الموضوع: الشكمان والحرارة

المشاركة الأصلية كتبت بواسطة semsem kane

علبة الشكمان بتتغير مابيتعملش فيها حاجة خالص غير بس لو عايزة لحامات ,ولو عندك الحرارة كانت بتعلى وهية راكبة يبقى هتلاقيها مخرومة ,او العلبة نفسها باظت من جوة والافضل تغيرها هية مش غالية قوى بس لو هاتغيرها هات شكمان ابو اليزيد

هى الحمد الله الحرارة مبتعديش النص . بس هى فكرة جاتلى والعلبة مفكوكة وبين ايدي

ده انا حتى كنت بفكر افتحها واشوف شكلها من جوه بيكون ازاى

المشاركة الأصلية كتبت بواسطة sweetheart_

هو الشكمان دا بكام وهل لو غيرته صوت الشكمان هيوطى انا عربيتى فيورا برده

بص فى الموضوع ده وان شاء الله تلاقى فيه طلبك

http://www.nilemotors.net/Nile/18665-127.html

المشاركة الأصلية كتبت بواسطة samirayad

نعم
لا

هنا بأه الكلام
1- أى علبة شكمان بتصمم بجدران عموديه داخليه ومثقوبه
بطريقه هندسيه معينه
2- الهدف من عمل ثقوب ومسارات معينه على الجدران الداخليه للعلبه هو تدوير وتحيير العادم
يعنى التصميم بتاع جدران العلبه المثقوبه من الداخل بيلفف العادم السبع دوخات جوه العلبه ....علشان يهده شويه .....ويكتم صوته
3- طبعا تلاقيك لاحظت أما شيلت العلبه ....صوت العادم كان عالى وهو خارج من ماسورة الشكمان الخلفيه والصوت غير طبيعى
4- هو ده الهدف من وجود علبة شكمان على نهاية خط الشكمان
5- علشان كده خط عادم أى مكنه بينسب للعلبه دى
وبنسميه خط الشكمان
ليه .....لأن زى ماشوفنا ....أن العلبه دى بتشكم عادم المحرك السريع فى الحركه والضغط وتهده شويه ....بهدف تهدئة الصوت وهو خارج من الشكمان من الماسوره الخلفيه لعدم حدوث أزعاج بصوت عالى عند خروج العادم من آخر خط الشكمان
علبة الشكمان أسمها silencer يعنى كاتم الصوت
والمسمى ده قادم من كلمة silent يعنى ساكن أو مشكوم أو مكتوم

شكرا يا بشمهندس على الرد الوافى و سبحان الله عملت بيه من قبل ما اشوفه

انا خدت العلبة والعربية ورحت ل 2 بتوع شكمانات وحكيت لهم حكاية الحرارة

الاول كان رايه ان العلبة مكتومة شوية صغيرين وان طالما الحرارة مبتعديش النص يبقى كده كويس والعلبة تعيش معى بتاع سنة كمان

التانى كان رايه ان العلبة مكتومة شويتين تلاتة وتمشينى بتاع 6 اشهر كده

فركبتها وريحت دماغى

صوت العادم كان عالى وهو خارج من ماسورة الشكمان الخلفيه والصوت غير طبيعى

كان عالى اخر حاجة ......... ده انا كنت عامل قلق فوق كوبرى اكتوبر والناس بتبصلى بصات مش لذيذة :POINTI~2[2]:

المشاركة الأصلية كتبت بواسطة samirayad

ههههههههههههههههه

شكمان علشان بيشكم :) جامدة جدا يا بشمهندس سمير ...ما شاء الله بجانب خبرتك الفنية عليك خفة ظل لا تضاهى

هو انا برضه كلمة شكمان دى حيرتنى جدا لحد ما عرفت اصلها من احد اقاربى كبار السن وهو ايضا موسوعة فى اللغات العربية والانجليزية والفرنسية
واللى قاله ليا ان كلمة شكمان اصلها هو Tube d'escapement باللغة الفرنسية وتقرأ "توب ديشابمو" وهى كما لا بد انك لاحظت تجمة لكلمة "ماسورة العادم" حيث ان كلمة escapement قادمة من نفس اصل كلمة escape الانجليزية والتى تعنى الهروب، مع اختلاف النطق قليلا بين الانجليزية والفرنسية، المهم ان الأخ "توب ديشابمو" الذى تعلمه ميكانيكية مصر قديما مع الديريكسيون والردياتير والاسبراتير وكل المصطلحات الفرنسية الأخرى، صار لاحقا شابمو ثم شابمان ثم شكمان مثل كثير من الكلمات التى حرفها مكانيكية مصر كالطبلون والمارشدير