الموضوع: رابطه محبي ومالكي الريجاتا

السلام عليكم ورحمة الله وبركاته
ياجماعة انا التابلوه عندى متكسر اوى فرحت لكهربائى وقالى ان ممكن نغير التابلوه بتاع الريجاتا بتابلوه شاهين او اكسنت بس انا بفضل الاكسنت لان شكله احسن وقالى انا ركبته قبل كده فى عربيه ريجاتا وهو كمان كان عنده ريجاتا فكان فاهم كل مشاكلها من غير ما اقله على حاجه
فانشاء الله انا ناوى اعمل الموضوع ده بالذات ان الكهربائى ده دماغه شغاله اوى كان دراع النور عندى بايظ وكان تمنه 200 جنيه فى الوكاله وهو عملى بديل ليه

ومعلومه بسيطه للاعضاء انا اشتريت فانوسين اشاره تركى وتمنه 13 جنيه الواحد

ياريت ياأخى العزيز تتابع معانا موضوع التابلوه ده .. لأنى مثلك تماما فى حيره من امر التابلوه عندى وحالته سيئه جدا .. وعرفت من الكهربائى إن تابلوه فيات سيينا بيركب عليه ؛؛ ورجع حد تانى قاللى تابلوه الاكسنت ووووالخ .. وفى نهاية الأمر أنا واقف مابعملش حاجه وخايف من الأقدام على هذه الخطوه .. وعلى فكره الضفيره عندى عاوزه تتغير وبرضه واقف مستنى موضوع التابلوه علشان تبقى مره واحده .. أتمنى ربنا يوفقك وتفيدنا ...

ان شاء الله انا ناوى بعد العيد على طول اول ما اخلص هنشرها على المنتدى واقولكم على النتائج علشان كل الجروب يستفيد

ركز فى مكان الصوت جاى من الموتور ولا العفشة
حصلت معايا والصوت كان بيجى من العفشة الامامية وطلعت بيضة المقص
غيرت المقص وكله تمام

ده يا جماعة لينك للتعديل اللي عملته ونشرته قبل كده عن تعديل تابلوه الفيات سيينا وتركيبه للريجاتا
http://www.nilemotors.net/Nile/320187-a.html
واي استفسار انا موجود

ربنا يباركلك فيها ياأستاذ علاء .. ماشاء الله حاجه رائعه .. وأرجو لو تعرف حد بعينه جبت من عنده التابلوه تقولنا ؛ ومن الوكاله ولا من عزبة شلبى ؟ وثمنه فى حدود كام .. لأنى ناوى بجديه لكن مقلق جدا جدا .. وخايف يشتغلونى وأدفع مبلغ كبير على الفاضى ..

المشاركة الأصلية كتبت بواسطة elbasosy

ربنا يباركلك فيها ياأستاذ علاء .. ماشاء الله حاجه رائعه .. وأرجو لو تعرف حد بعينه جبت من عنده التابلوه تقولنا ؛ ومن الوكاله ولا من عزبة شلبى ؟ وثمنه فى حدود كام .. لأنى ناوى بجديه لكن مقلق جدا جدا .. وخايف يشتغلونى وأدفع مبلغ كبير على الفاضى ..

بص يا جميل الموضوع انا عاملة من فترة تقريبا 5 شهور ،، دلوقتى سعر التابلوه في عزبة شلبي بيبدأمن 1000 وممكن تجيبه لو انت شاطر في الفصال بــ 800 مثلا وده على حسب كلام ميكانيكي صديق ليا بالفعل جابه بالسعر ده من حوالى شهر ونص وخد بالك انا بكلمك كده على التابلوه نمرة 1 حالته زي اللي شفته في الصور كده مفيهوش اي حاجة ناقصة
اللي انا عملته اني نزلت مع الكهربائي عزبة سلبي وهو اللي اشتراهولي
لو حابب اوصلك بالكهربائي وممكن اجي معاك اعرفك على الكهربائي ونظبط الكلام معاه انا تحت امرك

الأمر لله .. ربنا يباركلك يارب .. لو ممكن رقم الكهربائى وياترى هو ساكن فين لأنى من دار السلام ( المعادى) ومافيش مانع إنى أنزل معاه وكمان نخلص معاه موضوع تركيب التابلوه .. يبقى زى الفل . لأنى زى ماقولتلك واقف ومتردد جدا وحاسس إنها خطوه محتاجه كهربائى محترم وحريف .. وكمان أمين ..