السلام عليكم

معايا عربية تمبرا 1600 موديل 99

1- العربية انا حاسس ان فيها حاجة غلط ... بس انا معرفش طبعا ده ممكن يبقي طبيعي ولا انا محتاج اصلح حاجة ؟؟

الغيار الاول لحد 20 كم / ساعة - ار بي ام 3000

الغيار التاني لحد 40 كم /ساعة - ار بي ام 3000

الغيار الثالث لحد 60 كم / ساعة - ار بي ام 3000

الغيار الرابع لحد 95 كم / ساعة - ار بي ام 4500

الغيار الخامس لحد 130 و ممكن 135 كم / ساعة - ار بي ام 4500

انا مش عارف هو ده بقي طبيعي ولا في حاجة عاوزة تتغير او تتصلح

اظن العربية التمبرا بتجيب سرعات اعلي من كده

2- كمان ساعات بلاقي العربية و انا بسخن الصبح و باجي ادور و ادوس بنزين شوية احس ان العربية بتخرف كده مش هي دي دوسة البنزين الطبيعية بحس اني بدوس علي الفاضي لثانية و بعدين تلقط .... يارب اكون عرفت اشرح و تكونوا فهمتوا حاجة

هل انا بقي محتاج انظف كربراتير و لا ايه ؟؟

3- انا لسة مغير كبالن و مقصات امامي من اسبوعين تلاتة عشان كنت بسمع صوت طقطقة مستمر و انا ماشي ... المهم ان الصوت ده راح الحمد لله و لكن لسة في صوت طقة واحده لما باجي ارجع بالعربية لورا و انا كاسر الدركسيون... ده من ايه و ايه علاجة ؟؟

4- بعد ما غيرت الكبالن و المقصات بيوم روحت اغسل العربية في البنزينة ... بعد الغسيل و انا ماشي العربية فضلت تعمل صوت تصفير مستمر لمده تقريبا ساعة و بعد كده ابتدي يخف و بعد كده راح الصوت المستمر و بقيت اسمعة كل ما اجي اسوق العربية بعد فترة من ركنتها حوالي 6 ساعات مثلا مركونة و اجي امشي بيها اسمع بردو صوت تصفير لمده كام ثانية و بعدبن يروح.... ده من ايه و ايه علاجة ؟؟

5- جلد الابواب بقي معذبني معاه و بلاقي كل يوم العربية مليانة تراب من جوة ... كل جلد الابواب مقطع و بايظ .
اللي اعرفة ان الجلد ده بيكلف كتير ... ايه احسن بقي اجيب من اللي بيتباع بالمتر في التوفيقية ده ولا مالوش لازمة ولا اجيب منين و تقريبا التكلفة كام ؟؟


شكرا