محتار اجيب سوبارو ولا النترا ياريت اعرف رأيكم فى اسرع وقت

**محمدايهاب** · 04-11-2007 03:14 AM

ممكن اعرف ليه حضرتك بتصنفها على ان عزلها نص نص؟
يعني مثال على عربيه عزلها افضل و اخرى عزلها مماثل.

انا سمعت الكلمة دي من مالك للعربية و كان جايبها زيرو و بالمناسبة هو خبير جدا في العربيات و مظبط عربيته جدا و جايبلها قطع إستيراد ( الكابوت الأمامي - الجنوط الاصلية - كراسي الريكارو الأصلية )

**محمدايهاب** · 04-11-2007 03:16 AM

دي علبه صندوق و التانيه فيها حجات كتير
و بأرخص منها تجيب امبريزا
لانها يابانيه

يعني بتقول ياباني و كوري من امتى :P

**ahmedfd** · 04-11-2007 09:45 AM

المشاركة الأصلية كتبت بواسطة Kisho

المشاركة الأصلية كتبت بواسطة Hesham A.Megid

- Rear brakes are disks, not drums

كل الالانتر ال 2007
, Rear brakes are disks, not drums

+1

**ahmedfd** · 04-11-2007 09:54 AM

المشاركة الأصلية كتبت بواسطة mohaismail

'طبعا سوباروووووووووووووووووووو ووووووووووووووووووووووووو ووووووووووو ومفيش اى وجه لاى مقارنة بين الاتنين انا لو مكانك مش هيكون فيه اى حيرة يراجل فى حد يقارن سوبارو امبريزا بهيونداى النترا توكل على الله وهات الامبريزا وادعيلى

رغم إعجابي الشخصي بإمبريزا و خاصة الشكل الجديد و لكن هيونداي عاشر منتج للسيارات على مستوى العالم في 2006
http://en.wikipedia.org/wiki/Automaker
إلنترا مصممة في ستوديوهات تصميم هيونداي بكاليفورنيا بأمريكا
طبقاً لجميع مواقع السيارات Direct Competition في هذه الفئة بين
Toyota Corolla - Honda Civic - Hyundai Elantra - Nissan Sentra - Mitsubishi Lancer - Chevrolet Cobalt
ما أريد أن أقوله أن جميع هذه السيارات قريبة جداً من بعض و كل واحدة لها ميزة في مجال معين و لكن بالطبع ستتفوق الإمبريزا في ميزة الدفع الرباعي مع تحفظي على موضوع سيانته بمصر.
و شكرا"

**PRO-DRIVE** · 04-11-2007 10:02 PM

المشاركة الأصلية كتبت بواسطة محمدايهاب

دي علبه صندوق و التانيه فيها حجات كتير
و بأرخص منها تجيب امبريزا
لانها يابانيه

يعني بتقول ياباني و كوري من امتى :P

سقطت سهوا :D

**Hesham A.Megid** · 04-11-2007 10:48 PM

المشاركة الأصلية كتبت بواسطة ahmedfd

و لكن هيونداي عاشر منتج للسيارات على مستوى العالم في 2006

المعلومات دي قديمه، هيونداي دلوقتي خامس أو سادس مُصنع سيارات في العالم :-)

**PRO-DRIVE** · 04-11-2007 11:05 PM

مبيعات مبيعات مبيعات

هيونداي بتبيع اكتر من دايملر كلها يعني هيونداي احسن من مرسيدس ؟؟
هيونداي بتبيع اكتر من بي ام يعني هيونداي افضل ؟
دول مثالين فقط :)

**Ahmed Anwer** · 04-11-2007 11:05 PM

بص حضرتك أنا مش بحب أنشر شائعات

بس سمعت من فنين في مركز غبور بتاع ابو رواش إن الإلنترا الجديدة فيها مشكلة إنها بتعوم علي السرعات العالية

ممكن يكون هوا ده قصد الأخ شريف المصري

مشكلتها الوحيده انك لازم تتعود على الباور بتاعها و بالذات فى السرعات المنخفضه لأنه الدريكسيون خفيف جدا جدا جدا و لكن بيتقل مع السرعه و ده ميزه الباور الكهرباء.

و يمكن المشتريين و الفنيين مش بينقلوا الصورة صح أو مش فاهمين خاصة إن الإلنترا واخدة جوايز كتير في الخارج بس الأفضل

تتأكد من المعلومة دي من حد معاه العربية أو تجربها بنفسك

و في كل الأحوال رأيي تستبعد السوبارو لا شكل و لا صالون و لا إعادة بيع و لا صيانة ،، علي كلام الأخوة أداء كويس و خلاص

**Kisho** · 05-11-2007 01:01 AM

استاذ Ahmed Anwer

عاوز اقول لحضرتك ان الفنيين دول ولا فاهمين حاجه
باور الالانترا فائق النعومه و فى منتهى الحساسيه لدرجه ان و انت بتركن كانها عربيه لعبه و دى ميزه خطيره و الجميل كمان انه متغير حسب السرعه يعنى مافيش احسن من كده
انا شايف ان الباور بتاعها اختراااااااااااع بجميع المقاييس مما يميزها عن كل فئتها
الموضوع كله نسبى يعنى موضوع تعود على العربيه بعنى انا لما بسوق الالنترا و بعدين اسوق العربيه التانيه الافيو كورى 2007 و طبعا فيها باور بس بحس انى باحارب و نا بالف الدريكسيون
الافيو الباور بتاعها كويس زى كل العربيات بس الالانترا رهيييييييب لا يقاران عمرك ما هتتخيله الا لما تجربه بنفسك انا اصحابى الى معاهم لانسر 2007 و عربيات اخرى كلها 2007 كانوا سايقيين عربيتى و برضه مش مصدقين :-)
فى الاخر كله تعود الى بيركبها فاكرها عربيه عاديه فا بيلف الدركسيون جامد فايلاقيها لفت معاه بشده انما لو عربيته هيتعود عليها و يستمتع بيها لانها فعلا متعه