الموضوع: رابطه محبي ومالكي الريجاتا

المشاركة الأصلية كتبت بواسطة monto1983

السلام عليكم ورحمة الله
انا عندي مشكلة في عربيتي (ريجاتا نوفا )88
غيرت سير الكاتينة 3 مرات كل مرة قبل معاده بلاقي سنونه طايره ولكن السير سليم
وكل ميكانيكي اقوله بص على التروس يقولي كويسة
والبليه انا شوفتها بنفسي تمام مش خشنه
وجبت انواع سيور كتيره من (40 الي 80 جنيه) وبرضه ابص الاقيه اتنحل قبل معاده وكل مرة ربنا يسترها الا اخر مرة للأسف جابت صبابات
وعملتها وخرطت الوش والميكانيكي قلي هجبلك سير عريض عشان يبقى جامد
وطبعا بالصدفه بصيت عليه بعد ماركب بأسبوع لقيته منحول من الاطراف طبعا عشان عريض
لحد ما ميكانيكي تاني شافه وقالي هات السير بتاعها وترس الكرنك اللي تحت خالص اكيد هوا اللي عامل كده (دة من غير مايشوفه)
انا جيبت السير والترس ومش عارف اعمل اية زهقت بصراحه
ياريت ولو حد يقدر يفيدني وبسرعه

انا شاكك ف ترس الكرنك مليون ف المية + البلية خشنة ممكن تبقى تقيلة ثنة صغيرة ومش شرط تعمل صوت
السؤال دة هيحدد العيب : سير الكاتينة اللى بتركبة قعد معاك كام كيلو ؟ بس اهم حاجة تكون حاسب لة صح .. ولو فاكر كل سير منهم عمل معاك قد اية كيلو متر يبقى تمام

المشاركة الأصلية كتبت بواسطة falcon89

السلام عليكم ،،
دى أول مشاركة ليا معاكم فى الموضوع الجميل ده ... انا لسه شارى عربية ريجاتا موديل 85 ، وكنت عايز أسأل على كمبيوتر الأعطال بتاع العربية ، ازاى أعرف انو شغال ولا الا ... هو عندى بعد ما أدور العربية كل اللمض بتفضل تنور وتطفى طول الوقت ، ما عدا لمبة الزيت طافية على طول !!
أفيدونى :)

الكمبيوتر عندك مش شغال .. وهو ف الاصل مش اسمة كمبيوتر ان صح التعبير لانة عبارة عن حساسات بلمبات .. المهم المفروض كل اللمبات تنور اول ما تفتح كونتاك وبعد كدة تفصل .. معنى انها منورة قدامك انها مش شغالة فلا تقلق

المشاركة الأصلية كتبت بواسطة monto1983

اولا انا متشكر جدا لاهتمامك وردك ثانيا انا فاكر اخر مره غيرت فيها السير بالشهور مش بالكيلو بالظبط بس اللي اقدر اقولهولك اني بغير زيت كل 3 شهور لما تعمل 5000 كيلو
انا بقي اخر مره غيرته في اول شهر 9 اللي فات واتقطع وجاب صبابات في اخر شهر 3 دي كانت اخر مره وطبعا قبلها مغيره مرتين وكل مره تقريبا مبيكملش 6 او 7 شهور
ولو حسبنها علي تغير الزيت فهلاقي انها تقريبا مبتعملش 12000 كيلو علي بعض
ده تقريبا
ومشكلتي اني دلوقتي لما ركبته ببص عليه لقيته ابتدي يتبري ويتنحل وخايف يقطع مني تاني
ومكانيكي تاني قالي الترس زي ماقولت وغيره بيقولي لا اصل الترس ده حديد يعني مش هيبوظ وكلام فارغ كده مقتنعتش بيه
البليه انا بصيت عليها مش خشنه ومش بتعمل صوت
هل رايك اني اغير الترس بغض النظر عن اي كلام ولا ايه؟

غير ترس الكرنك بدون اي تفكير ولازم ميكونش فية اي نقرة لان اللى عندك اكيد فية نقرة بس مش واضحة وهات سير كاتينة نضيف ابو علبة حمرا " مش فاكر اسم الشركة لكن هشوفها واكتبها لك "
وغير البلية من ضمن الشغل طالما كدة كدة هتفك السير المفروض يعمل 20 الف ك ودة لو نوعية وحشة كمان يعنى حسب استخدامك للعربية هتغيرة مرة واحدة ف السنة