الموضوع: بيتلز القديمة محولة لبيتلز الجديدة

المشاركة الأصلية كتبت بواسطة husseinoo

ممكن تلاقى سيارة صاحبها لا يصرف عليها إلا فى الأساسيات ماتور وعفشة فقط
ومن الخارج طبعا اكيد شكلها عادى
الدهان من الخارج عادى جدا
الفرش من الداخل يؤدى الغرض

لكن اساسياتها سليمة

الخلاصة: سواء وجدت سيارة بالحالة دى ... او وجدت سيارة حالتها فعلا ممتازة من الخارج والداخل والموتور والعفشة ... لازم يكون معاك حد ركب بيتل او تعرضها علىميكانيكى

ممكن تطلب من ميكانيكى بيتل عنده امانة سيارة اساسياتها سليمة موتور وعفشة وموش مهم الترويش ولا الفرش الداخلى ولا الدهان الممتاز وتكون اكيد موديل 1300 ولن يزيد سعتها عن 1300 سي سي بالإضافة لو كانت موديل السيتنات يبقى اكيد سوف تجد سيارة ان شاء الله

لكن ما دام معاك المبلغ 10 الاف جنيه .... اصبر شوية ... ادخل جمعية على السريع بثلاثة الاف مثلا ... او استلف قرض حسن من اخوك مثلا .... لكن لا تستعجل فى شراء سيارة 127 ..... لو كنت موش عايز تضيع فلوسك

لان الـ 127 النظيف منها برده لن يقل عن 12 واحيانا 14 الف ... خلاف كده .... ممكن تلاقى 127 توب ايطالى موديل السبعينات وحسب حالتها .... لكن فى اى حالة من الاحوال لن يزيد تمن الـ 127 توب الايطالى موديل السبعينات عن 10 الاف حرام ان ادفع فيها اكثر من كده

على الرغم ان من محبى الـ 127 توب جدا
لكن
مع الفرق طبعا فى المقارنة بين أنا آسف ... عجلة "127" وعربية حقيقية "البيتل"

وتذكر دائما انك تعبت فى الفلوس دى ... الصبر جميل

وربنا ييسر لك الاحوال

مع اطيب التمنيات
اخوك حسين غزالة

اخي الگريم
والله گلامك مقنع جدا
انا مش عايز عربية والسلام طبعا
ولكن في حاجة مهمة جدا وهي:اللي عايز يبيع بيبيع
ناخد ال127 مثال
متزيدش عن
11 الف
في ناس والله لحد دلوقتي بتطلب 19الف
هل دا بيبقى بيبيع لانه عايز يبيع ولا بيحلم ؟
انا خالي كان عنده لادا82 روسي
گان عارضها ب14
محدش عبرها
لحد مابعها ب10.500
والله الماتور بتاعها مااتفتح من ساعة ماجت
الي عايز يبيع بيبع
السوق فيه ركود تام
الي بيشتري قليل جدا
لكن الي بيبع كتير
انا هدور
واكيد هلاقي حد جاد ف البيع
ومقتنع بان سعر المستعمل والموديلات القديمة بقى ف الارض
والله الموفق

المشاركة الأصلية كتبت بواسطة husseinoo

فيه ناس كثير عندها بيتل موديلات مختلفة 1973 او ستنيات ... والسيارة ما شاء الله تؤدى الغرض المطلوب منها تمام ... بيروح بيها مشاويره كل يوم عشرة على عشرة .... وده موش فارقة معاه السيارات بترخص او بتغلى .... فيه اقبال على الشراء او على البيع موش فارقة معاه

لانه سيارته البيتل ماشية معاه وموش بتفتح "بقها" زى ما بيقولوا .....

الحل النهائى هو الميكانيكى .... خصوصا انه بيمر عليه سيارات على كل شكل ولون .... وطبعا فاهم

لكن المهم انه يكون أمين .... يعنى موش عشان مصلحة ليه يبيعك ... ويجعلك تشترى سيارة مضروبة "بعد الشر"

او زى ما قلت لك ممكن تلاقى شاب روش اشترى بيتل وحب يعمل روشنة وصرف اللى معاه وزهق وعايز يغير السيارة

انا بالنسبة لى مثلا لو معايا فلوس كافية هاستعين بالناس اللى عنده خبرة من الاصدقاء ... لانى هاطلب منهم سيارة نظيفة بغض النظر عن سعرها ... ساعتها المهمة بالنسبة لهم هاتكون سهلة ... وظبعا فى الآخر الميكانيكى هو اللى هايكشف عليها


اصبر شوية .... وان شاء الله تجد ما تريده ... او تكون زودت المبلغ شوية ..... يعنى فى الحالتين الصبر جميل

