الموضوع: ساعدونى ارجوكم وليكو الثواب فى الشهر الكريم

ممكن تراجع الرابط ده واتمنى انه يفيدك إن شاء الله

المشاركة الأصلية كتبت بواسطة el_maghraby

السلام عليكم ورحمة الله وبركاته
اخباركم ايه يا اجمل منتدى فى الدنيا يارب تكونوا بخير وكل رمضان وانتو طيبين
لو لسمحت انا كان ليا سؤال صغير وياريت لو تفيدونى انا خلا ص باذن الله هشترى نيو اكسنت
وكنت عاوز اعرف ايه مميزات العربيه وايه عيوبها وازاى ممكن اعالجها وايه اللى هستلمه مع العربيه ان شاء الله من اوراق واكسسوارات اضافيه خاصه بها وايه هى طريقة التليين الخاصه بالعربيه وايه الحاجات اللى ابص عليها فى العربيه بمجرد الاستلام ومدة استلام العربيه كام يوم
سورى طولت عليكو بس ده عشان انا عارف انكم اكتر ناس هتفيدونى وتباركولى ان شاء الله
شكراً

باختصار

• شنطة عدة فيها الاتي:

1. مفتاح عجل.
2. مفتاح 10/11 بلدي.
3. مفك واحد بيتقلب عادة و صليبة.
4. واصلة كوريك(اللي بتتركب مع مفتاح العجل علشان تستخدم مع الكوريك لرفع السيارة)

• و شنطة كوريك محتواياتها كالاتي:

1. كوريك.
2. قاطرة السيارة. (هي عبارة عن عروة حديد تستخدم في سحب السيارة لاقدر الله).

• ولاعة السجاير.
• طفاية السجاير (عاملة شبه الكوب بالظبط).

وتقوم بمراجعة الاتي:

• الCover البلاستيك اللي على قشاط الكهرباء (الموجب) للبطارية.
• كاوتشات الحماية اللي هي Cover للبطاحات علشان مايخشش في بلية البطاحات تراب.
• مستوى مياه الرادياتير.
• مستوى زيت المحرك.

ملاحظة:
العربية لو عداد السرعة فيها مش شغال أول ما تاخدها يستحسن ما تاخدهاش علشان كدة العربية دي مشيت كتير والله أعلم فين وليه؟؟؟