الحقوني يا شباب اللانسر!!

**CBuilder** · 15-09-2009 06:05 PM

السلام عليكم

انا تقريبا قررت اجيب اللانسر1300 خلاص بس النهارده سمعت كلام عجيب جدا.

سمعت ان المتسوبيشي ملهاش وكيل و لا مركز صيانه!!!!! الكلام ده صح ولا ايه!!!!!!!!!!!!!!!

كمان في كام سؤال كده معلش انا اسف هطول عليكو,

انا رحت المصريه اتفرجت على اللانسر بس اللي كانت هناك كانت الاسبورت باين ولا الاكشن المهم سالت الراجل قاللي انها مش فارقه حاجه (في الشكل الداخلي) عن اللانسر ال1300 طبعا بستثناء فتحة السقف, الكلام ده صح ولا الراجل ده بيهيس؟

أيه الفرق بين المصري و الخليجي؟ و هل فيه فرق في الصيانه؟

شكرا جزيلا

**Mohammmed** · 15-09-2009 06:08 PM

ياراجل مفيش توكيل ازاى قلب بس فى القسم وانتا تشوف
وموضوع العربية من جوه هى هى نفس الشكل بتفرق بس فى الابنوس والفرش الجلد بس التابلوه واحد

**slimbig** · 15-09-2009 06:12 PM

نصيحه أوعى تجيب 1300 اوتوماتيك و كده كده خليك فال 1600 فرق كبيييير فالأداء خصوصا لما يبقى راكب معاك ناس و مسافر, في أكتر من موضوع فالمنتدى بيشرح الفرق مابين الخليجي و المصري ضور كويس حتلاقيهم

و خير انشاء الله

**CBuilder** · 15-09-2009 07:06 PM

متشكر يا شباب على الردود.

بالنسبه 1300 متقلقش انا هجيبها مانيوال انا عارف طبعا ان ال 1600 اشد بس في فرق 10000 و بعدين الشباب هنا في المنتدى شكرو في اداء ال1300 مانيوال.

**slimbig** · 15-09-2009 07:47 PM

طيب على بركة الله و خير إنشاء الله

**ahmed-moga** · 06-10-2009 07:01 AM

ياجماعة طيب انا جبت 1300 اتوماتك بضمان مصرية موديل آخر 2008 وعاملة 15000 ك بس لقيت محدش بيشكر فيها ياتري فيها عيوب فى الموتور وقوة تحملة وعمرة الأفتراضى مع العلم انى بعمل الصيانة الدورية بتاعتها فى اوقاتها ويمكن قبل وقتها وبحط زيت 10000 ك وبغيرة كل 5000 ك وبحط بنزين 92 وبستخدمها فى المشاوير الخفيفة ونادر جدا لما بسافر بيها بس فعلا لما بشغل التكييف بحس ان ماتورالعربية ضعف ويبان اكتر لما تكون العربية فيهااكثر من شخصين فبصراحة انا لما سمعت ان كلة بينصح ب1600 قلقت جدا وعاوز اغيرها واجيب السوبر اكشن الخليجي اللى بضمان الرواس او شيفورلية كروز او كيا سيراتو بس عايز اعرف لو حبيت ابعها تجبلى كام من غير مايتنصب عليا وخصوصا انها بحالة الفبريكة من برة وجوة ماعداالباب الأمامى الأيمن رشيتة لأن فية عيال ولاد ؟؟؟ حلال كتبوا علية اسميهم ولا الكتابة على الشجرة وطبعا بمسمار وبعدها حطيتها في جراج وكل اسبوع لما اركبها مرتين او تلاتة فياريت يااستاذ طارق ويا محبى اللانسر تدلونى على الصح وخصوصا انى لقيت ان كتير منكم على دراية جامدة وخصوصا الأستاذ طارق بحكم عملة ولكم جزيل الشكر