رابطه محبي ومالكي الريجاتا

**nicegypt** · 01-05-2013 02:52 PM

المشاركة الأصلية كتبت بواسطة mohnagy012

انا معايا فلوريدا وهى فيها نفس موتور الريجاتا 1500 وحتى عفشتها موتور الريجاتا من المواتير الجباره ميقلش عن 132 بس انا معايا مشكله اليومين دول فى العربيه المشكله ان تجميع العربيه كويس جدا لغايه ال90 وبعد كده تبقى مش عايزه تزيد سرعتها خالص وتاكل بنزين لدرجه ان الصفيحه بتعمل معايا 100 ك بالعافيه وكان الكربراتير فيه مشكله ومكنش حد عارف يعملها وانا حملت الكتالوج من شركه ويبر وزبطه بالشعره وبرضه العربيه مش بتزيد عن 90 حد عنده حل لمشكلتى وايه هى ارقام البكات الصحيحه للريجاتا 1500 علشان الكتالوج مش مبين كل حاجه

مشكلة السحب واستهلاك البنزين دايماّ الكرابيراتير والكهرباء .. خلي متخصص يبص ع الكربراتير
ويعملة صيانة ويشوف سبب استهلاك البنزين ويبص ع البيكات واتأكد ان مفيش تسريب بنزين من اي مكان
هبص لك ع البيكات واكتب لك ارقامها الصحيحة بس لو تقدر تخلي المتخصص يبص علية يكون افضل وميكونش ميكانيكي ولو ركب لك طقم بيكات جديدة يكون كويس

**nicegypt** · 01-05-2013 02:55 PM

المشاركة الأصلية كتبت بواسطة وليد الشامى

السادة اعضاء الرابطة
تحيه طيبه وبعد،،،
انا لسه شارى الريجاتا موديل 86 من حوالى شهر
حصلى شوية مصائب مثل قطع سير الكتينه وانا ماشى كلفنى طقم صبابات وشوية حاجات اتكلفت كتير المهم انا لسه بتعلم السواقة وفى نفس الوقت لسه بتعلم من الميكانيكيه وبحاول انهم ما يضحكوش عليا.
عندى مشكلة : لمبات التبلوه الخاصة بالكمبيوتر بتأيد وتطفى أروح مبطل العربيه تبقى ثابته وبعد كده تعمل الموضوع ده تانى ماذا يعنى هذا
الرجاء الرد
وعندى مشكلة فى زر الرفع بتاع الزجاج هل بيتغير؛ من غير ما يأثر على التبلوم
ولكم منى جزيل الشكر

موضوع كمبيوتر العربية هو اول ما بتحط المفتاح بيبدء يعمل تيست والمفروض لو الكمبيوتر شغال عندك
ودة مستبعد وكل السينسورس راكبة هتلاقيها طفت كلها واللى فيها مشكلة هتنور بس لكن عموما محدش بيهتم بكمبيوتر العربية ولا توصيلاتة فلا تقلق وتجاهلها تماما .
مفتاح الازاز بيتغير غادي خالص انزل العزبة او الوكالة واسأل علية وهاتة ركبة بنفسك لانة نظام فيشة
يعنى سهلة ومش معقدة .. بالتوفيق

**elbasosy** · 01-05-2013 03:47 PM

طب معلش سؤال ينم عن عدم الخبره شويه .. لكل أهل الخبره بالريجاتا : أعرف منين إن عربيتى كامه واحده أو أتنين كامه ؟؟ علما بأن الماتور عندى 1600 cc وهى موديل 85 ؟؟

**elbasosy** · 06-05-2013 06:37 PM

ياجماعه حد يجاوبنى للأهميه .. يعنى أيه كامه أو كامتين ؟؟ وأعرف إزاى إن عربيتى بكامه او كامتين ؟؟ علمابأنها رجاتا موديل 85 والموتور 1600 cc ؟؟ ضرورى حد يعرفنى هل هى ريجاتا عاديه ولا ريجاتا 100 ؟؟

**mabdelwahab** · 07-05-2013 11:30 AM

المشاركة الأصلية كتبت بواسطة elbasosy

ياجماعه حد يجاوبنى للأهميه .. يعنى أيه كامه أو كامتين ؟؟ وأعرف إزاى إن عربيتى بكامه او كامتين ؟؟ علمابأنها رجاتا موديل 85 والموتور 1600 cc ؟؟ ضرورى حد يعرفنى هل هى ريجاتا عاديه ولا ريجاتا 100 ؟؟

