عيوب لانسر بومة 1300 مانوال ؟؟؟؟؟؟؟

**salehgharib** · 13-09-2009 10:26 AM

المشاركة الأصلية كتبت بواسطة محمد ابراهيم 1

يا باشا تحت أمرك
المفاجأة إن عربيتى ياريس
اللانسر تعتبر أرخص لأنها بتتباع كاملة مانيوال ب 93
لكن الياريس الكاملة المانيوال منها بتتباع ب 94 على الرغم من أنها فئة أصغر سنه من اللانسر
لو الزمن رجع حجيب لانسر مع كل التقدير للياريس وللكفاءة العالية بتاعتها وتفوقها عن اللانسر فى كافة نواحى الأداء ما عدا الثبات
لأن اللانسر أوسع وأعرض والعرض ده مهم على فكرة وده مش معناه إن الياريس وحشة لكن كنظرة شاملة اللانسر صفقة أفضل

أنا من رائى إن المقارنة الحقيقية لليارس هى الأكسنت
لكن المفاجأه من وجه نظرى إن الأكسنت أقوى من الأكسنت طبعا عشان 1600
من الداخل تتفوق الأكسنت فى التقفيل الداخلى
أما عن الشكل الخارجى اليارس تتفوق
فرق السعر 16 الف انا أولى بيهم ومش لاقى بيهم أى فرق يذكر

**محمد ابراهيم 1** · 13-09-2009 01:51 PM

المشاركة الأصلية كتبت بواسطة salehgharib

أنا من رائى إن المقارنة الحقيقية لليارس هى الأكسنت
لكن المفاجأه من وجه نظرى إن الأكسنت أقوى من الأكسنت طبعا عشان 1600
من الداخل تتفوق الأكسنت فى التقفيل الداخلى
أما عن الشكل الخارجى اليارس تتفوق
فرق السعر 16 الف انا أولى بيهم ومش لاقى بيهم أى فرق يذكر

لأ مش قوى كده

مع كل احترامى للأكسنت لكن فيه فرق كبير فى جودة الصناعة والعمر الإفتراضى بين الإتنين
وبالنسبة للشكل هى مسألة أذواق
وبالنسبة للصالون الياريس أوسع بمراحل
وبالنسبة للتقفيل الداخلى الياريس ممتازة جدا والخامات المستخدمة عالية وغالية

**abohalmos** · 13-09-2009 01:57 PM

المشاركة الأصلية كتبت بواسطة محمد ابراهيم 1

جنط الياريس ال 15 مش مخلى ثباتها أحسن من اللانسر وده لأن الثبات مش بس بمقاس الكاوتش وثبات الياريس مش سىء لكن ثبات اللانسر أفضل
بالنسبة للعرض أنا معاك إن عرض الياريس 169 سم لكن لما تركب العربيتين تحس إن اللانسر أعرض وكذلك الشكل الخارجى
مش عاجبنى فى الياريس إن العدادات بتاعتها فى النص وإن الكبوت بتاعها صغير جدا 50 سم بالظبط وإن الصالون بتاعها أصغر من صالون اللانسر وإن سعر إعادة البيع بتاعها أقل من اللانسر والكاسيت الأصلى بتاعها عقيم

صباح الفل يا محمد باشا

و الله يا باشا انت عربيتك زى الفل و انت احسن و الله

بس انت مش معايا انه موضوع الوسع ده و الصالون احساس مش اكتر و انا على العكس ركبت الاتنين و بحس انه الياريس اوسع و صالونها اكبر و كراسيها مريحة اووووووووووووووى ..... بس اعتقد انه ثباتها اقل شوبة ......وانا مرة سافرت بيها مع واحد صاحبى مسافة حوالى 200 كم و كنا 4 و العربية كانت حلوة جدا بس كانت بتنزل فى المطبات بس كمان دى مكانتش مطبات دى جبال صغيرة بعرض الشارع .......لدرجة انى كونت راكب ورا و معايا واحد الراجل نزلنا من العربية لغاية ما الراجل عدا المطب و ركبنا تانى ......و كان تكييفها حلو برضه ....
و الله انا رأيى انه جزء كبير من الموضوع ده اراء شخصية ....... اقصد طبعا الوسع و العرض و الصالون و التقفيل و كده.....

معرفشى قصد حضرتك ايه ان الكاسيت عقيم ......طب ما لانسر بتيجى الخليجى بكاسيت كينوود شرايط برضه و لا ايه ؟؟؟؟؟؟

طبعا انا متفق معاك انه سعر اعادة البيع لصالح لانسر طبعا ......و ان الكابوت بتاع ياريس صغير اوى انا بحسه فيه كتير من السيريون و هيا تبع تويوتا برضه ....... و فعلا حاجة تخوف اوى فى الحوادث .....ربنا يسترها معانا دنيا و آخرة ان شاء الله .

