عيوب لانسر بومة 1300 مانوال ؟؟؟؟؟؟؟

**abohalmos** · 27-09-2009 02:23 PM

المشاركة الأصلية كتبت بواسطة ashouhdy

شوف حضرتك
والله رأى محايد
اللانسر على عينى و راسى كمان بس ال 1600
سعادتك انا مش حستفيد حاجة لو جبت دى او دى صح
شوف حضرتك
فى الحوادث اى حادث اى عربية حضيع متفكرش كدة المرسيدس و البى ام بيتعجنوا
الحادث البسيط مهما تخيلت حيكلف
دة الفيرنا السيارة الشعبية اقل حادثة بتكلف الااااف فمتفكرش فى النقطة دى بالذات و سيبها ع الله

سعادتك العربيتين دول بالذات كل يوم بركبهم

الانسر 1300 :
مميزات:

كفاءة تشغيل عالية
بتستحمل
استهلاك بنزين قليل
صيانتها سهلة و قطع الغيار متوفرة
ثابتة ع الطريق لحد 130 بعد كدة مفيييش وزنها 1130 تقريبا
عيوب ال 1300 :

موتور مصمم للاستخدام البسيييييط و حط تحت بسيييط كذا خط
بمنعنى احنا 3 بنركب فيها اوزانا متوسطة من 80 ل 90 كيلو بصراحة العربية بسوقها (من غير تكييف) بتكحكح
يعنى سوق عادى هادى متحولش تقرص لان مش حتلاقى استجابة بمعنى الموتور صوتة يرتفع و مفيش اداء

شغل بقى التكييف نصييحة خلييك ع اليمين ! و مشكلة المشاكل و محدش يقولى انى غلطان فى النقطة دى بالذات تكييفها مش قد كدة نهائى ضعيف بجد مش عارف ليية مع انها علابية يابانى !

حاجة تانية بتحك فى اى مطب !

الياريس:

بصراحة بنقعد فى الياريس بنحس بمستوى تانى من جودة الخامات و تصميم العربية يخلى الاضاءة جوة رائعة و الاهم
تحس ان العربية دى موديل 2012 2013 تصميم حديث او جيل جديد من السيارات
عالية عمرها محكت فى مطب و تبقى قاعد شايف سقف اللى جنبك !
موتور غرييييييييييييييييييييييي ييييييييييييييييييب ماشاء الله دوس براحتك مع التكييف صمت تام و اداء رائع على سعتة اللترية
بنزين مفيش
من الاسكندرية للقاهرة سرعة 140 بالتكييف البنزين نزل شرطة واحدة (الياريس البنزين شرطات كدة ديجيتال 7 او 6 تقريبا)
التكييف روعة ! تلاجة ! تلااااجة ماشاء الله

عيوب من وجهه نظرى

ثبات مش تمام عشان عالية تغلبنا علية بجنوط و مقاس كاوتش اعرض درجتين
فعلا الكبوت ضيق خساير الخبطات حتأثر على حاجات كتير اكتر من الانسر بس اجى و اقولك اذا حتدفع فى تصليحة الانسر 5 الاف مثلا الياريس 7 مش فارقة كلها فلوس راحت
قطع الغيار و الصيانة متوفرة فى كل حتة بس انا فى اسكندرية

لو حضرتك مش فارق معاك موضوع قوة الموتور بمعنى سواقتك هادية و بسيطة و حكة المطبات بمعنى اسرة صغيرة و التكييف يعنى لو فى الياريس حتشغلة على 2 فى الانسر ع 4 يبقى خليك فى الانسر
يعنى ممكن تتغلب ع لاعيوب دى بقرب الصيانة والتوكيل
قصدى تضحى بحاجة قصاد حاجة

فى الاخر الاتنين عربيتتن اثبتوا كفاءة عالية و ممكن العيوب اللى فى وجهة نظرى متكونش عيوب عند حد تانى بس لو انا اجيب الياريس

أخر حاجة اركب الاتنين و لف لفتين حلوين بالتكييف فى يوم حر و قرر
:)))))

والله يا اخ شهدى كلامك حضرتك برضه معقول بس مش عارف ليه حاسس انك بتبالغ فى موضوع التكييف و خد الجنب اليمين و الكلام ده على لانسر 1300 .
وانا كمان حيرتى زادت اليومين دول اكتر لسببين انه مفيش بومة تانى بعد 2010 و اعتقد ده هيؤثر على العربية و اعادة بيعها و قطع غيارها ............ بس بجد البومة منتشرة انتشار رهيب جدا جدا

السبب التانى انه الياريس من 2010 هاتبقى تقفيل تايلاندى مش يابانى ..... و ده حاجة تضايق اوى و انا عن نفسى مش بثق فى العربية اللى بتتقفل بره بلدها ......

و الواحد الصراحة حيرته زادت ...... ايه رأيكوا يا جماعة

انا على فكرة كونت فى العين السخنة فى العيد و كانت معايا كورولا 2007بتاعة واحدة قريبتى حوالى 4 ايام بصراحة ادائها كان رائع و التكييف بيسقع فى الحال ........ و كانت 1300 مانوال و كونت طاحنها و راكبين فيها 5 غير طفلين و الشنط كتييييييييييير بصراحة العربية كانت ممتازة فى الاداء بتاعها و كونت مبسوط منها اوى و حاولت مع صاحبتها انها تبيعهالى و تصبر عليا شوية فى باقى تمنها ........انما مرضيتش خالص للاسف

ايه رأيكوا يا اخوانا ؟؟؟؟؟؟؟؟؟؟؟؟

**esloob** · 20-09-2009 03:57 AM

طيب بعد المشاركات الجميلة جداً دى..
لو قلنا انهى أفضل بالذات لو شخص بيسافر كتير لانسر 1300 مانيوال ولا اوبترا1600 مانيوال؟

**Ahmed_Gadalah** · 21-09-2009 02:33 AM

طب بالنسبة لأسعار قطع الغيار و أسعار الصيانة بالنسبة للياريس و اللا نسر ظروفهم ايه؟

**mohamedzian** · 22-09-2009 04:01 AM

نصيحه صغيره من اخوك لو تعرف تزود حبه صغيرين وتجيب لانسر 1600 تبقى عملت الصح وجبت من الاخر عربيه تمام.

**Dr Ahmed** · 27-09-2009 03:01 PM

وانا كمان حيرتى زادت اليومين دول اكتر لسببين انه مفيش بومة تانى بعد 2010 و اعتقد ده هيؤثر على العربية و اعادة بيعها و قطع غيارها ............ بس بجد البومة منتشرة انتشار رهيب جدا جدا

هو حضرتك ناوى تبيع إمتى؟
افرض انها هتقعد ل 2015 ... حضرتك ناوى تغير قبل كده؟

وبعدين لو تغيير الشكل بيأثر على إعادة البيع كان أولى يأثر على الكريستالة اللى سوقها ممتاز والبومة سوقها هيكون أحسن بإذن الله.

**medo99_pc** · 27-09-2009 03:42 PM

انا كمان فى نفس الحيره بس قررت اجيب ال 1600 عشان اما تبص لقدام شويه العربية ال 1300 كويسه وكل حاجة بس مع التحميل والإستهلاك اكيد مش هتستحمل زى ال 1600 وهييجى وقت عليها وهتحس انك محتاج موتور اقوى شويه مع التكييف والتحمييل والسفر

وفى الآخر العربية مش وحشة ابدا كفاية انها يابانى 100%