محتار اجيب سوبارو ولا النترا ياريت اعرف رأيكم فى اسرع وقت

**body** · 03-11-2007 07:42 PM

المشاركة الأصلية كتبت بواسطة sh_masry

فى رأيي : الانترا ....
1- سوقها فى مصر اكبر بكثير من سوق السوبارو
2- قطع غيارها ارخص بكثير.
3- بالنسبه لسحبها فالتجميع بتاعها اعلى .
4- ثبات ممتاز + ان السوبارو ايضا ثبات ممتاز لدور الفور ويل درايف فيها .
5- الالانترا اوسع من الداخل سواء من الأمام او فى الكنبه الخلفيه .
6- تسارع قوى جدا سواء مانيوال او اوتوماتيك حيث ان الأوتوماتيك بتاعها من احسن و اقوى تسارع مقارنه لأى سياره اخرى اوتوماتك فى نفس الفئه .
7- اما بالنسبه للسعر بتاع السوبارو فأنت ممكن تجيب بنفس السعر اعلى فئه فى الهيونداى الانترا اللى اللى بيها جميع الكماليات ب 123 الف جنيه على ما اعتقد .

تجميع العربيه حلو جدا و قوى جدا فى السرعات العاليه ايضا
الثبات ممتاز حتى ال 210 و ده عن تجربه بس ماجربتش بعد كده
عزل الصوت ممتاز
مشكلتها الوحيده انك لازم تتعود على الباور بتاعها و بالذات فى السرعات المنخفضه لأنه الدريكسيون خفيف جدا جدا جدا و لكن بيتقل مع السرعه و ده ميزه الباور الكهرباء.
اى سياره اكيد بتهبط من ورا لو فيها 3 اشخاص على الكنبه و ده مش عيب فيها .... بس عموما الموديل اللى قبل 2007 يعنى اللى زى بتاعتى 2006 بتهبط لو ركبت 2 بس لكن فى الجديد مش بيهبط بنفس المستوى .

7- اما بالنسبه للسعر بتاع السوبارو فأنت ممكن تجيب بنفس السعر اعلى فئه فى الهيونداى الانترا اللى اللى بيها جميع الكماليات ب 123 الف جنيه على ما اعتقد .

ياريت اعرف النترا بيها جميع الكماليات ازاى امال 98 الف دى مش كاملة
ياريت اعرف اية الفرق وياريت اعرف كماليات 98 دى اية بالظبط

**tutankhamoun** · 03-11-2007 07:48 PM

النترا لتوافرها و توافر قطع غيارها ......... و سهولة إعادة البيع .......... و الصيانة
و موضوع ياباني 100 % ليس ميزة كبيرة جدا ........ إذ أن قطع غيارها غالية و صيانتها في التوكيل بس و إعادة بيعها مش سهلة
يبقى أنت أختارت ميزة على حساب مميزات كتير
و كمان أي عربية لو بتحافظ عليها هاتعيش معاك كتير خصوصا لما تكون جودتها جيدة جدا مثل هيونداي

**eng / AhmeD** · 03-11-2007 07:55 PM

امام مصر 50 سنة حتى يمكن ان نقول ان السوبارو افضل من الالانترا ولعلم السوبارو افضل من الكورولا مش من الالانترا ولكن واه من لكن سعر اعادة البيع و قطع الغيار والصيانة ودول الالانترا متفوقة فيهم بمراحل وعلشان كده اى حد حيادى لازم ينصح بالالانترا الا لو انت مش ناوى تغير نهائى و معندكش مانع انك تدفع فى قطع الغيار للسوبارو اضعاف الالانترا وهتفضل الصيانة مشكلى لان ميكانيكية السوبارو (دفع رباعى) اصعب كتيرمن الالانترا

+1000000000

**body** · 03-11-2007 10:47 PM

مشكوووووووووووووووووررررر ين ياشباب
ويايرت اعرف منكم اية الفرق بين الانترا اللى بـ98 الف واللى 123 اللى الاستاذ sh_masry بيقول عليها

**PRO-DRIVE** · 03-11-2007 11:01 PM

دي علبه صندوق و التانيه فيها حجات كتير
و بأرخص منها تجيب امبريزا
لانها يابانيه
و لان ثباتها يقارن بثبات بورش :lol:

