الموضوع: من جديد - صوت العربية عالي

سلام عليكم
حاجة مضايقاني في عربيتي
ان صوتها و هي ماشية اعلى من صوت مثيلاتها دايما - مثيلاتها دول لانوس2 موديل 2008 و جولييت موديل 99
دايما لما باركب مع اي حد بالاقي عربيته اهدى بكتير
لكن و احنا واقفين و العربيتين دايرين و الكبوت مفتوح , دي زي دي
__________________________________________________ ________________
1- موديل السياره وسنة الصنع - لانوس1 موديل 99
2-عدد الكيلومترات المقطوعه 82000
3-موقف أستهلاك الزيت ( بيتم تزويد زيت ولا لا) - لأ
4-شكل العادم الخارج من الشكمان (أبيض مسود - أزرق مسود - عادى) - عادي
5-موقف البوجيهات وأسلاكها وهل تم عمل أختبار لقوة الشراره للبوجيهات الأربعه - البوجيهات بقى لهم 9000 كيلو , و الاسلاك اجدد من كده - ما عملتش اختبار قوة شرارة
6-موقف الفلاتر (هواء - بنزين - زيت) - متغيرين قريب كلهم
7-موقف أستهلاك البنزين (طبيعى ولا زياده) - 180 - 190 كيلو في الصفيحة
8- موقف الشكمان (سالك وتمام .....ولا مكتوم) - جديد
9- موقف الفرامل (كويسه ولاقافشه والجنوط بتسخن) - خفيفة حاجة بسيطة عن مثيلتها موديل 2008
10-موقف السيور ( كاتينه - تكييف - دينامو )..... - كلها متغيرة من 9000 كيلو
11-موقف البطاريه والدينامو من ناحية الفولت والأمبير - ما قستهمش
12-مصدر الصوت فى حالة ظهور أصوات من عند المحرك ومكانه بالضبط - مش معروف
13- موقف آخر صيانه أتعملت ....وهل العيب المطروح ظهر بعدها ولا كان موجود من قبلها ....لأن دى نقطه مهمه جدا - من ساعة ما جت العربية , من قبل الصيانة
__________________________________________________ ________________________

تاريخ العربية باختصار
___________________
تغيير السيور و الفلاتر
تغيير بلية دينامو
تغيير بلية التكييف
تغيير بلي العجل و الطنابير و الصرر
تغيير الكاوتش
تغيير الشكمان
تغيير بارات الطرف
تغيير المساعدين و البطاحات و الكبايات
تغيير قواعد الفتيس

كل الحاجات دي ساهمت في ان صوت العربية بقى اهدا كتير مع الوقت عما جبتها
لكن صوتها مازال عالي بالمقارنة بمثيلاتها برده

السكانر : مرتين على فترات و مافيش مشاكل
فيه ميكانيكي قال لي ان الرشاشات بتعمل (تفتفة) , مش عارف دي تعمل صوت عالي ولا لأ
انا برده شاكك تكون مشكلة عزل صوت , بس مش عارف مدى صحة الشك ده

اكتر من ميكانيكي يشوفها يقول لي ان الصوت عادي خالص

غلب حماري
:b4_611:

يادي الكسوف
:)))
معلش سؤال يا باشمهندس
يعني ايه امبليهات ؟

هو انا بابقى حاسس بالصوت و انا ماشي حتى على 20 او 30 كيلو