الموضوع: درجات التبريد للتكييف

المشاركة الأصلية كتبت بواسطة monmonmon

لأ القصة ببساطة هى ترموستات بيشغل الكومبريسور و يفصله عن طريق clutch على حسب درجة حرارة الهواء بالمقصورة

مينفعش تكون قصة خلط!!! يعنى لو مشغل التكييف على تدوير الهواء من داخل العربية internal re-circulation هيخلطلك هواء منين و البوابات مقفوله!!!

دا غير انه علشان يدخلك هواء ينفع لعملية الخلط على حسب درجة الحرارة بتاعة الهواء و درجة حرارة الهواء اللى انت عايزها set point
لازم الجهاز يبقى فيه:
قياس معدل تدفق الهواء الداخل للخلط
قياس درجة حرارته
و ممكن الرطوبة

عمليات حسابيه عن طريق control unit تقيس نسب الخلط و تعمل energy balance علشان تحدد هتحتاج هواء قد ايه؟؟؟ و انت محتاج توصله لدرجة حرارة كام؟

و سيبك من كل ده.. تفسر بأيه عربيات تكييفها بيبقى وحش و مش زى عربيات تانيه بنفس السعه!! يا ترى بيخلطوا هواء اكتر؟؟ طيب ازاى يخلطوا هواء دول بالشكل ده هيتسببوا فى انهيار اداء الجهاز اكتر ما هو غير مرضى.

و فى النهاية عايز اقولك ان جهار التكييف المنزلى ده بيشتغل على الهواء اللى فى المكان المغلق اللى انت قاعد فيه.. يعنى لو واحد ولع سيجاره هيفضل الدخان جوا الغرفة و هتتنفسه طول الوقت.. علشان كده لازم تفتح الشبابيك و تغير الهواء.

كذلك الحال فى السيارات ممكن تلاقى الشركة بتوصى فى الكتالوج بضرورة تغيير الهواء داخل كابينة السيارة.

يا باشا يمكن الكلام اللي انت بتقوله ده على تكييف البيت بس تكييف العربية وانا متاكد من الكلام ده 10000% واسال اي حد بتاع تكييف بيجيب الهوا السخن من دورة جوه الموتور حتى هتلاقي خرطوم طالع من نص صدر العربية وداخل في الموتور بيدخل الهوا وواحد تاني بيجيب الهوا بعد ماسخن من جوه الموتور وطبعا الكلام ده لو انت جبت بكرة الحرارة في النص او جايبها عالسخن خالص

وعلى فكرة انا مقولتش ان الهوا اللي بيخش الموتور عشان يسخن ده جاي من برة عشان تقول ان البوابات مقفولة ,الهوا ده من جوة العربية وبيخش الموتور ويرجع تاني.

انا تهت خالص اللى انا اعرفة وشاركت بية فى اول الموضوع ان الكمبروسور بتاع التكيف بيفصل ويشتغل كتير كمان ودى اللى بيحصل عندى و متأكد من كدى بشوف بعينى الكمبروسور وهو بيفصل ويشتغل تانى عربيتى بقى
بس عرفت ان مش كل العربيات كدى وفى عربيات الكمبروسور بيشتغل على طول
السؤال بقى ازاى بيتحكم فى الحرارة؟
هل بيسمح بتشغيل دورة السخن مع البارد فى نفس الوقت.
ولا اية انا عايز رد واحد لا يقبل التشكيك

سلام عليكم
يا جماعة بالنسبة لمروحه التبريد الداخلي اللي هي سرعت مالهاش علاقة بالتبريد بالزيادة او النقصان انا طبعا بتكلم عن التكييف العادي .
اللي فيه طنبورة الكمبروسور بتشتغل مع الموتور علي طول ولازم نفرق بين الطنبورة والكمبروسور اللي بيحصل ان فيه كلتش(فاصل حركة زي البرياج) بيفصل الكمبورسور او يشغله بناءا علي اشارة من الترموستات اللي غالبا بيكون موجود عند الكويل (التلاجه) اللي موجوده خلف درج التابلوة بيسحب الهواء من الصالون الداخلي وعلي اساسه يشغل الكمبروسور او يفصلهز
النقطه التانية موضوع بكرة التحكم في البرودة اقدر اقولكم ان كل اللي بتعمله انها بتزود هوا سخن علي الهوا البارد اللي جاي من الكمبروسور
واللي عاوز يتأكد يخلي التكييف شغال ويقلب البكرة علي الساخن
مش هيلاقي الكمبروسور فصل خالص وده يثبت كلامي
والله المستعان