صورى الماتور و انا هفيدك لانى معايا 100اس 2 كامة

**EMADBATTA** · 09-05-2013 04:06 PM

السلام عليكم عندى مشكلة فى الفتيس بتاع الريجاتا وعايز تيش مش عرف اجيبة منين وعندى طقطقه لما ادوس فرامل المكانيكى بقول الاسكتر عايزة حشو افيدونى

**amro1965** · 09-05-2013 08:37 PM

انا حاسس انى اتنصب عليا
اتنقلت من مرور الدقى الى مرور الوراق وبسبب النقل فحصت السيارة من اول وجديد
وبعد قرف النقل والفحص ومشاكله الحمد لله فحصت امبارح
المهم سؤالى هو الضريبه زادت ولا ايه وتفاصيلها كالاتى
طبعا سيارتى نصر ريجاتا نوفا موديل 90 وطبعا انا رخصت سنه واحده
تامين اجبارى 108
ضريبه 30
رسم تنمية 175
رسم استعمال لوحات 0.40
رسوم تحسين خدمات المرور 20 جنيه
قيمة ملصق مرور 2
قيمة رخصه ونموذج 8
يوجد مصاريف تانى مش فاكرها 33
اجمالى السنه = 376 جنيه
طبعا كتير وده احساسى انهم نصبوا عليا
انهم حملونى قيمه لوحات رغم ان الرخصه طلعت برقم السيارة القديم
هذا للعلم وافاده للجميع

**nicegypt** · 10-05-2013 02:55 PM

المشاركة الأصلية كتبت بواسطة amro1965

انا حاسس انى اتنصب عليا
اتنقلت من مرور الدقى الى مرور الوراق وبسبب النقل فحصت السيارة من اول وجديد
وبعد قرف النقل والفحص ومشاكله الحمد لله فحصت امبارح
المهم سؤالى هو الضريبه زادت ولا ايه وتفاصيلها كالاتى
طبعا سيارتى نصر ريجاتا نوفا موديل 90 وطبعا انا رخصت سنه واحده
تامين اجبارى 108
ضريبه 30
رسم تنمية 175
رسم استعمال لوحات 0.40
رسوم تحسين خدمات المرور 20 جنيه
قيمة ملصق مرور 2
قيمة رخصه ونموذج 8
يوجد مصاريف تانى مش فاكرها 33
اجمالى السنه = 376 جنيه
طبعا كتير وده احساسى انهم نصبوا عليا
انهم حملونى قيمه لوحات رغم ان الرخصه طلعت برقم السيارة القديم
هذا للعلم وافاده للجميع

مفيش زيادة كبيرة يا استاذ عمرو .. انا رخصت من بعد الثورة 3 سنوات بأجمالى تكلفة 1150 + 50 ج رشوة اجباري وبالتالى المبلغ مظبوط

**amro1965** · 10-05-2013 06:13 PM

المشاركة الأصلية كتبت بواسطة nicegypt

مفيش زيادة كبيرة يا استاذ عمرو .. انا رخصت من بعد الثورة 3 سنوات بأجمالى تكلفة 1150 + 50 ج رشوة اجباري وبالتالى المبلغ مظبوط

حلوه قوى رشوه اجبارى
اللى مشككنى فى الموضوع انهم حولونى الى شباك الرخص ومضيت انى استلمت لوحات وانا لم استلم شىء ونمرى هى هى القديمة دى كل مافى الامرلانى انا اتقلت من وحده مرور الى وحده مرور اخرى فى نفس المحافظة

**elbasosy** · 13-05-2013 05:32 PM

أشكرك أخى المحترم . أنا عرفت إن ماتور عربيتى واحد كامه .. وكمان عملتله طقم شمبر وحالياً فى التليين .. ربنا يكرمك وأشكر إهتمامك

الموضوع: رابطه محبي ومالكي الريجاتا

LinkBack

أدوات الموضوع

عرض

-

-

-

-

-

المواضيع المتشابهه

مقابلة محبي ومالكي الداستر

رابطه محبي سكودا اوكتافيا a5 على الفيس بوك

نادي محبي ومالكي 127.........

إلى الأستاذ سبعاوي وكل مستخدمي الريجاتا -"ترويش الريجاتا"

الكلمات الدلالية لهذا الموضوع

المفضلات

المفضلات

ضوابط المشاركة