**abohalmos** · 13-09-2009 02:08 PM

المشاركة الأصلية كتبت بواسطة salehgharib

أنا من رائى إن المقارنة الحقيقية لليارس هى الأكسنت
لكن المفاجأه من وجه نظرى إن الأكسنت أقوى من الأكسنت طبعا عشان 1600
من الداخل تتفوق الأكسنت فى التقفيل الداخلى
أما عن الشكل الخارجى اليارس تتفوق
فرق السعر 16 الف انا أولى بيهم ومش لاقى بيهم أى فرق يذكر

متشكرين لمشاركة حضرتك فى الموضوع

بس مش معقول انه لاكسينت اقوى و احسن و افضل من الياريس

حتى كمان التقفيل الداخلى ..........دى غريبة اوى ....... معلش انا هاقول حضرتك انا ركبت اكسينت كتير و سوقتها

كمان ...... حسيت انها من جوة زى العربيات اللعبة اللى كنا بنلعب بيها و احنا صغيرين ....... يا راجل بص على المسند اللى جنب السواق ..... ده عبارة عن بقسماطة و حطينها بالعرض ...... و التابلوه فى نظرى سئ و بلاستيك و مفهوش تشطيب حلو زى الياريس نهائى

يا راجل امسك الباب هنا و هنا ....... يا راجل بص على الكراسى و التشطيب بتاعها

يا راجل كفاية 2 ايرباج اللى غبور باشا مش مقتنع بيهم و مش راضى يحطهم فى عربية اقل من 100 الف جنيه

يا راجل ده انا واحد معرفة معاه اكسينت بعد سنة وهوا بياخد ملف بسرعته ........ الاكصدام وقع على الارض و حاليا عاوز يبيعها و بيدلل عليها و محدش راضى .........

يا ريت حضرتك بس تبص بصة تانية فى الكلام اللى بتقوله

الاكسينت عربية كويسة فى حدود سعرها ده بس ....لكن مش اكتر من كده خاااااااالص

**salehgharib** · 13-09-2009 02:23 PM

اولا فى الخارج الأكسنت بتتقارن بره باليارس على الرغم من حاجة لازم تأخد بالك منها إن اليارس بره 1500 سىسى لكن الى بتنزل هنا 1300 سىسى
ماتور الأكسنت 1600 أقوى طبعا من اليارس

وايه حكايه واحد بياخد ملف الإكسدام وقع وده من ايه

**littlepharoe** · 13-09-2009 02:34 PM

على فكره أنا متابع التقاش المفيد جدا و خاصة انى ان شاء الله ناوى على لانسر 1300 مانيوال مع نزول الموديلات الجديده
و من فضل الأخوه اللى عندهم العربيه دى :-
1-ماهى وسائل الأمان ضد السرقه الموجوده بالعربيه.
2-معدل استهلاك البنزين.
3-هل قوة الموتور كافيه مع ركوب 4 أفراد و تشغيل التكييف.
و شكرا مقدما على الردود!!!!!!!!!!!!!!!!!!!!!

**salehgharib** · 13-09-2009 03:18 PM

**abohalmos** · 14-09-2009 01:12 AM

المشاركة الأصلية كتبت بواسطة salehgharib

الصورة حلوة بس يا خسارة اللى واخد توكيل هيونداى هنا عم غبوووووووووور المغرور

الاكسينت اللى واخدة جوايز برة دى و اللى بتتقارن بيها الياريس

للاسف غير الاكسينت اللى انت بتشوفها هنا خالص .....احنا هنا عندنا الشكل بس ....... انما اللى برة دى لو سوقتها او حتى ركبتها غير اللى هنا خاااااااااالص ........ التانية تلاقيها فيها 6 ايرباج و abd & ebd & ba و شغل و و جنوط اسبور و فتحة سقف ....... و حركات من دى انما عمو غبور هنا مفهم الناس انه الابواب و الازاز دول كماليات لو عاوزهم فى العربية يبقى تدفع تانى .......فهمت قصدى

اما الاكصدام اللى وقع فدى حصلت بجد ..... و العربية موديل 2008 و صاحبها هايموت و يبيعها و مش لاقى حد يخش يكمل اقسطاها مكانه

اما بقى بالنسبة لقوة الماتور ......فانا ياسيدى مش داخل رالى الفراعنة اليومين دول خاااااالص ..و لو حد عاوز يسبقنى يتفضل ........و كمان المهم مش قوة الماتور المهم اللى يعرف يوجفها ........و معظم عربيات غبور الفرامل اللى فيها مابتعرفشى توجفها .........مابتعرفشى توجفها ......مابتعرفشى توجفها ........ده غير بقى عوامل الامان اللى لسه منزلتشى نهائى فى الاكسينت و مش هاتنزل .......يعنى ايه السواق العربية تتبهدل و هوا يطلع سليم ........ايه القرف ده ........مايموت مع عربيته خلينا نخلص و البلد تخف شوية ........ده عمو غبووووووور اللى بيقول ....

