خلي العيال في البيت خوفآ من المرض المميت

**human** · 10-09-2009 08:46 PM

المشاركة الأصلية كتبت بواسطة aif

الموضوع مقلق جدا يا جماعة
خصوصا للأطفال الصغار اللي مناعتهم للسة ضعيفة ولا يستطيعون اتخاذ اي اجراءات تحفظية في التجمعات اللي في الفصول الدراسية
اذا بدأت الدراسة بدون الوصول الى لقاح او مصل .... كدة يبقى فيه مخاوف قوية من انتشار المرض بشكل اكبر من الحالي بمراحل
....
طبعا كل شيء بأمر الله ....
لكن لازم نأخذ بالاسباب ... والرسول علية الصلاة والسلام امرنا بالتداوي
المفروض الحكومة تأجل المدارس ... خصوصا ان بعض الدول توصلت للقاح لهذا المرض مثل الصين ......يعني المسألة مسألة وقت ..... وان شاء الله ح يتوفر لقاح لهذا المرض قريبا

خطأ شائع
ممانعه المرض للأطفال اكبر من الكبار

**Terrible_DaRsH** · 10-09-2009 09:05 PM

الدراسة مش هتتاجل نهائي و ده قرار اخير .

خصوصا الجامعات .

**SeiffoZ** · 11-09-2009 02:41 AM

الجامعة الأمريكية الدراسة بدأت فيها بقالها إسبوع ...

القارا ده على الحكومة و المدارس ..

مش عارف بقى الجامعات اه ولا لأ

**dr-mohamed** · 11-09-2009 03:30 AM

الجامعة الامريكية فعلا بدات من اسبوع وفيها سكن داخلي كمان شغال من اسبوع
بعض المدارس الخاصة زي الامريكية والانجليزية والفرنسية في اسكندرية هي اللى اتقفلت علشان ظهرت فيها حالات اصابة بالمرض
وزير التعليم والمتحدث باسم مجلس الوزراء اعلنوا تاجيل الدراسة اسبوع لتبدا 3-10
وزير التعليم العالي اعلن في وقت سابق ان الدراسة في ميعادها 26-9
غير واضح ما اذا كان التعليم العالي سيتم تاجيله ايضا

اتوقع ويا رب يا رب توقعي يبقي غلط ان المرض هايبقي وباء في الشتا ومدارس كتيرة هتتقفل ويمكن الدراسة كلها تتاجل بس ده مش هيحصل الا بعد شهر على الاقل من الدراسة على ما تكون الشتا اشتغلت فعلا وزادت نسب الاصابة بشكل كبير

يا رب كل توقعاتى تبقي غلط

**yahiahelaly** · 12-09-2009 07:34 AM

يا جماعه الموضوع بسيط من على لسان متخصصين والله في حالات كتير اتعالجت بادوية البرد العادية

**yoko** · 12-09-2009 07:44 AM

يا جماعة الموضوع مش للدرجة دي والدي دكتور أطفال بره مصر وجاله لغاية دلوقتي ٥ حالات أنفلونزا خنزير(كلهم أطفال طبعا) وأخدوا الدواء أسمةtamyflu لمدة ٥ أيام وخفوا عادي جدا هي المشكلة في مصر إن العلاج مش هيبقى متوفر بسهولة وكمان مفيش عزل صحي عدل في المستشفيات