انا اتخبط. حقيقة العربيات الورق والعربيات الحديد

**ecybrarian** · 08-09-2009 12:20 AM

بعض الناس في مصر فاهمة العربيات غلط..فاهمين إن العربية الحديد احسن من العربية الورق وده غلط خالص. العربية الحديد تتأثر بالحادثة أكثر من الورق (مع الاعتبار معايير واختبارات الأمان للعربية)...الحقيقة ان العامل الاول المؤثر في اي خبطه للعربية هي وضعك اثناء الخبطة ثم يأتي بعد ذلك مرونة العربية...

تجربتي الأخيرة: ميكروباص خبط عربيتي والحمد لله...إللي حصل إن واحد معاه اكتافيا وقف مرة واحدة قدامي مش عارف ليه..المهم ربنا أكرمني وقدرت اقف قبل ما اخبط فيه وبسرعة وانا بافرمل شغلت الفلاشر وطلعت ايدي من الشباك..وسمعت طاااخ طييخ...طاخ الأولانية ميكروباص خبط ميكرباص تاني من ورا..اما الطييخ فكان صوت الميكروباص المخبوط وهو بيخبطني من ورا.

لا حول ولا قوة إلا بالله...بصيت في المرايه لقيت سواق الميكروباص نزل من عربيته وماسك دماغة وقعد على الأرض!!!!! نزلت اطمن عليه..وسألته انت كويس ماردش...الناس نزلت وقالوا لي عربيتك مافيهاش حاجة بصيت على العربية ملقتش اي حاجة والحمد لله...الأكصدام الفبر الطري خد الخبطة ورد...والاكصدام الحديد يتاع الميكروباص ما اقولكوش تقريبا واقع وموقع الفوانيس..انا متصور ان الميكروباص كان متبعزق من ورا ومن قدام من قبل الخبطة والخبطة وقعت الدنيا اكتر...

المهم انا طلعت بدون خسائر بحمد الله وفضله...اما السواق فمعرفش ماله!!! وزمايلة هما إللي اصروا اني امشي!!!!! الظاهر والله اعلم كان بيمثل..انا كنت خايف يكون صدره خبط في الدريكسيون جامد بس الحمد لله كله طلع تمام

**ecybrarian** · 08-09-2009 12:27 AM

نسيت اقول اني عملت اغبى حاجة ممكن يعملها حد في العالم..نزلت من العربية وسبت العربية دايرة والكارت (المفتاح) فيها!!!!! يعني لو حد ركب وطار بالعربية يبقى بالسلامة...اوع ثم اوع ثم اوع تخرج من العربية وتسيبها دايرة ومفتاحها فيها لأي سبب كان ever never

**Hacker5** · 08-09-2009 01:06 AM

الحمد لله على سلامتك من الحادث
و ربنا يرحمنا من بهايم الطرق

**Col. Eng. Khaled** · 08-09-2009 01:13 AM

نحن السابقون و أنتم اللاحقون

أول خميس رمضان إللي فات على مطلع المحور من م لبنان (وقف في الإكسدام الخلفي عندي نص نقل دبابة)

الإصابة عندي نغزة صغيرة جدا في الشنطة فقط لا غير (هذا من فضل ربي) .

**M.Osman** · 08-09-2009 02:09 AM

....
الف حمد لله على سلامة حضرتك
فعلاً الناس هنا فاكرة ان قوة الصاج معناها امان اكتر للركاب و دا مش صح... لأن فعلاً ضعف الصاج بيخلى الصدمة متوصلش للكابينة و دي اهم حاجة .. سلامة الركاب

حمد لله على السلامة و شكرا على نصيحة المفتاح

**amr.elsayed** · 08-09-2009 02:16 AM

قدر الله وما شاء فعل
الف حمد لله على سلامتك
والحمد لله انها جت على قد كدة

**ابوهاشم** · 08-09-2009 02:50 AM

الف حمد الله على سلامتك وسلامة العربيه

**Mohd_Adel_Amin** · 08-09-2009 02:57 AM

الف حمد لله على سلامتك وفعلا الاكصدام الفيبر بفضل الله حمول جدا , من فترة كان حصلي موقف مشابه نوعا ما بس اللي خبطني كان نص نقل والخسائر عندي ان الفانوس اتكسر بس الغريب ان الاكصدام سليم تماما بفضل الله مع انه اتطبق وانا قلت انه مش هيستعدل بس بعد ما فكيت الفانوس المكسور لقيته رد ثاني والاغرب ان النص نقل اكصدامها وقع ..!!

**eslamrace** · 08-09-2009 03:41 AM

حمدا لله على سلامتك وربنا يكفيك ويكفينا شر الحوادث

-

الموضوع: انا اتخبط. حقيقة العربيات الورق والعربيات الحديد

LinkBack

أدوات الموضوع

عرض

انا اتخبط. حقيقة العربيات الورق والعربيات الحديد - انشر الموضوع فى :

-

-

-

-

-

-

-

المواضيع المتشابهه

اللي يحب يعرف حقيقة العربيات يدخل هنا

بورسعيد والعربيات الجامدة

السيول والعربيات فى القاهره

الحديد ورخص, البترول ورخص, العربيات لسه غاليه ليه؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة