درجات التبريد للتكييف

**m_elkhishin** · 11-10-2009 12:22 PM

موضوع الثيرموستات ده 100% صح في أغلب السيارات. ولكن بعض السيارات لا تحتوي على ثيرموستات زي الدايو لانوس بس التحكم فى التبريد بيتم ازاي بصراحة مش عارف ممكن يكون عن طريق بلف بيتحكم فى الفريون

**Hegazio** · 11-10-2009 03:33 PM

التكييف ما بيفصلش و يشتغل ولا حاجة يا جماعة
لما بتزود الؤشر ده علي الأخر بيعدي الهوا جنب فرن الموتور و يسخن
و لما بيبقي بين البينين بيدخل هوا بارد علي عادي و يفضل درجة حرارتة ثابتة و الكمبرسور شغال علي طول

**amir_ezzat** · 12-10-2009 09:34 PM

مستحيل يكون الكمبروسر بيفصل ويشتغل تانى علشان لو كده هيكون غلط جدا ان مثلا يفصل ويرجع يشتغل وانت على سرعه عاليه جدا
اكيد الكل عارف ان غلط جدا تشغل التنكيف وانت على سرعه عاليه

**Sameh** · 12-10-2009 11:21 PM

مظبوط يا أمير

**dr_ashrof** · 15-10-2009 05:06 AM

يا باشا اسمع مني انا بقى الكومبريسور في اي عربية لو تكييفها سليم بيفضل شغال لحد ما الفريون يسقع قوي وبعدين يفصل لحد ما الفريون ييسخن ويرجع يشتغل وكدا. لحد هنا تمام؟
موضوع بكرة الحرارة دة انتا لو جبتها في النص كل اللي بيحصل ان العربية بتجيب هوا سخن من دورة جوا الموتور وتدخله مع الهوا الساقع اللي جاي من تلاجة التكييف يعني مجرد خلط للهوا ملهوش علاقة بدورة التكييف من اساسه ولا تشغيل اوفصل الكومبريسور.
اما سرعة المروحة فهى نظريا ملهاش دعوة برضه بدورة التكييف ولا الكومبريسور بس عمليا اللي بيحصل اما تكون مشغل المروحة على 4 الهوا بيكون شديد قوي وهو بيعدي جوا التلاجة فبيطير منها البرودة بسرعة فالفريون يسخن اسرع والكومبريسور طبعا هيشتغل اكتر.
نستفيد من كدة انك لو غاوي جري زيي ومحتاج السحب الحل الوحيد انك تشغل التكييف علي 2 او 1

**Mohamed.Fawzy** · 15-10-2009 09:36 AM

المشاركة الأصلية كتبت بواسطة dr_ashrof

يا باشا اسمع مني انا بقى الكومبريسور في اي عربية لو تكييفها سليم بيفضل شغال لحد ما الفريون يسقع قوي وبعدين يفصل لحد ما الفريون ييسخن ويرجع يشتغل وكدا. لحد هنا تمام؟
موضوع بكرة الحرارة دة انتا لو جبتها في النص كل اللي بيحصل ان العربية بتجيب هوا سخن من دورة جوا الموتور وتدخله مع الهوا الساقع اللي جاي من تلاجة التكييف يعني مجرد خلط للهوا ملهوش علاقة بدورة التكييف من اساسه ولا تشغيل اوفصل الكومبريسور.
اما سرعة المروحة فهى نظريا ملهاش دعوة برضه بدورة التكييف ولا الكومبريسور بس عمليا اللي بيحصل اما تكون مشغل المروحة على 4 الهوا بيكون شديد قوي وهو بيعدي جوا التلاجة فبيطير منها البرودة بسرعة فالفريون يسخن اسرع والكومبريسور طبعا هيشتغل اكتر.
نستفيد من كدة انك لو غاوي جري زيي ومحتاج السحب الحل الوحيد انك تشغل التكييف علي 2 او 1

شكرا لييك يا باشا ده فعلا اكثر الردود التى وجدتها منطقيه و اقرب للصحه
جزاك الله خيرا

**Hegazio** · 15-10-2009 10:53 AM

المشاركة الأصلية كتبت بواسطة dr_ashrof

يا باشا اسمع مني انا بقى الكومبريسور في اي عربية لو تكييفها سليم بيفضل شغال لحد ما الفريون يسقع قوي وبعدين يفصل لحد ما الفريون ييسخن ويرجع يشتغل وكدا. لحد هنا تمام؟
موضوع بكرة الحرارة دة انتا لو جبتها في النص كل اللي بيحصل ان العربية بتجيب هوا سخن من دورة جوا الموتور وتدخله مع الهوا الساقع اللي جاي من تلاجة التكييف يعني مجرد خلط للهوا ملهوش علاقة بدورة التكييف من اساسه ولا تشغيل اوفصل الكومبريسور.
اما سرعة المروحة فهى نظريا ملهاش دعوة برضه بدورة التكييف ولا الكومبريسور بس عمليا اللي بيحصل اما تكون مشغل المروحة على 4 الهوا بيكون شديد قوي وهو بيعدي جوا التلاجة فبيطير منها البرودة بسرعة فالفريون يسخن اسرع والكومبريسور طبعا هيشتغل اكتر.
نستفيد من كدة انك لو غاوي جري زيي ومحتاج السحب الحل الوحيد انك تشغل التكييف علي 2 او 1

الكلام مظبوط .. و بارك الله فيك
بس فيه حتة محتاجة تظبيط
الكومبريسور بيضغط الفريون برة ( جنب الردياتير ) فيسخن .. بعدين الصمام يفتح و يدخل الفريون المضغوط جوة العربية ( الكويل اللي عند التابلوه ) و يفك الضغط فيبرد ..دي دورة التبريد .. في حركة مستمرة .. ما بيفصلش خالص .. لا علي سرعة مروحة عالية و لا واطية

المشاركة الأصلية كتبت بواسطة hegazio

التكييف ما بيفصلش و يشتغل ولا حاجة يا جماعة
لما بتزود الؤشر ده علي الأخر بيعدي الهوا جنب فرن الموتور و يسخن
و لما بيبقي بين البينين بيدخل هوا بارد علي عادي و يفضل درجة حرارتة ثابتة و الكمبرسور شغال علي طول

نفس الكلام .. موضحا صحة كلامك علي كيفية خلط الهوا البارد بالساخن

**Sameh** · 17-10-2009 11:11 PM

إذاً القصة خلط هوا ومالهاش دعوة بالكمبرسور
الله ينور يا رجالة

الموضوع: درجات التبريد للتكييف

LinkBack

أدوات الموضوع

عرض

-

-

-

-

المواضيع المتشابهه

كيفيه تغير مياة التبريد وعمل غسيل للدوره للبولو وما يشابهها فى دورة التبريد

درجات الحرارة التى تعمل عندها مراوح التبريد

درجات الفيميه

حملة صيانة مجانية للتكييف ودورة التبريد من التوكيل

حملة صيانة مجانية للتكييف ودورة التبريد من التوكيل

الكلمات الدلالية لهذا الموضوع

المفضلات

المفضلات

ضوابط المشاركة