الموضوع: شوية استفسارات في التمبرا

1 - السرعات دى مش وحشة و لو قرصت شوية حتلافى استجابة و سرعات اعلى , ممكن شوية صيانة يظبطوا الدنيا شوية
يعنى فلاتر , بوجيهات , زيت كويس , تنظيف كربراتير ما يضرش

2 - عادى عشان لسه بارده و لما بتسخن شوية بتروح

3 - مش عارف , بس ممكن تكون صلايب الاكس و ممكن حاجة مش مربوطة كويس انت تروح تربط عفشه و داير فتيس و تبص على حالة القواعد و خصوصا الل ورا و بعديها نشوف

4 - تقريبا ده صوت سير , ممكن تفتح الكبوت و تدور و تزود بنزين من قدام و تسمع الصوت جى من انهى سير او ميكانيكى يبصلك عليها

5 - انا نا سألتش عليه قبل كده بس سمعت انه غالى بس كام محدش عارف , لو لاقيته بالمتر و خامته كويسه و طرى شغال
لو عند محل قطع غيار و سعره معقول شغال , و خد بالك انه كاوتش غريب و البياعين معندهمش غير حيشتغل يا بيه :)
يعنى لو مش شكله او قريب جدا منه يبقى بلاش احسن


و كل سنه و حضرتك طيب

عندي سؤالين:
1-هل العربية بتقطع علي السرعات البطيئة أو بتطفي وهي دايرة علي السلانسية؟
2-هل السرعة 135 بتكون دايس دواسة البنزين علي الآخر؟

انا عندي نفس الموديل
الغيار الأول 30 علي rpm 3000
الغيار الثاني 50 علي 3000
الغيار الثالث 65 علي3000
الغيار الرابع 110 علي 3500
الغيار الخامس باجيب بيه 140 علي 3500-4000
انا مابازودش عن كدة
جلد الأبواب مش موجود غير في بورسعيد بحوالي 300-400 جنيه وناوي انزل مشوار عشان الجلد بيسرب هوا التكييف
انا عندي نفس المشكله لما تكون العربية باردة بس رحت غيرت بوجيهات وفلتر هوا الموضوع راح خالص

المشاركة الأصلية كتبت بواسطة mtageldeen

عندي سؤالين:
1-هل العربية بتقطع علي السرعات البطيئة أو بتطفي وهي دايرة علي السلانسية؟
2-هل السرعة 135 بتكون دايس دواسة البنزين علي الآخر؟

1- العربية مش بتطفي ولا علي السرعة البطيئة ولا علي السلانسية

2- لا الدواسة مش بتبقي علي الاخر قوي ... بيبقي لسة فيها دوسة كمان مثلا بس هي قربت علي الاخر خلاص ( بس ممكن افهم مغذي السؤال ؟؟ بعد اذنك عشان افهم )

شكرا لردك

جلد الأبواب مش موجود غير في بورسعيد بحوالي 300-400 جنيه وناوي انزل مشوار عشان الجلد بيسرب هوا التكييف

هو السعر ده كده سعر الجلد الاصلي ؟؟؟ و هل ده الجديد ولا ده مستعمل ؟؟

ياريت لما تغيرة تقولي عملت ايه الله يكرمك

انا عندي نفس المشكله لما تكون العربية باردة بس رحت غيرت بوجيهات وفلتر هوا الموضوع راح خالص

انا هاغير فلتر بنزين لان صاحب العربية اللي اشتريتها منه كان بيحطلها بنزين 80 و انا لسة ماغيرتش الفلتر و بالمرة هاغير فلتر هواء و هانظف كربراتير بس كنت بسأل لايكون في حاجة تانية لازم تتعمل غير دول

شكرا لردك يا باشا

نفس السرعات عندي تقريبا وبرده ما بعديش ال 140 عشان بحس صوت الموتور بيعلى خاصة مع التكييف

من كام يوم جبت بيها 140 بردو بس صوت الموتور كان عالي و الـ ار بي ام كان علي 4500 بردو معدهاش .. كده ايه النظام ؟؟

شكرا

المشاركة الأصلية كتبت بواسطة galilio_mad

1 - السرعات دى مش وحشة و لو قرصت شوية حتلافى استجابة و سرعات اعلى , ممكن شوية صيانة يظبطوا الدنيا شوية
يعنى فلاتر , بوجيهات , زيت كويس , تنظيف كربراتير ما يضرش

2 - عادى عشان لسه بارده و لما بتسخن شوية بتروح

3 - مش عارف , بس ممكن تكون صلايب الاكس و ممكن حاجة مش مربوطة كويس انت تروح تربط عفشه و داير فتيس و تبص على حالة القواعد و خصوصا الل ورا و بعديها نشوف

4 - تقريبا ده صوت سير , ممكن تفتح الكبوت و تدور و تزود بنزين من قدام و تسمع الصوت جى من انهى سير او ميكانيكى يبصلك عليها

5 - انا نا سألتش عليه قبل كده بس سمعت انه غالى بس كام محدش عارف , لو لاقيته بالمتر و خامته كويسه و طرى شغال
لو عند محل قطع غيار و سعره معقول شغال , و خد بالك انه كاوتش غريب و البياعين معندهمش غير حيشتغل يا بيه :)
يعنى لو مش شكله او قريب جدا منه يبقى بلاش احسن


و كل سنه و حضرتك طيب

1- الزيت انا لسة مغيرة مكملتش 1500 كيلو ... جبت شل هيلكس الاصفر الـ 5000 كيلو ، اما الفلاتر فا هاغيرها فعلا و هانضف كربراتير لكن هاستني شوية علي البوجيهات

3- ايه صلايب الاكس دي ؟؟ عامتا انا روحت ربط العفشة عند نفس الراجل بعد ما خلصها تلات مرات .. اه علي فكرة صوت الطقة ده جاي من قدام عند العجل

4- انا بسمع صوت الصفارة ده من عند العجل يا ريس .. تقريبا الطنبورة

5- بلاش احسن ... هاسأل علية في بورسعيد و بردو هاستني mtageldeen يشوف ايه نظامة هناك زي ما بيقول


كل سنة و انت طيب يا جاليليو و شكرا لردك النافع دايما

انت ما جبتش سيرة الصوت جى منين فانا استنتجت انه صوت سير , عامة لو من العجل عادى طالما بيروح , ممكن خامة التيل مش قد كده و لمل جت عليه ميه ابتدى يصفر , ممكن تنضفه مع اول زيارة للميكانيكى , و ممكن شوية و ساخة نزلوا على التيل و الطنبورة مع الغسيل
و برضوا صنفرة التيل و الطنابير على خفيف حيحلوا المشكلة ان شاء الله

صلايب الاكس = صلايب الكردان = الكوبلن الداخلى

بتبقى فى اخر الاكس اللى داخل الفتيس و لما بتنعم او تتاكل شوية بتعمل طقة مع بدء الحركة