الموضوع: عيوب لانسر بومة 1300 مانوال ؟؟؟؟؟؟؟

المشاركة الأصلية كتبت بواسطة Dr.Sherif Mansy

دايما فى الخليجى الكويتى أو السعودى بيكونوا اعلى مواصفات ، علشان كده الناس بتفضلهم

و خد بالك يا دكتور من حاجة مهمة ، ان عادة مافيش مواصفات واحدة ، يعنى ممكن تلاقى عربيتين خليجى من نفس الفئة و الموديل و مواصفاتهم مختلفة ، فلازم تدور شوية علشان تاخد احسن حاجة ان شاء الله

نادرا ما تلاقى خليجى اسود لأن اللون ده بيمتص الحرارة و بالتالى مش محبب فى الأجواء الحارة ، الألوان الفاتحة اللى بتعكس الشمس هى المفضلة

طبعا ما دام المدام نقت اللون الأسود فده حقها (لما جيت اشترى العربية قلت لهم انا انقى النوع و الموديل و انتوا (المدام و البنات) تنقوا اللون) و لكن لازم تعرف المدام حاجة مهمة : اكتر لون بيلم تراب و بيبان فيه هو الأسود و لو هاتسافر بالعربية يبقى لازم تتنظف مرتين يوميا !!!

بالنسبة للون الداخلى فانا شفت قبل كده اسود و فرشها بيج و التابلوه ابانوس

بالنسبة ازاى تعرف اذا كانت 1600 ولا 1300 ففى التوكيل كانوا قالوا لى ان 1300 بتبقى دايما gl و لكن 1600 بتكون glx و لكن مش عارف اذا كان ده فعلا و لا ؟؟

بالنسبة للكنبة الخلفية فدى ممكن تتغير لأن المقاس واحد فى المصرى و الخليجى ، اما المخادع فمش عارف شكلها فى 1300 ايه فماقدرش افتى و لكن تغيير ضهر الكرسى كله وارد (فقط تغيير الكنبة و الكرسى لو الموضوع ده يفرق معاك جدا لأن انا بصراحة شايف ان دى تبقى فلوس فى الأرض و بدون داعى)

على فكرة ، كان معايا الأول بطة 92 1300 مانيوال و كنت باسافر بيها بالعائلة من غير مشاكل ، احيانا لما كنت باسحب بيها على طريق السفر كنت احس ان المكيف ضعف شوية و لما ارجع السرعة 100 تانى يبقى كويس ، و اعتقد ان مواتير 1300 دلوقت اقوى من مواتير 1300 سنة 1992

و ربنا يوفقك

ازيك يا دكتور شريف ؟؟؟؟؟؟

عامل ايه يا باشا ؟؟؟؟؟ و اخبار العيانين ايه ؟؟؟؟؟؟ برضه كونت مختفى اليومين اللى فاتوا و انت و الدكتور احمد

عشان المنتدى بيبقى منور بيكوا يا دكاترة

و الله يا باشا انا هاعمل بنصيحتك..... بالنسبة لموضوع المواصفات و اللون .... هأحاول اغير رأى المدام ( على فكرة انا عندى بنت سنة و 10 شهور و ولد شهرين ) يعنى لسه ملهمشى رأى ......ههههههههه

انا عن نفسى بحب الكحلى و الفضى جدا و بحسهم شيك جدا على لانسر

بالنسبة لموضوع السفر .... انا كل مشاويرى قريبة و الحمد لله ...... و السفر عندى يعنى الغردقة (200كم ) و الاقصر (60 كم ) كل كام شهر و القاهرة من قنا (600كم ) يمكن مرة او اتنين فى السنة ان شاء الله


بس مهم عندى يكون التكييف بيسقع حلو و مش مهم السحب عندى خالص ...... انا سواقتى هادية و بحب اشغل اغانى و سماعات حلوة و اقفل الازاز و اعيش مع نفسى .... و بستمتع بالسواقة يمكن عشان شوارعنا مش زحمة زى القاهرة و متسفلته حلو ما شاء الله ........ فانا شاء العربية تبقى شغالة كويس معايا مش كده ؟؟؟؟؟؟؟؟

على فكرة لانسر هنا منتشرة جدا جدا جدا يعنى كل عشرة عربيات فيهم 6 لانسر بجميع انواعها جديد و قديم ....... و لما سألت لاقيت فى ناس بيشتغلوا فيها كويس ...... و كمان مركز صيانة معتمد فى الغردقة .... يعنى الامور كويسة

انا بدأت ادور بجد على حد اجيب منه قسط مباشر و فى نفس الوقت ....... لابد فى الدرة و القصب كمان ( على اساس انى صعيدى ) و برضه باكبر المقدم ان شاء الله ...... و بفكر استنى لغاية اخر السنة يمكن تكون الاسعار احسن ........ و لا ايه رأيكوا يا دكاترة ؟؟؟؟؟؟؟؟؟؟؟

