الموضوع: النت من شركات الاتصال

شكرا جزيلا

المشاركة الأصلية كتبت بواسطة smsmxxxxxx

الاخ احمد كمال جبلك الاسعار بالظبط

احب اضيف ان برنامج المودم بيحسب الاستهلاك اليومي والشهرى والسنوى للداونلود والابلود
وخلي بالك ال 6 جيجا دول الداونلود + الابلود

الكلام خطأ لأن الحساب بيكون على الداونلود فقط وليس الداونلود والأبلود معا

المشاركة الأصلية كتبت بواسطة أحمد كمال

بس البرنامج لو نقلت المودم من جهاز لجهاز مش هيحسب صح لسبب بسيط ان العداد و القيم متخزنة في الكمبيوتر مش في المودم

انما لو بعتت رسالة ل 555 مجانا من المودم هتعرف العداد عد عليك كام في الشركة

الكلام ده مظبوط تماما ... وحتى لو كانوا على نفس الجهاز في أنواع بسيطة من الباندوتث البرنامج مابيحسبهاش يعني برده بيكون مش مظبوط على نفس الجهاز لأن البرنامج غير دقيق بنسبة 100%

بالنسبة للموضوع أنا عندي مودم إتصالات بقالي دلوقتي حوالى 4 شهور تقريبا ..

والسبب إني جبته لأن ماعنديش خط تلفون أرضي في البيت نظرا لظروف النقل لسكن جديد في التجمع الخامس مافيهوش شبكه أرضية لسة .. فكان الحل الوحيد هية شركات المحمول ... لكن بالنسبة للخط الأرضي هو أرخص بكتير بصراحة عن المودم

ولما لفيت على التلات شركات

لاقيت موبينيل أصلا ماعندهاش باقة غير محددة التحميل نظامها الوحيد هوة اللى ماشي بكروت الشحن يعني تشحن تخش على النت .. الميجا بـ 35 قرش ... وطبعا كده غالي جدا لأن كده الجيجا بـ 350 جنيه

فودافون .. كان عندها نظام غير محدد الداونلود لكنه كان أغلى من إتصالات بـكتير كان النظام العادي بـ 200 جنيه شهريا بسرعة 384 كيلوبت / الثانية ... بالإضافة لأن السرعة بتنزل في فودافون بعد 3 جيجا تحميل لـ 64 كيلوبت / الثانية

أما إتصالات فكانت هية العرض الأفضل بين الثلاث شركات بالنسبة لى ... كان الإشتراك الشهري بـ 149 جنيه بسرعة 384 كيلوبت /الثانية غير محدد الداونلود والسرعة تنزل لـ 64 كيلوبت / الثانية بعد 6 جيجا في الشهر وترجع لسرعتها الأولى تاني يوم 1 في الشهر الجديد

ودايما دلوقتي بدخل النت من عليه وبخلص الـ 6 جيجا كلهم في أول أسبوع كمان وأقعد باقيت الشهر بالسرعة التانية لكن هية كويسة في التصفح مش وحشة قوي

أحب أضيف حاجة كمان إن إتصالات دلوقتي عاملة إنترنت أرضي وخدمته كويسة جدا على ما أسمع ... وأتوقع كمان ... من شركة كبيرة زي إتصالات خصوصا إن إتصالات هية الشركة الوحيدة اللى في مصر بخلاف المصرية للإتصالات اللى بتمتلك بوابة دولية وخطوط ربط دولية خاصة بها ... مش زي باقية الشركات اللى بتاخد من المصرية للإتصالات أو تي إي داتا

ملحوظة صغيرة بس

- سرعة 384 كيلوبت / الثانية ... بتعمل معاك داونلود بسرعة فعلية تقريبا من 35 الى 45 كيلوبت / الثانية ولو الشبكة كويسة وانا مكان رايق ماعلهوش ضغط جامد بتوصل لـ 70-90 كيلو ... لكن لو الشبكة وحشة يعني مش جايبة إشارة الجيل التالت بيكون التحميل تقريبا بسرعة من 8-10 كيلو فعليا وساعات اقل

- سرعة 64 كيلوبت / الثانية ... بتعمل داونلود بسرعة فعلية تقريبا من 8 الى 10 كيلوبت ... يعني زي الدايل أب بتاع البيت بالضبط ولكنه من غير تقطيع بقى والكلام ده فبيكون التصفح كويس مش وحش ... تحميل الحاجات الكبيرة هوة اللى بيكون مش كويس ولازم لو هاتحمل حاجة كبيرة بالسرعة دي يكون عنك برنامج تحميل أو تورنت ويكون عندك إستعداد تسيب الجهاز شغال بصورة مستمرة لغاية التحميل مايخلص ... ويكون عندك صبر ... وطبعا في الآخر تكون أصلا بتحمل حاجات كبيرة

شيء أخير .. أنا عندي فودافون وإتصالات فقط في المنطقة اللى أنا ساكن فيها زي الفل الأثنين دول فقط لاقطين الجيل التالت عشان كده كنت بقارن بين فودافون وإتصالات فقط وخرجت موبينيل من حساباتي حتى لو كانت سعرها كويس أصلا

المشاركة الأصلية كتبت بواسطة أحمد كمال

الداونلود و الأبلود الاتنين بيدخلوا في حساب ال 6 جيجا و انا احد المسؤولين عن ال billing system في اتصالات و أؤكد لك ان المعلومة صح :)

و الكلام ده بالنسبة لل usb modem

طب سؤال هنا بقى : أنا سمعت ان التصفح بيدخل فى حساب الاستهلاك ( مع الداونلود ) الكلام ده صح ولا غلط ؟؟؟؟

غريبة جدا لأن الكلام ده أكدهولى أكتر من موظف لخدمة العملاء والدعم الفني كمان

إن الحساب بيكون على الداونلود فقط وليس الأبلود .. لأني سألت فيها أكتر من واحد في خدمة العملاء في إتصالات