السياره بتنقط زيت على خفيف

**ashraf_5971** · 10-09-2009 06:55 PM

احبابى السلام عليكم......ذهبت الى ميكانيكى بجوارنا لتغير ديسك واسطوانه..وبعد تغيرهم وجدت السياره بتنقط زيت على خفيف فأوصانى بغسيل الموتور جيدا فوق وتحت عشان يعرف مكان تسريب الزيت وعملت اللى قالى عليه ورحت له قاللى ان العيب من اولسيه الكرنك...احد الاخوه المقربين قالى ان دى غلطه من الميكانيكى لانها حصلت معاه فى عربيته...السؤال هنا هل هى فعلا غلطه من الميكانيكى؟؟؟لاننى واجهته بهذا الكلام وقاللى انها مش غلطتى مع العلم ان الزيت ما كانش بينقص قبل الموضوع ده.....ما رايكم يا اخوانى؟؟؟..السياره لانوس 99

**samirayad** · 10-09-2009 08:23 PM

وبعد تغيرهم وجدت السياره بتنقط زيت على خفيف فأوصانى بغسيل الموتور جيدا فوق وتحت عشان يعرف مكان تسريب الزيت وعملت اللى قالى عليه ورحت له قاللى ان العيب من اولسيه الكرنك..

لو زيت مكنه اللى بينقط من على داير حافظة الفتيس اللى راكب على داير المكنه من تحت البوبينا يبقى سيل الكرنك الخلفى فعلا

ولو زيت فتيس ....يبقى الميكانيكى غلط فى حاجه وبوظلك سيل عمود الدريك وهو بيجمع الدبرياج

وطبعا واضح أن الكلام ده سليم بدرجه كبيره

احد الاخوه المقربين قالى ان دى غلطه من الميكانيكى لانها حصلت معاه فى عربيته

**ashraf_5971** · 11-09-2009 05:15 AM

المشاركة الأصلية كتبت بواسطة samirayad

لو زيت مكنه اللى بينقط من على داير حافظة الفتيس اللى راكب على داير المكنه من تحت البوبينا يبقى سيل الكرنك الخلفى فعلا

ولو زيت فتيس ....يبقى الميكانيكى غلط فى حاجه وبوظلك سيل عمود الدريك وهو بيجمع الدبرياج

وطبعا واضح أن الكلام ده سليم بدرجه كبيره

الزيت اللى بينقط بنسبه 100x100هو زيت موتور والدليل انه نقص عندى بعد الموضوع ده حيث اننى كنت متابعه باستمرار ......المهم يا سمير بك هو بيقوللى(والكلام للميكانيكى)انا مش غلطان فى حاجه وزى ما قولت لحضرتك قال انه اولسيه الكرنك......هى غلطته واللا لا....انا يهمنى المصداقيه يا استاذى بعد اذنك

**samirayad** · 11-09-2009 05:27 AM

وبعد تغيرهم وجدت السياره بتنقط زيت على خفيف

دى النتيجه بعد عمرة الدبرياج

انا يهمنى المصداقيه يا استاذى بعد اذنك

وأنت عاوز المصداقيه

هو بيقوللى(والكلام للميكانيكى)انا مش غلطان فى حاجه

متصدقوش ....دا باين عليه آفاق كبير
عموما متعملش عنده حاجه تانى

**ashraf_5971** · 11-09-2009 05:41 AM

الحل ايه يا ابو احمد..........لأنه قاللى حنحل الفتيس تانى؟؟؟

**samirayad** · 11-09-2009 12:51 PM

للأسف ....لازم فعلا تسقط الفتيس
للتخلص من تنقيط الزيت ده

**MMamdouh** · 11-09-2009 10:47 PM

معتقدش انها غلطة من الميكانيكى خالص

اصلا الاجزاء اللى فكها ليس لها علاقة باويل سيل الكرنك... اصلا عشان يوصل للاويل سيل دة لازم يفك الفلام... فهل هو فعلا فك الفلام؟؟؟

MMamdouh

**MMamdouh** · 14-09-2009 12:37 PM

بص... ممكن يكون الموضوع صدفة ان الاويل سيل باظ بعد شغل الدبرياج... بس فعلا عشان اى حد يوصل للاوسيل دة لازم يفك الفلام و انت حتشوف بنفسك لما تيجى تغيرة

MMamdouh