انا نويت ان شاء الله اكون عضو معاكم في الرابطة وبدور علي سيارة ريجاتا تكون حالتها كويسة
ومعايا حاليا 18000، عاوز اعرف المبلغ ده يجيب حاجة كويسة وتكوت موديل كام تقريبا !!
وهل تستحمل سفر حوالي 70 كم مرتين او تلاتة في الاسبوع ؟
منتظر ردودكم الجميلة واسف على الاطالة
بص المبلغ ده يجيبلك ريجاتا مش بطالة بس عايز تصبر وعايز تركز في حاجات في العربية وانتا بتشتريها عشان الريجاتا فيها حاجات متعبة وغالية شويه يعني تشوف العربية رشه دواخل والا لا ولو رشه ليه رشت وتبص بعينك علي القوايم واساسيات السيارة وخد معاك حد فاهم كويس تاني حاجه العفشة عاملة ايه تسوق وتشوف العربية في المطبات عامله اية لان العفشه غالية اكسسوارات العربية اكصدامات وشبكة وباكتات وفوانيس امامي وخلفي حالتهم ايه لان الحاجات دي غالية ومكلفه وبتبوظ شكل العربية وبعد كده الات الجر موتور وفتيس وحالة الكوتش مهم الكوتش غالي جدا وبيظبط العربية في المشي الباقي امرة سهل يعني التنجيد امرة سهل وخد بالط من التابلوة بردو تابلوة الريجات ب 2500 جنية انا مش بعقدك بس عشان انتا لما تصرف عليها ما تصرفش كتير وتتعب عربية فيها ميزات كتير وبردوفيها عيوب بس الاجمالي عربية كويسة
يا جماعة انا معروض عليا عربية ريجاتا 89 دواخل فبريكة و صحبها بيقول حلتها كويسة انا عايز اعرف رينج
الريجاتا دلوقتي كام
و عايز اعرف اخرها كام
و شكرا علي المساعدة
بص الريجاتا الكويسة من 20 لحد 24 والنضيفة قوي من 25 لحد 30 ودي تبقا مش رشه خالص وتكييف وتابلوه عربية بتلمع بالنسبة للي هاتشتريها بتبص علي رشه خارجي علي الصاج والا مهرية معجون اكسسوارات العربية الفبريكة وحالتها نضيفة والا لا يعني اكصدامين نضاف شبكة اصلي كشافات نضيفة اصلي تكييف شغال تمام تابلوة نضيف مفيهوش كسر عفشة كويسة كوتش نضيف موتور قوي مش تعبان الشكل العام للعربية كويس وبلاش تاخد النص نص نصيحة مني خد رقم واحد لانها هاتتعبك لو حالتها تعبانة
حبيت اني انقلكم تجرتبي لعل احد يستفيد منها
كنت طالع من الشغل ومروح وماشي على الدائري المهم فجأة لقيت العربية مره واحدة بطلت وات صوت غريب وسخنت مره واحدة .. (كل ده حصل في خلال 3 دقائق) مع العلم اني قبل ما اطلع من الشغل كان بصيت على قربة الميه وكانت ناقصة حاجة بسيطة خالص زودتها ومشيت عادي
المهم نزلت فتحت الكبوت لقيت سلك الاكسراتير مقطوع وواحد كان معدي جنبي خلي التنك مخروم لقيت فعلا فيه حاجة بتنزل من التنك (اتضح بعد كده انها كانت ماية نازلة من الشكمان جنب التنك مباشرة) والتنك كويس ..
المهم دورت على عربية تجرني لحد الميكانيكي .. نقلتها وروحت للميكانكي بص عليها وقالي دور وزود ميه في القربة قالي دي جابت وش جوان .. وفعلا كانت الميه في القربة بتفقفق
قولتله طيب حل وابدأ اشتغل ..
هقولكم التكلفة كانت قد ايه بالظبط
50 جنيه جرب العربية
45 جوان وش السلندر دبل + جوان شكان
10 (3 كوليه)
5 جلبة جوان
110 قربة مياه (انا كده كده كنت ناوي اغير القربة عشان كانت مخرومة وكنت ملزقها كده بالعافية)
45 سير كاتينية اندونيسي (وده برضو كان المفرض هغيله (فكانت فرصة بقى اغيره بالمره)
25 ماسورة المياه
7 جوان وش التاكيهات
50 سلك اكسلاتير (اللي اتقطع )
25 سير دينمو (الصغير) اتحاد اوروربي (ما لقتشي الكبير فركبت القديم لحد ما اجيبه)
10 جلب ماسورة المياه وجلب المشترك
50 الخراط (مسح وش السلندر) وكان فيه مسمار مكسور في مسترك الشكمان فكه
15 مسامير
180 مصنعية الميكانيكي (هيا ممكن تكون زيادة بس بصراحة الميكانيكي ده شغله مظبوط قوي وبيعمل الحاجة بضمير)
ارجو اني اكون افادتكم
وفي انتظار تجربة السيارة على طريق سريع عشان اقولكم على النتيجة
أنا أمبارح أنفجر الريداتير بالرغم من أني لسه شاري العربية من أقل من شهر ريجاتا 85 . الحمد لله كنت رايح بالأولاد و الحاجة مناسبة عائلية ركنت و طبعا سبتها تبرد و سالت علي بتارع ريداتيرات جه و قال لازم نغيير الريداتير كله بأخر زيه الأصلي حسب كلامه . كلفني 325 ج ثمن الريداتير الجديد و 25 جنيه مصنعية بفصال طبعا . بس الصراحة لما الحرارة تصل أعلي من 95 تشتغل المروحة و تبطل لما تصل حوالي 90 . و طول مأنا ماشي تبقي المروحة شغالة و الحرارة أعلي من 100 . اعتقد أن ده مش طبيعي صح ممكن حد يفيدني .
قدر ولطف الحمد لله يا باشا ، لازم تاخد هوا الراديتير الجديد لان ده اللى اكيد بيسخن العربية واكشف على الترمستات اللى راكب وفى اى حال لازم الحرارة متعديش ال90
المفضلات