الموضوع: (منقول) "بروتون واجا" بسعر جديد وأيضا بالتقسيط

المشاركة الأصلية كتبت بواسطة hesham_soaida

ان شاء الله حكتب تقييم كامل عن العربية بعد فترة التليين. ولكن تقييمي المبدئي:
- بالنسبة للشكل: صالون العربية شيك جدا, ومريح جدا, وهو دا اكثر حاجة حبيتها في العربية دية, لدرجة اني كنت رايح اتفرج علي العربية لاول مرة وصادف اني معايا فلوس, وحجزت العربية في ساعتها. خامات الصالون ممتازة, باستثناء الدرج الامامي اللي مابيقفلش بسهولة, واقفال الابواب الداخلية تحس انها مصنوعة من بلاستك خفيف. مقارنة تابلو الواجا كشكل جمالي وكخامات بتابلو الجين والبيرسونا, الواجا تكسب بمراحل. الصالون والشنطة طبعا واسعين جدا.
بالنسبة للشكل الخارجي ممكن الناس تختلف على العربية لانه شكل قديم شوية نوعا ما. ولكن بالنسبالي انا بحب الستايل دا جدا, وخصوصا بعد التغييرات اللي في مقدمة السيارة , وبعض التغييرات في الفانوس الخلفي. انا كان عندي مشكلة في الاول في نسيان شكل العربية علشان العربية دية نادر لما بشوفها في الشارع, وحتي الناس مش واخدة عليها, يعني في مثلا اثنين في نفس اليوم شافوا معايا العربية من بعيد وافتكروها تيوتا (مصلحة بردوا).
-التكييف: معقول جدا
-السحب: ممتاز
-الساوند سيستم: ممتاز
-الاضائة الداخلية والخارجية: ممتازة
-المساعديين: ناعميين جدا
-اللون الاسود: لايقة جدا علي العربية

د\ هشام سعيدة
أخصائي قلب

الف مبروك د هشام على الواجا , ربنا يباركلك فيها و يكفيك شرها .

في انتظار تقيمك للعربية على احر من الجمر