان التسريب ... او تشرح اكتر .. انا متأكد من كلامى بس لزيادة تأكيد ومنظلمش حد
والاحسن تخلي ميكانيكي يبص لك عليها وهى واقفة وتديلة خمسة ج ولا عشرة ج وتريح دماغك .
بس شكي 90 % فلتر الزيت ركب غلط ومش مظبوط .

مش بقلك يا استاذ حسين انت استاذ ورئيس قسم وواضح انك انسان منظم حتى من خلال شرحك فى نقاط محددة وناقص بس شرح اول سهم اخضر من جهة اليمين ومتحاولش تتهرب هتقوله يعنى هتقوله هههههههه

المشاركة الأصلية كتبت بواسطة ALSHaRKAWY

مش بقلك يا استاذ حسين انت استاذ ورئيس قسم وواضح انك انسان منظم حتى من خلال شرحك فى نقاط محددة وناقص بس شرح اول سهم اخضر من جهة اليمين ومتحاولش تتهرب هتقوله يعنى هتقوله هههههههه

مأخدتش بالى يا استاذ عماد معلش عندى انا دي .. استاذ " ريجاتا " قام بالواجب .وزيادة وشرح زي الفل ... تــسلم يا ريجاتا باشا ايوة كدة هو دة الشغل ... بس فية اسئلة لسة فوق هربت منها ههههه .. يالله نشد كدة ونظبط القسم بتاعنا .. علشان نعمل انقلاب انا وانت وناخد المنتدى من استاذ كريم ساعتها انا معرفكش

المشاركة الأصلية كتبت بواسطة amro1965

مشكلتى الان صوت الموتور عندى عالى بالاضافه ان سحب السيارة قل شوية برغم ان استهلاك الوقود عندى ممتاز
انا بشك فى الاتى
1- هل ممكن يكون الشكمان مكتوم
لا معتقدش .. الشكمان بيكون باين جداَ لو المشكلة منة .. ولو شفت شدة هواء خارجة منة وانت واقف خلف السيارة يبقى مش هو.. ولو حصل كتم هتلاقية اما ضرب هوا من عند المشترك او المكنة بطلت .. بجانب ان كل الشمكانات بتنفس
لانها راكبة بقالها فترة .. الا لو كنت غيرت شيكمان كامل زي عندى من اول الموتور لحد الخلف ... ساعتها ايوة بمجرد ما تكتمة المكنة هتبطل . الشك بعيد عنة .
2- تسارع السيارة حاسس ان اصبح قليل لانى عندما اخرج من الثاتى الى الثالث او من الثالث الى الرابع مبحس ان بتستجيب بسرعه هل ممكن يكون سببه ان طقم الكهرباء بوجيهات وخلافه هما السبب علما بأن اخر مرة ركبتهم من 7 شهور
ممكن تكون العربية اخرت ثنة كهربا من الاسبراتير ... وشكى الاكبر الكـربراتير محتاج يتنظف .. لذا لو تقدر تنضف
الكربراتير وهو مكانة وبدون فك عن طريق وضع سائل كربراتير يقوم بالتنضيف .. ثم بعد ذلك تغيير البوجيهات .
هتحس بفرق كبير ... انما رأيي الشخصي ممكن تكون السيارة عادية ومن اهتمامك بيها بقت مقلق وهي مفهاش حاجة

هقول لحضرتك باردو اسباب علو صوت المكنة وياريت لو حد يصحح لى باردو :
1 - كربراتير + فلاتر " تنضيف وتغيير "
2 - اسبراتير " بيكون محتاج ضبط خفيف كهربا او غير الظبطة بتاعتة مع الوقت الطويل خصوصا لو فية بوش "
3 - طقم دبرياج " بيكون واضح اثناء الحمل والمطالع وخلافة "

دة اللى ف بالى حاليا .. ونصيحة طالما ناوي يبقى تنظف الكربراتير بس .. حتى لو كويس مش هتخسر حاجة لو نظفتة ومن غير متفكة من العربية

المشاركة الأصلية كتبت بواسطة mig44n

ياجماعه التكييف ملوش حل نظبطه حتى لو فيها تكلفه ؟؟؟؟
انا عندى شغال بس ايام الصيف الجامده قوى فى الصبح مبيعملش حاجه انما بليل بيبقى حلو.......
مفيش حل نظبطه نغيرله كومبرسور / سربنتينه / مراوح اى حاجه بس يتظبط ؟؟؟؟

الافضل حضرتك تبيع التكييف اللى عندك كلة بسلاطتة بحاجتة .. وتشتري تكييف جديد يابانى ماركة ساندان
هتحس بفرق كبير .. بس لازم يكون العوازل عندك تمام وحالتها كويسة .. كل العوازل والا مش هتحس بية .. بالنسبة لكفاءتة بعد التركيب
فالله اعلم لم اجربة علشان مبقاش بــفتى .. لذا انتظر باقى الاعضاء يقولو لك رأيهم فية بعد التركيب لانى معرفش كفاءتة بعد التركيب

المشاركة الأصلية كتبت بواسطة mig44n

ياجماعه بالنسبه لخرطوم الفايظ بيجيب عندى بخار بس من غير زيت بس ريحته وحشه وبتدخل العربيه فركبته فى العمه من مده وطبعا مبقاش فى ريحه ولا حتى سخونه بتدخل العربيه بس هل يترى فعلا بيسخن العربيه ؟؟؟؟؟
حضرتك اوعى تشم اي حاجة ف العربية عن عمد ... لان فيها روائح زى ناتج حريق الزيت بيؤدي للتسمم لا قدر الله
اي رائحة ف العربية بتكون واضحة مع الوقت .. سواء رائحة بنزين او زيت او خلافة بتكون واضحة من بعيد
هو طبعا بيأثر فى سخونة الكابينة .. بس مش للدرجة انت متخيلها لان الهواء الخارجي كفيل بتشتيت السخونية اللى خارجة منة

يعنى هيتعبنى فى الصيف وكده ولا ايه ؟؟؟
وبعدين ان حاسس ان تسارع العربيه اتظبط من بعده ماوصلتو اصل لما بدوس بنزين هو بيطلع هواء ولما ركب فى العمه العربيه اتظبطت كانه تربو على صغير كده هههههههههههههه
ممكن يكون الكربراتير كان محتاج هواء يدخل لة والخرطوم ساعدة .. خصوصا ان الكربراتير عندنا لة جزئين بيمدوبهواء مباشر غير الهواء الخارجى .. خرطوم من الجانب الايمن ... وخرطوم الفائض .. لما ركبت الخرطوم ظبط الهوا اللى كان ناقص لة للاكمال حرق المكنة واعطى لك احساس بالتسارع . واضح ان التسارع عندك كان ضعيف جداَ خلية راكب