يعنى استنى و لا اشترى ؟؟؟؟؟؟

و بعدين هوا سعر الخليجى دلوقتى كام ......انا اعرف انه المصرى 93 الف لحلوح ؟؟؟؟؟؟؟؟

و بعدين هل بجد لانسر بومة اخرها 2010 و بعدين مش هاتنزل ....... معقولة ؟؟؟؟؟ و ياترى ايه تأثير ده على مبيعات العربية يعنى هايخليها تزيد و السعر يعلى و لا تقل المبيعات و السعر هايقل ؟؟؟؟؟؟؟؟؟

شكرا يا جماعة ليكم واحد واحد ......... و ما اقدرشى انسى استاذ محمد ابراهيم باشا

المشاركة الأصلية كتبت بواسطة dr ahmed abdelghany

الجنط العلوى لسيارات 1600 مقاس 15
الأسفل ل 1300 مقاس 14
الاتنين فى مصر دايما نفس الشكل سواء مصرى أو خليجى

ازيك يا دكتور احمد ؟؟؟؟؟

ايه الغيبة دى ؟؟؟؟؟؟ بقالى كذا يوم مشوفتش منك اى مشاركة الايام اللى فاتت دى

اكيد كونت مشغول ........ ربنا يساعدك يا باشا

ميرسى يا باشا على التوضيح ...... انت اوجزت فانجزت

ميرسى لحضرتك و انت منورنا

المشاركة الأصلية كتبت بواسطة dr ahmed abdelghany

الجنط العلوى لسيارات 1600 مقاس 15
الأسفل ل 1300 مقاس 14
الاتنين فى مصر دايما نفس الشكل سواء مصرى أو خليجى

هوا ممكن نركب جنط 15 لل1300 أو 16
وايه الوضع بالنسبة لل1600
ياريت لو عند حضرتك فكره تقولي

المشاركة الأصلية كتبت بواسطة dr ahmed abdelghany

طبعا ممكن رغم ما يقال نظريا إنه ممكن يأثر سلبيا على العفشة
العيب الفعلى هو فى تغير قراءة عداد السرعة لتكون غير مطابقة للسرعة الفعلية لكن الموضوع ده أحد الأخوة الأعضاء هنا حله باكتشاف موقع على النت يتيح وضع جدول للسرعة الأساسة وما يقابلها عند استخدام مقاس جنوط جديد

شكرا لرد حضرتك
يعني ممكن مطئتمش العفشة زي ماأنا بسمع
وحضرتك تقصد ان العداد لوجايب 100 تبقى السرعة الفعلية مثلا90 او 95 او85
وحضرتك لو تعرف الموقع ده ممكن تكتب اللينك بتاعه

المشاركة الأصلية كتبت بواسطة ashouhdy

معلش بس العربييتين بركبهم كل يوم
الانسر و الياريس
معلش يعنى
لا مجال لمقارنة الياريس بالانسر مهما عملتوا
الياريس انعم (أعلى) بتشم البنزين تكييف (تلاجة فرييزر مش ذى الانسر)
بعدين
تويوتا !!!!!!!

لو عايز عربية شد و جرى و الكلام دة خليك فى الانسر !

شكرا لمشاركة حضرتك

و انت نورت الموضوع و كل عام و انت بخير

انا معاك انه الياريس حلوة و الله و جميلة ........ و عشان كده الواحد بيقارن بينها

و بين لانسر 1300 ....... ده معناه انى من الاساس محتار بينهم و بحبهم الاتنين طبعا

لكن فى حاجات معينة ...... زى مثلا احد الزملاء لما قال انه الحوادث المتوسطة فى الياريس

بتبقى خسايرها فادحة عن لانسر و ده لصغر حجم الكبوت و حوض الماتور الضيق ....... و متقولشى حضرتك التأمين هايصلح ........ لانه فيه ناس مختلفة اذا كان حلال و لالا ......

ده غير فى ظروفى انا من الصعيد .......... تويوتا ملهاش اى مركز خدمة معتد فى الصعيد و لا الغردقة

و برضه هاتبقى صعبة انه كل ماتعوز تعمل حاجة و لا صيانة و لا حادثة و لو بسيطة انك تنزل بيها القاهرة من قنا 600 كم ........ وبرضه حاجة تقرف انه تويوتا بكل مبيعاتها فى الصعيد مفكرتش فى مركز خدمة او صيانة معتمد ...... مش كده و لا ايه ؟؟؟؟؟؟

ده غير انه لسه الخبر الطازة ده انه الياريس من 2010 بقت تقفيل تايلاندى ....... و مفيش يابانى تانى ......

ده كمان انه فى مشاركات الاعضاء ....... فيه ناس معاها ياريس و قالتلى هات لانسر ........زى الاستاذ الفاضل محمد ابراهيم و حد تانى تقريبا ....... و ملاقيتش حد جاب لانسر و قالى هات ياريس مش عارف ليه خالص .......

و ارجع اقولك انها فروق بسيطة بين عربيتين مضمونين و كويسين و شركتين محترمين ......

ايه رأى حضرتك ؟؟؟؟؟؟؟؟