حاجة ضيقتني جدا النهاردة
كنت بشتري حاجة من محل واحد معرفة قبل الفطار
لقيت أمين شرطة بيشتري من عنده
وعند الحساب لقيته بيزعق وبيقوله مش عاوز حاجة ياعم ومشي وهو متضايق
فسألت الراجل صاحب المحل ايه الحكاية
قالي قبل كده اشترى حاجة ومدفعش فلوسها
وامبارح اشترى حاجات ب 6 جنيه ومدفعش الا 2 جنيه
والنهاردة عاوز حاجات ب3 جنيه قلتله هات جنيه وامري لله
قله لا اخدهم ببلاش..... قاله مينفعش
قام الامين اضايق وقاله مش عاوز منك حاجة
الراجل صاحب المحل قعد يشتكيلي من بتوع الشرطة اللي بييجوا
ياخدوا حاجات من عنده وببلاش كده .... اتاوة يعني
أنا شوفت بعيني ظابط رتبة كبيرة نزل خذ قفصين مانجو(50 كيلو) من واحدة بياعة
قالتله ب 6 علشانك(زي ما بناخد يعني) قالها ب4 جنيه بد ما اخدهم بدون اي فلوس والله
طبعا كل اللي واقفيين استغربوا الموقف وانتظروا انه يمشي
وقعدوا يدعوا عليه وعلى كل الداخلية
والست بقت خلاص هتعيط وعمالة تدعي عليه
الست دي زوجها توفى وبتصرف على اولادها
فاهل الحي بيشتروا منها بسعر اعلى من الطبيعي كمساعدة حتى لا تضطر لمد يدها
انا مستغرب هما ليه بيعملوا كده...... يكنوش فاكرين ان البلد بتاعتهم بالناس اللي فيها؟؟؟؟
وحسبنا الله ونعم الوكيل في كل ظالم ومتجبر
المفضلات