و اخيرا حضرتك الموضوع ده مفتوح عشان لانسر 1300 مانوال و الحيرة بينها و بين الياريس .......يعنى احنا بنتكلم فى يابانى فى قلب بعضينا .......و محدش جاب سيرة اكسينت خاااااااااالص غير حضرتك

اسف على الاطالة

و اسف لو كان كلامى ضايقك بس و الله مقولت غير الحقيقة و شكرا لمرور حضرتك الكريم

**محمد ابراهيم 1** · 14-09-2009 02:47 AM

المشاركة الأصلية كتبت بواسطة abohalmos

الصورة حلوة بس يا خسارة اللى واخد توكيل هيونداى هنا عم غبوووووووووور المغرور

الاكسينت اللى واخدة جوايز برة دى و اللى بتتقارن بيها الياريس

للاسف غير الاكسينت اللى انت بتشوفها هنا خالص .....احنا هنا عندنا الشكل بس ....... انما اللى برة دى لو سوقتها او حتى ركبتها غير اللى هنا خاااااااااالص ........ التانية تلاقيها فيها 6 ايرباج و abd & ebd & ba و شغل و و جنوط اسبور و فتحة سقف ....... و حركات من دى انما عمو غبور هنا مفهم الناس انه الابواب و الازاز دول كماليات لو عاوزهم فى العربية يبقى تدفع تانى .......فهمت قصدى

اما الاكصدام اللى وقع فدى حصلت بجد ..... و العربية موديل 2008 و صاحبها هايموت و يبيعها و مش لاقى حد يخش يكمل اقسطاها مكانه

اما بقى بالنسبة لقوة الماتور ......فانا ياسيدى مش داخل رالى الفراعنة اليومين دول خاااااالص ..و لو حد عاوز يسبقنى يتفضل ........و كمان المهم مش قوة الماتور المهم اللى يعرف يوجفها ........و معظم عربيات غبور الفرامل اللى فيها مابتعرفشى توجفها .........مابتعرفشى توجفها ......مابتعرفشى توجفها ........ده غير بقى عوامل الامان اللى لسه منزلتشى نهائى فى الاكسينت و مش هاتنزل .......يعنى ايه السواق العربية تتبهدل و هوا يطلع سليم ........ايه القرف ده ........مايموت مع عربيته خلينا نخلص و البلد تخف شوية ........ده عمو غبووووووور اللى بيقول ....

و اخيرا حضرتك الموضوع ده مفتوح عشان لانسر 1300 مانوال و الحيرة بينها و بين الياريس .......يعنى احنا بنتكلم فى يابانى فى قلب بعضينا .......و محدش جاب سيرة اكسينت خاااااااااالص غير حضرتك

اسف على الاطالة

و اسف لو كان كلامى ضايقك بس و الله مقولت غير الحقيقة و شكرا لمرور حضرتك الكريم

أنا مش قادر أبطل ضحك على المشاركة دى بس بجد إنت جبت من الآخر

وعموما أنا أنصحك باللانسر كخلاصة تجربتى ولأن أخويا عنده لانسر فالمقارنة واضحة جدا بينهم قدامى

**abohalmos** · 14-09-2009 03:49 AM

المشاركة الأصلية كتبت بواسطة محمد ابراهيم 1

أنا مش قادر أبطل ضحك على المشاركة دى بس بجد إنت جبت من الآخر

وعموما أنا أنصحك باللانسر كخلاصة تجربتى ولأن أخويا عنده لانسر فالمقارنة واضحة جدا بينهم قدامى

متشكر يا محمد باشا على تشريفك للموضوع

و انا بجد سعيد انى قدرت اضحكك ........

ربنا يسعدك دنيا و اخرة ان شاء الله

وانا عاوز اقولك انى ان شاء الله خلاص رسيت على لانسر بس بالله خليك متشكرشى فى الياريس
لحسن اضعف تانى ....و ابتديت ادور على المكان اللى هلشترى منه قسط .....انا ناوى ادفع النص و الباقى ان شاء الله على 3 سنين ....دعواتك يا محمد باشا