الفيرنا بهدلتني بجد

**نينو** · 11-09-2009 04:24 AM

ازيكم يا جماعة عاملين اه انا عندي مشكلة مجنناني و هي اني كنت مسافر اسكندرية اول امبارح المهم انا كنت مشغل التكييف و ماشي حوالي 130 او 140 انا لاحظت ان التكييف بيطلع بخار كده قولت عادي و محتتش في دماغي حاجة المهم عند بوابة اسكندرية كده الاقي العداد بتاع الحرارة طلع علي الاخر و العربية سخنت علي الاخر نزلت بصيت علي المياة لقيت الردياتير مفيهوش و لا نقطة مياة طبعا انا حطيت مياه للردياتير المهم سالت ميكانيكي قالي دي اكيد سربنتينة و قالي امشي من غير تكييف لغاية مترجع و بالفعل مشيت من غير تغير من اسكندرية للقاهرة و العربية مخدتش و لا نقطة مياة انا دلوقتي عاوز اعرف اللي في العربية ده من اه مع العلم اني دوست علي كلب ميت في الصحراوي بس ماثرش فيها خالص عاوز اعرف بجد لاني محتار اه علاقة التكييف بمياة الردياتير و العربية مش بتنقط و لا نقطة مياة و لا من ردياتير و لا من خرطوم

**Eng.moh.masry** · 11-09-2009 07:02 PM

المشاركة الأصلية كتبت بواسطة نينو

ازيكم يا جماعة عاملين اه انا عندي مشكلة مجنناني و هي اني كنت مسافر اسكندرية اول امبارح المهم انا كنت مشغل التكييف و ماشي حوالي 130 او 140 انا لاحظت ان التكييف بيطلع بخار كده قولت عادي و محتتش في دماغي حاجة المهم عند بوابة اسكندرية كده الاقي العداد بتاع الحرارة طلع علي الاخر و العربية سخنت علي الاخر نزلت بصيت علي المياة لقيت الردياتير مفيهوش و لا نقطة مياة طبعا انا حطيت مياه للردياتير المهم سالت ميكانيكي قالي دي اكيد سربنتينة و قالي امشي من غير تكييف لغاية مترجع و بالفعل مشيت من غير تغير من اسكندرية للقاهرة و العربية مخدتش و لا نقطة مياة انا دلوقتي عاوز اعرف اللي في العربية ده من اه مع العلم اني دوست علي كلب ميت في الصحراوي بس ماثرش فيها خالص عاوز اعرف بجد لاني محتار اه علاقة التكييف بمياة الردياتير و العربية مش بتنقط و لا نقطة مياة و لا من ردياتير و لا من خرطوم

بسم الله الرحمن الرحيم
غالبا يا باشا دى هتكون دايرة التكييف السخن اللى بتبقى فى سدر العربية من جوا
و لو انت اتاكدت من كدا هيبقى حلها حاجة من اتنين
يا اما تلغى دايرة السخن خالص و دا الحل الاسهل
يا اما تفك بقى و تشوف التسريب جاى منين و تعالجو
اخوك م./ محمد المصرى

**samirayad** · 11-09-2009 07:52 PM

غالبا يا باشا دى هتكون دايرة التكييف السخن اللى بتبقى فى سدر العربية من جوا

+1 دفاية التكييف بتبقى تحت التابلوه (قصاد كرسى اللى جنبك ) غالبا مخرومه خرم بسيط ومع سرعة المكنه وشغل التكييف ( الحراره بتزيد عن الوضع بدون تكييف ) وبكده بخار الميه بيطلع من الخرم ده فى صورة بخار.........وهواء المروحه بياخد البخار فى سكته ويطلعلك فى صورة بخار أبيض من فتحات التكييف

**tananybasha** · 12-09-2009 12:19 AM

احتمال كبير و انا افضل الغاء التدفئة لكثرة مشاكلها

**samirayad** · 12-09-2009 07:54 PM

عموما أفتح غطاء القربه أو الردياتير (حسب اللى موجود عندك )

ودور وأنت فاتح الكبوت وفاتح الغطاء والمكنه لسه بارده
وأعمل أمبليهات (تزويد سرعه ) من عند بكرة الأكسراتير
لو لقيت الميه بتفور وتعمل بقاليل والمكنه لسه بارده وبتطلع الميه من القربه مثلا
يبقى ده جوان رأس سلندر

ولو أن كلامك ده

انا لاحظت ان التكييف بيطلع بخار كده قولت عادي و محتتش في دماغي حاجة المهم عند بوابة اسكندرية كده الاقي العداد بتاع الحرارة طلع علي الاخر و العربية سخنت علي الاخر نزلت بصيت علي المياة لقيت الردياتير مفيهوش و لا نقطة

بيقول أن كلامنا الأولانى هو اللى صح