صيانة الغد ؟

**NaGaTy_1** · 01-09-2009 06:04 AM

السلام عليكم

كنت عايز اسأل لو في حد جرب مركز الغد اللي في المنصورة ؟؟
عشان انا عديت 1000 كيلو و عايز اروح اعمل صيانة
مش عارف يا تري الناس هناك شغلها كويس ولا اروح عز العرب احسن ؟؟
والناس اللي معاها العربية من فترة بيحطو زيت اية عشان انا عرفت انهم في الصيانة بيحطو توتال و انا عايز احط موبيل
يعني ممكن اي زيت انا عايزة ولا لازم توتال ؟؟
و لو هغيرة برة اشتري الفلتر من الغد ولا اية
و تكاليف الصيانة كدة هتبقي كام بالزيت او من غيره لو هغيره بره

معلش طولت عليكم

**Ayman_52** · 01-09-2009 06:15 AM

وعليكم السلام ورحمة الله وبركاته

والف مبروك على اول 1000 وعقبال الــ 100000 بالخير ان شاء الله

---

بخصوص صيانه الــ 1000 هى اصلا مش محتاجه خبره فى التنفيذ ... لولا الضمان كانت كل الناس راحت عملتها فى اى ينزينه ...

وبالتالى لاتقلق من موضوع مستوى الخدمه هناك

بالعكس كويس انك هتجربهم فى حاجه بسيطه عشان تعرف مستواهم عامل ايه ..

---

هما فعلا فى التوكيل بيحطوا -توتال- ... وبراحتك تجيب الزيت اللى انت عاوزه وتغيره هناك

بس انا سمعت ان افضل زيت معدنى هو -شل هيليكس- (سمعت فقط دون تجربه)

---

حضرتك تجيب الزيت بتاعك ... وتغير الفلتر من -الغد-

---

تكلفة صيانه الــ1000 فى توكيل عز العرب :-
----------------------------------

106 زيت المحرك (لو ماجبتش من برا يعنى)

40 فلتر زيت المحرك

---

المجموع : 146

اول صيانه مالهاش مصنعيات

---

ملحوظــه :-
---------

لاتنسى ختم كتيب الضمان ... وتسجيل ماتم فى صيانه الــ 1000

---

وكل صيانه وحضرتك بخيـــر

تحيـــــــــــــاتــــــى

**NaGaTy_1** · 01-09-2009 06:31 AM

شكرا استاذ أيمن علي سرعة الرد .. والله انا معرفكش بس حضرتك انسان محترم جدا من مشاركاتك .. ربنا يبارك فيك
ان شاء الله اروحلهم بكرة و ربنا يسهل ..

معلش كان في سؤال تاني ..
لما استلمت العربية كان الدركسيون مش مضبوط يعني بيبقي شمال و انا ماشي مستقيم و قلت للمدير في المعرض و رحنا الصيانة و فك الدركسيون هناك و قالي كدة اتظبط .. و طلعت جربت لكن كان لسة في شوية صغيرة بس احسن من الأول بكتير .. المهم رجعت قلتلة قاللي لأ دي زوايا !! مع العلم لما بسيب الطارة العربية بتحدف يمين حاجة بسيطة
و قال ان مفيش ظبط زوايا عندهم
فهل ممكن تكون فعلا زوابا ولا هو كسل يفك الدركسيون تاني
وهل موجود ظبط زوابا في عز العرب ؟؟ ولا اعملها عند حد في المنصورة برة الصيانة ؟

**Ayman_52** · 01-09-2009 06:45 AM

ياباشا ربنا يكرمك ... دا من ذوق حضرتــك

---

شوف مادام فى حدفه ... يبقى اظن انو محتاج ضبط زوايا ؟؟؟

بس باردوا اسال المهندسيين اللى هناك بكره ... وخلى مهندس يطلع معاك يعمل تيست ويتاكد ان الموضوع كله - ضبط زوايا بس - .

---

عز العرب الصحراوى .. عنده ضبط زوايا وترصيص (بس غالى)

اعملها عند مركز محترم عندكم وخلاص ... ضبط الزوايا مش حاجه صعبه ..

---

وكل صيانه وحضرتك بخيـــر

---

ياريت لو ظروف حضرتك تسمح تشرفنا فى المقابله الاحد القادم ان شاء الله

هنـــــــــــا

---

تحيــــــــــــــــــاتــ ــــى