كل عام وحضرتك بخير
مع اطيب التمنيات
اخوك حسين غزالة

بداية كل عام وحضرتك بخير وكل اخواننا فالمنتدى بخير
طبعا گلام منطقي من الدرجة الاولى
بس لو ازيد من 10 اظن ان في حاجات افضل من البيتلز
مش قدرة عربية
مبدئيا خلينا نتفق ان البيتلز عربيه جميلة:عن سؤال وليس تجربة
ولكن دا ميمانعش ان العربيه مش گاملة
انا لما قلت بيتلز قلت كده عشان افضل عربية في فئتها السعرية
لكن لو قلت اني هزود الفلوس شوية
يبقى مش بيتلز بقى
لان انا كده بقارن البيتلز بفئه تانية من السيارات
يعني لو قلنا 13،14 مثلا
كده مش بقارن البيتلز ب127
انا بقارنها ب131مثلا (وحالتها كويسه جدا)
واحنا قلنا ف الاول ان الگمال لله وحده
يعني البيتلز فيها عيوب برده زي :
مفيش شنطه
ضيقه جدا من جوه
وبكده انا اجيب 131 احسن
صح ولا غلط؟
انا نفسي اتناقش مع محبي البيتلز
عشان استفيد من خبرتهم
عيد سعيد عليكم جميعا

انت كده كلامك سليم
131 طبعا عربيه كويسه جدا ومريحه وعمليه
وقليلة الاعطال
بس هل بجد فى 131 ب13 او 14
ولو موجوده حالتها ايه

المشاركة الأصلية كتبت بواسطة momo100010

بداية كل عام وحضرتك بخير وكل اخواننا فالمنتدى بخير
طبعا گلام منطقي من الدرجة الاولى
بس لو ازيد من 10 اظن ان في حاجات افضل من البيتلز
مش قدرة عربية
مبدئيا خلينا نتفق ان البيتلز عربيه جميلة:عن سؤال وليس تجربة
ولكن دا ميمانعش ان العربيه مش گاملة
انا لما قلت بيتلز قلت كده عشان افضل عربية في فئتها السعرية
لكن لو قلت اني هزود الفلوس شوية
يبقى مش بيتلز بقى
لان انا كده بقارن البيتلز بفئه تانية من السيارات
يعني لو قلنا 13،14 مثلا
كده مش بقارن البيتلز ب127
انا بقارنها ب131مثلا (وحالتها كويسه جدا)
واحنا قلنا ف الاول ان الگمال لله وحده
يعني البيتلز فيها عيوب برده زي :
مفيش شنطه
ضيقه جدا من جوه
وبكده انا اجيب 131 احسن
صح ولا غلط؟
انا نفسي اتناقش مع محبي البيتلز
عشان استفيد من خبرتهم
عيد سعيد عليكم جميعا

السلام عليكم ورحمة الله وبركاته

كل سنة و انتم طيبين جميعاً بمناسبة عيد الفطر المبارك

أخى الفاضل
أنا لو معايا مثلاً 40000 جنية و عاوز أجيب عربية على قد فلوسى فماينفعش أقول إنى هاجيب جيب شروكى !!! لأن السعر ده كويس عليها من وجهه نظرى !!!!!!!!!!! و لو هازود 3000 جنيه مثلاً يبقى أجيب لانوس نضيفة و موفرة فى البنزين عن الشروكى !!!!!!!!!!!!!
و بالتالى المقارنة بتكون غير منطقيه لأنى بقيسها من وجهه نظرى و إمكانياتى فقط

عشان كده من الأفضل تشوف إمكانياتك و إحتياجاتك من العربية و تحاول تشوف أى عربيه كويسة مناسبة لفلوسك و إمكانياتك

و بعدين أنا أتحدى نفسى لو قولت إن فيه فيات 131 نظيفة ب 13000 جنيه !!!!!!!!!!
أو بيتل ممتازة فى الأساسيات مش الشكل ب 10000 جنيه !!!!!!!!!!!!

و كلامى ده مش تعجيز و لكن من واقع خبره فى البيتل و على درايه بمعظم العربيات اللى ممكن تتعرض بالسعر ده
و شكراً

و اللى محتاج عربيه عمليه جداً و موفره و إعتماديه و قوية و لكن ليست عائلية ( تكفى أسره صغيره ) يبقى البيتل ثم البيتل ثم البيتل.
أما لو عاوز عربيه واسعة و شنطة كبيره و عائلية و قطع غيار ليست معمره لكن متوفره فى السوبر ماركت و أى بقال ممكن يركبها يبقى الفيات 128 و ال 127 و ال 124 و ال125 و الريتمو و ال 1300.

و كمان أى عربية قديمة مش نضيفة يبقى أكيد هاتاخد كورسات صيانة فى الميكانيكا و الكهربا و العفشة و غيره عند الصنايعية !!!!! و ده بالنسبه للبيتل و الفيات و غيره بصفه عامة و صدقنى الغالى ثمنه فيه

الله ينور عليك يابو حميد