الموضوع: صاج النيسان صنى ومفاجاة جديدة !!!

-
-
-
-
-
-
-
-
-
-
-
روحت وشوفت العربية على الطبيعة لانها من العربيات اليابانى اللى فى دماغى وفى قائمة اختيارى سواء نيسان صنى او سوزوكى sx4 او نيسان تيدا لان اليابانى وخصوصا عربيات النيسان صنى بقالها سنين فى مصر وكمان التيدا عربية تبع شركة نيسان وممتازة اوى وماتورها متطور


بصراحة اتفرجت كمان على كام عربية كورى من النترا وسيراتو وعربيات اخرى كورى لقيت صاجهم من مش حلو ابداااااا من الاجناب ناحية الابواب طرى جدا ومش فيهم الا شكل وكماليات ومعرفش الكماليات حتستحمل معايا لامتى او لكام سنة لان الخامات متوسطة وبعدين كل الكورى الجديد مش عدى عليه 5 سنين وبالنسبة للشكل ميهمنيش اوىىى , ( مع كامل احترامى لملاك لكورى ولسيارتهم عشا محدش يزعل منى ) على دماغى والله بس هى مسالة اراء واذواق , وبعدين بتفرق من كل شخص فى اختيارته وهو محتاج لايه فى العربية وبيتغاضى عن ايه وهكذا


المهم لقيت صاج العربية النسيان صنى تحفة وتقيل عنهم وحتى الكابوت بتاع العربية تقيل والفبر اللى فيها قدام وورا كويس


بس هو فى عيب فى الاكصدامات الفبر فى حاجة واحدة وهى ان الكلبسات اللى مسكاها ضعيفة وبتتفك على طول بمجرد اى تريحة عليها بس الفبر نفسه اللى فى الاكصدام حلو وقوى عن العربيات الكورى بردوا فهل ممكن نلاقى كلابسات اقوى من اللى راكبة فى العربية وتكون كلبسات قوية عنها شوية يعنى حديد مثلا او اقوى من اللى راكبة لان شوفت اكصدامات السوزوكى الكلبسات اللى ماسكة الاكصدامات قدام وورا قوية جدا


بس نسيت ابص على كابوت النيسان صنى فهل مبطن بعازل ولالا ولو مش طلع مبطن هل ممكن نبطنه فى التوكيل ولالا لان اعتقد التبطين ده بيفيد فى خفض صوت المحرك وبردوا وفى الحرارة اللى بتطلع من الكابوت


وحاجة كمان هل فيها كمبيوتر رحلات ولالا بيحسب استهلاك البنزين والكلام ده ولالا , فياريت ملاك النيسان صنى يقولولنا على المعلومات دى ايه نظامها ولو موجودة فى ا ى فئة من الجديد يعنى اللى ب96 الف ولا 103 الف


وحاجة كمان اخبار فرامل ال abs اللى نزلت جديدة مع العربية عاملة ايه


واخيرا بجد شهادة حق فى صاج النيسان صنى اقدر اقول بعد ما شوفته على الطبيعة حاجة ممتازة جدا وربنا يبارك لملاك النيسان صنى فى عربياتهم ويديهم خيرها