الموضوع: بيتلز القديمة محولة لبيتلز الجديدة

المشاركة الأصلية كتبت بواسطة husseinoo

طيب انا جت لى فكرة .... ممكن تقول لنا ايه هى مصاريفك الثابتة للعربية ... بنزين ... طقم سيرفيس مثلا
وكمان المصاريف الطارئة ممكن تكون فى حدود اد ايه
ومصاريف المرور فى حدود اد ايه
طبعا مصاريف الترويش دى تختلف من شخص الى آخر ... ممكن فيه واحد يهتم بالاساسيات ... وفى واحد ما عندوش امكانيات كافية عشان يعمل الترويش اللازم لكن يحتاج كام مثلا عشان يعمل الاساسيات المطلوبة عشان تكون السيارة معقولة

بالنسبة للمصاريف
انا اخري 10.000 جنية
المرور مش فارق لاني هرخصها قوات مسلحة
اما البنزين والمصاريف الاصافية
500 جنية
انا نفسي اجيب بيتلز
ياريت تساعدوني

كل مصاريف العربيه تختلف من شخص لاخر
حتى البنزين والزيت
لاه بيرجع لمدى استخدامك للعربيه
لو مشاويرك كتير واستهلاك يومى للسياره
يزيد استهلاك البنزين وطبعا استهلاك معدل الزيت بسرعه
زيت الفتيس وعمل طقم سرفيس دورى للسياره
تغيير طقم الكهرباء ابلاتين وكوندنسر وبوجيهات
صيانة الكاربراتير والاسبراتير وصيانة الفرامل
تشحيم عفشة السياره
كل ده حاجات ليها معدل استهلاك
يعنى واحد مثلا بيعمل يوميا حوالى من 20الى 30ك
غير واحد بيعدى ال100ك يومى
ده غير نوع البنزين 80 او 90 فرق الضعف

السلام عليكم ورحمة الله وبركاتة

بداية تحية لكل الاخوة الافاضل الموجودين هنا واللى استفدت شخصيا منهم كتير قوى وعرفت الاكتر عن معشوقى ومحبوبتى البيتلز

الاخ الكريم اللى محتار بين البيتلز وال 128 اسمحلى اقولك تجربتى الشخصية

من وانا صغير وانا بعشق حاجة اسمها بيتلز ومعجب بيها جدا على كل المستويات وكنت بحلم انى اجيبها

لكن للاسف لما جيت اشترى اشتريت 128 عادة

زى ما احد الاخوة الافاضل قال ال 128 لا تعتبر سيارة بجانب البيتلز

مش قادر اوصفلك العربية دى عذبتنى قد اية

الميكانيكى والعفشجى بقيت اقعد جنبهم بالايام

والعربية ضعيفة جدا جدا جدا

صحيح قطع غيارها موجودة فى كل حتة ورخيصة واى حد يركبهالك

لكن من ناحية الامان العربية تاخد صفر ولا صفر المونديال بتاعنا

البيتلز للاسف مسقتهاش قبل كدة لكن كل اصحابى اللى معاهم العربية بيشكروا فيها جامد جدا

عيوبها مقارنة بالفيات 128 انها اضيق من ورا ومفيش شنطة والقعدة فى ال 128 افخم من القعدة فى البيتلز

غير كدة البيتلز احسن فى كل حاجة

والاهم انك تكون مقتنع بالعربية اللى انت عايز تشتريها

بمعنى انك هتلاقى كتير يقولك ال 128 احسن من البيتلز علشان سهولة الصيانة وتوافر قطع الغيار

وهتلاقى كتير يقولك البيتلز احسن بكتير من ال 128 للمتانة والجودة وانك لما تغير فيها حاجة مترجعلهاش تانى

زى ما قال احد الاخوة جرب الاتنين بنفسك وسوق دى وسوق دى وشوف انت مرتاح لاية اكتر

شخصيا ارجح البيتلز عن ال 128 طبعا وخصوصا بعد تجربتى السيئة مع ال 128

وربنا يوفقك ويباركلك فى اللى هتجيبة

والف مبروك مقدما

احب اوضح حاجه مهمه جدا البعض مش واخد باله منها
قطع غيار متوفره ورخيصه ده عيب مش ميزه
لانها كلها قطع غيار رديئه
ولو تخيلنا ان قطع الغيار الاصليه متوفره بكثره فى الاسواق
برضه مش هتكون رخيصه ابدا لان خامتها تختلف ومعمره
ايه اللى يفيدنى من قطع غيار رخيصه كل شويه اغيرها
معنى كده وحسابيا انها فى الاخر غاليه مش رخيصه
ومعنى انى اشترى قطعه المانى او برازيلى اصليه معمره
لسنين طويله غاليه فى الثمن
حسابيا برضه تبقى رخيصه مش غاليه لانك مش هترجعلها تانى
بصرف النظر عن البيتل
عندك مثلا فورد قطع غيارها مولعه فى السعر
بس اصليه ومعمره جدا
اللى بيبص لعربيه قطع غيارها رخيصه جدا هو اللى مش هيعمر
مع العربيه نفسها ومش باقى عليها
ياريت الناس تحسبها صح

اتفق معك تماما اخى العزيز

بس مين بيحسبها كدة ؟؟

الناس بتسترخص ومبتحسبش الخسارة والتعب على المدى البعيد

ايه رايكم فى التعديل ده

ودى شوية صور تحفه
يارب تعجبكم

تسلم ايدك

بس انا بفضل البيتلز بشكلها العادى

ولو فى تعديلات تكون خفيفة علشان متفدتش شكلها

شكرا جزيلا على الصور