الموضوع: صاج النيسان صنى ومفاجاة جديدة !!!

بمناسبة الحديث عن صاج الصني، عندي تجربة أحب أحكيهالكم
كنت راجع من شغلي في المعادي ورايح مدينة نصر، المهم أنا بدخل من طريق الجيش اللي آخره شمال المقطم ويمين مدينة نصر (أعتقد اسمه محور NB)
كنت ماشي في أمان الله وفجأه لقيت عربيه لانسر ماشية في الاتجاه التاني بسرعه جنونية، الباشا اللي كان سايقها حب يتفادى نقره في الأرض راحت عايمه منه وخبطت في الرصيف
وفجأه لقيت اللانسر دي طايره في الهوا وبتعمل شقلبظات
وبقت في الاتجاه اللي أنا ماشي فيه على بعد 50 متر مثلا ولا حاجة وعمالة تتنطط وجايه عليا
رحت مفرمل وواقف تماما واللانسر لسه مصممه وعمالة تتدحرج وتتنطط وتتقلب وجايه عشان تعجني وتكمل
المهم ربنا ستر ولبست في رفرف عربيتي الشمال بسرعتها لدرجة ان عربيتي اتحركت من مكانها
بس بعد كده اللانسر استقرت على سقفها وبطلت تتقلب
طبعا الكلام ده كله حصل في 5 ثواني مثلا عشان محدش يقلي مرجعتش ورا ليه زي ما كل الناس قالتلي
طبعا من صوت الخبطة وشكل العربية اللانسر وهيا بتتنطط زي فرقع لوز، أنا كنت نازل أبص على العربية ومتخيل اني هلاقي الجنب الشمال ده كه معجون وكان معايا واحد صاحبي عمال يقولي الحمد لله ان احنا بخير والعربية تتعوض وبتاع وكلام من هذه العينة
نزلنا نبص، الرفرف معوج والاكصدام فك منه، بس كلام فاضي ويترد على البارد، حتى مفيش بويه اتخربشت او اتشالت، علامة NISSAN اللي في الطاسة الصغيرة اللي بتبقى في الجنط (الصغيره دي اللي أد فنجان القهوة) اتكسرت (وعرفت بعد كده انها ب 240 جنيهأمال الطاسة الكاملة بكام؟؟؟!!!)

لكن مفيش مشكلة كبيره يعني، الموضوع كله (باستثناء الطاسة دي) يتلم ب 200 جنيه ولا حاجة (طبعا في التوكيل قالولي 600 عشان لازم يرشو الرفرف وبتاع)

الخلاصة: العربية صاجها قوي فعلا ما شاء الله

المشاركة الأصلية كتبت بواسطة topdom

بمناسبة الحديث عن صاج الصني، عندي تجربة أحب أحكيهالكم
كنت راجع من شغلي في المعادي ورايح مدينة نصر، المهم أنا بدخل من طريق الجيش اللي آخره شمال المقطم ويمين مدينة نصر (أعتقد اسمه محور nb)
كنت ماشي في أمان الله وفجأه لقيت عربيه لانسر ماشية في الاتجاه التاني بسرعه جنونية، الباشا اللي كان سايقها حب يتفادى نقره في الأرض راحت عايمه منه وخبطت في الرصيف
وفجأه لقيت اللانسر دي طايره في الهوا وبتعمل شقلبظات
وبقت في الاتجاه اللي أنا ماشي فيه على بعد 50 متر مثلا ولا حاجة وعمالة تتنطط وجايه عليا
رحت مفرمل وواقف تماما واللانسر لسه مصممه وعمالة تتدحرج وتتنطط وتتقلب وجايه عشان تعجني وتكمل
المهم ربنا ستر ولبست في رفرف عربيتي الشمال بسرعتها لدرجة ان عربيتي اتحركت من مكانها
بس بعد كده اللانسر استقرت على سقفها وبطلت تتقلب
طبعا الكلام ده كله حصل في 5 ثواني مثلا عشان محدش يقلي مرجعتش ورا ليه زي ما كل الناس قالتلي
طبعا من صوت الخبطة وشكل العربية اللانسر وهيا بتتنطط زي فرقع لوز، أنا كنت نازل أبص على العربية ومتخيل اني هلاقي الجنب الشمال ده كه معجون وكان معايا واحد صاحبي عمال يقولي الحمد لله ان احنا بخير والعربية تتعوض وبتاع وكلام من هذه العينة
نزلنا نبص، الرفرف معوج والاكصدام فك منه، بس كلام فاضي ويترد على البارد، حتى مفيش بويه اتخربشت او اتشالت، علامة nissan اللي في الطاسة الصغيرة اللي بتبقى في الجنط (الصغيره دي اللي أد فنجان القهوة) اتكسرت (وعرفت بعد كده انها ب 240 جنيه:_alshmokh08[1]:أمال الطاسة الكاملة بكام؟؟؟!!!)

لكن مفيش مشكلة كبيره يعني، الموضوع كله (باستثناء الطاسة دي) يتلم ب 200 جنيه ولا حاجة (طبعا في التوكيل قالولي 600 عشان لازم يرشو الرفرف وبتاع)

الخلاصة: العربية صاجها قوي فعلا ما شاء الله

على فكرة إلي أهم من دا كلو الشخص إلي كان فاللانسر. إيه إلي حصلو؟ إطمنتو عليه اللأول قبل مطتمنو على الصني؟؟