دفع رباعي

بتيجي بكل الكماليات اللي تتمناها و اكتر من النترا

امبريزا برضه تنفع عائليه شنطتها واسعه جدااااااااا
مع انها اصغر شويه من النترا بس 3 ورا عادي جداا

توكيل رايق و فاضي ساعه و بتاخد العربيه من الصيانه
اسعار قطع غيارها انا شايف انها مقبوله برغم انهاا اغلي شويه من كورولا
بس متنساش ان القطعه متصنعه في اليابان ;) و عمرها اطول
بتضمن العربيه في سوبارو بتستلمها زي ما هي جايه من المصنع
مش متغير فيها كاست و متركب واحد من شركه تانيه الله اعلم اصلي ولا لا

القزاز فريمليس بيدي شكل حلو جدااا و عزل الصوت فيها ممتاز

سهل جداا التعديل عليها

و اخيرا بتكون متميز في الشارع

عيوبها استهلاك البنزين اعلي بشويه من النترا
التسارع بتاعها ابطئ

بس

**Hesham A.Megid** · 03-11-2007 11:16 PM

المشاركة الأصلية كتبت بواسطة body

مشكوووووووووووووووووررررر ين ياشباب
ويايرت اعرف منكم اية الفرق بين الانترا اللى بـ98 الف واللى 123 اللى الاستاذ sh_masry بيقول عليها

The difference is:

- ABS
- Airbag
- Foglights
- Original keyless entry system
- Climate Control
- Multifunction steering wheel
- Original Cassette with AUX jack mounted in the center console
- 16" alloy wheels
- Color-keyed mirrors and door handles
- Rear brakes are disks, not drums
- Trip Computer

That's all I can remember now, but I guess there is more.

**Kisho** · 04-11-2007 12:44 AM

المشاركة الأصلية كتبت بواسطة Hesham A.Megid

- Rear brakes are disks, not drums

كل الالانتر ال 2007
, Rear brakes are disks, not drums

**mina_ramsis** · 04-11-2007 12:49 AM

معلش يا جماعة على الرغم من انى مش مقتنع ان فى فرق كبير بين اليابانى و الكورى اللى يخلينى اجيب اليابانى على حساب الكورى بس فى الحالة ديه هجيب سوبارو ديه عربية دفع رباعى يعنى جبها مانيوال و جر شارع وراك و لا يهمك كفاية اساسا انها عربية سباقات بس حد فيكم شاف النترا حد بيسابق بيها

**dragonsmith** · 04-11-2007 01:32 AM

- اما بالنسبه للسعر بتاع السوبارو فأنت ممكن تجيب بنفس السعر اعلى فئه فى الهيونداى الانترا اللى اللى بيها جميع الكماليات ب 123 الف جنيه على ما اعتقد .

السلام عليكم،

أنا كلمت غبور من كام يوم و كنت بسأل على أسعار الالنترا و عرفت ان الموديلين اللي كانوا بينزلوا ب 118 ألف و 122 ألف في 2007 مش هينزلوا في 2008.
الفرق بينهم و بين أعلى موديل موجود في 2008 اللي هو ب 113 ألف ان اللي ب 118 ألف فيها ABS و Airbag واحدة و طارة Multifunction. الموديل اللي كان ب 122 ألف كان بيزيد فيه كاوتش 16 و جنوط سبور أصلية.

مش متغير فيها كاست و متركب واحد من شركه تانيه الله اعلم اصلي ولا لا

الكلام ده للموديل المانيوال اللي ب 98 ألف و الأوتوماتيك اللي ب 106 بس. اللي ب 113 ألف مفيهاش مسمار مش جاي من بلدها.

شكرا.

**mohaismail** · 04-11-2007 01:42 AM

'طبعا سوباروووووووووووووووووووو ووووووووووووووووووووووووو ووووووووووو ومفيش اى وجه لاى مقارنة بين الاتنين انا لو مكانك مش هيكون فيه اى حيرة يراجل فى حد يقارن سوبارو امبريزا بهيونداى النترا توكل على الله وهات الامبريزا وادعيلى