عاوز كلب حراسة ..... مطلوب نصيحة من أهل الخبرة

**speed demon666** · 18-09-2009 08:18 AM

المشاركة الأصلية كتبت بواسطة ecybrarian

معذرة لخروجي عن الموضوع الأصلي بس مش هو في كلاب dan منقطة اعتقد اسمها .harlequin great dane؟؟؟ هل دي متهجنة ولا pure؟؟؟؟

السلام عليكم ورحمة الله وبركاته

بص حضرتك هو في أنواع كتيير من الكلاب المعروفه بتكون في الأصل تهجين بس سلالات من زماااااااان و بيكون خلاص تم التعرف على الصفات المميزة ليها يعني انا أسمع ان الرود فايلر في الأساس تهجين و خرج منه الرود فايلر اللي احنا عارفينه ديلوقتي

بالنسبه لصاحب الموضوع لو احتجت أي مساعده أو نصيحه أو الوصول لأشخاص عايزين يبيعو كلاب بسلالات معروفه و بيور مرخصه و معروف الأب و أم , ممكن ان شاء الله والدي يساعدك في الموضوع ده , لأنه عندو محل و بيشتغل في الحيوانات عموما و كان غاوي تربيه كلاب و بيعرف يدربهم كمان لو حبيت .... انا زيك بالظبت بس مستني ان شاء الله البيت عندي يخلص و هجبلي كلب بس لسه معرفش هجيب انهي نوع .

كلب شرس = بيت بول - رود فايلر - جيرمن - بوكسر

لا أنصح بالدوبر مان بعد فترة بيكون خطر على صحبو , الرود بيحتاج تدريب من نوع خاص لأن شراسته عليا جداا
الجيرمن يعتبر الصديق الصدوق بس تدربو صح علشان ما يخدش على الناس بسهولة , البوكسر محصليش الشرف اني اتعامل معاه و مش عايز , البيت بول بحب فيه شكله و شراسته هو قصير بس جباااااااار

لو احتجت حاجة يا باشا انا تحت أمرك

**elwad_crazy** · 18-09-2009 10:01 AM

ياجماعه انتوا بتكلموا على ااساس فى كلاب بيور فى مصر اساسا

لو حد عنده كلب بيور على الاقل 5000 جنيه عشان يبيعه
كل الكلاب بتاعت السوق بتبقي مش بيور 100*100

ولو عاوزين كلب صح وغبي صح ومحدش يطلع منه سليم
خليك فى البيتبول

ولا تقولى رود ولا بوكسر
وعلى فكره كان عندى كلب بوكسر الله يرحمها مكانتش بتسيب حد فى حاله والله يجازى اللى موتها

وكلب رود وده بعته وندمان انى بعته كان ملوش حل

**Terrible_DaRsH** · 18-09-2009 10:36 AM

على فكرة انا كان ليا موقف مع كلب جيرمن من فترة قبل ما اعرف اى حاجة عن الكلاب .

الكلب ده كان محبوس و انا خرجته لانه كان هيموت من الخنقة علشان مفيش هوا , لما خرجته لاقيته طيب اوى اوى اوى و فضل ماشي معايا لاخر الشارع حتى انا حبيته و لو كنت بفهم فى الكلاب كنت اخدته ربيته كمان :) الظاهر ان صاحبه كان بيعامله وحش اوى و كان حابسه فى عربية و قافل عليه و طلع فى عمارة و نسيه تحت :)

لما عرفت انواع الكلاب بقي استغربت جدا ازاى الجيرمن شرس مع الغريب , و لكن الكلاب معروف عنها الوفاء طبعا .

**aif** · 18-09-2009 02:22 PM

والله انتم ناس زي الفل
ربنا يكرمكم ويباركلكم جميعا
المنطقة اللي فيها الفيلا مش مقطوعة .... فيها جيران وبيوت كتير ساكنة وفيه غفير لنا و لمجموعة الفيلات المجاورة وبقالهم 5 سنين ساكنين هناك بدون مشاكل والحمد لله
لكن انا شعرت بالقلق لأن الجميع عارف ان الراجل توفي .... والاولاد صغار ( 16 و 13 و 3 )
علشان كدة عاوز الجميع في المنطقة يعرفو ان عندهم كلاب ....
انا قرأت كلامكم بدقة و ربنا يعيننا على الاختيار .....
شكرا لكم على مجهودكم ومعلوماتكم القيمة
انا عمري ما كنت ح اعرف كل المعلومات دي عن الكلاب ... ولا كنت اتخيل اني ممكن اعرفها
....
لو حد يعرف تليفون مدرب للكلاب ياريت يكتبه ... علشان لما نجيب الكلب نبدأ ندربه
اكرر شكري لكم جميعا

**speed demon666** · 01-10-2009 05:10 PM

بص يا باشا انا هحطلك 2 لينك لويب سايت اللي بالعربي ده عاملو أخو واحد صحبي مهتم بالكلاب و هتلاقي فيه معلومات مهمة عن الكلاب و طريقة تربيتها و التاني لقيتو و انا بيعمل سيرش على النت بس كويس بردو

wWw.50dOGs.Com
ده السايت العربي بتاع صحبي
Dog, Dogs, Dog Breeds, Dog Training =Canine Wonderland= I-Love-Dogs

السايت اللي لقيتو

ان شاء الله يكون فيهم الفايدة

**MoToRiZeR** · 02-10-2009 12:13 AM

فيه مراكز تدريب للكلاب و فنادق كلاب كمان يا حج أحمد في الشيخ زايد عشان لو مسافرين ولا حاجة .. بس مش عارف أرقام التليفونات هعرف و أجبهالك .

هحتاج همتكم معايا يا رجالة كمان شهرين كدة عشان ناوي أجيب كلب .. بس مش للحراسة .. هخليه travel companion كدة عشان انا بحب أسافر كتير و صحابي حركتهم تقيلة أوي فا هجيب مكانهم كلب

**MoToRiZeR** · 02-10-2009 12:16 AM

المشاركة الأصلية كتبت بواسطة أبو حمزة

انا اللي نفسي أعرفه يا محمود إزاي بيقنعوا الكلاب إن فلان ده من صحاب البيت
وفلان التاني ده شرير

ماهو الكلب له نظرته برضه

**PRO-DRIVE** · 02-10-2009 01:17 AM

المشاركة الأصلية كتبت بواسطة MoToRiZeR

فيه مراكز تدريب للكلاب و فنادق كلاب كمان يا حج أحمد في الشيخ زايد عشان لو مسافرين ولا حاجة .. بس مش عارف أرقام التليفونات هعرف و أجبهالك .

هحتاج همتكم معايا يا رجالة كمان شهرين كدة عشان ناوي أجيب كلب .. بس مش للحراسة .. هخليه travel companion كدة عشان انا بحب أسافر كتير و صحابي حركتهم تقيلة أوي فا هجيب مكانهم كلب

امال عبود راح فين

**bishoy02010** · 02-10-2009 01:21 AM

معلومات قيمة جدا واستفدت منها جدا الف شكر

-

الموضوع: عاوز كلب حراسة ..... مطلوب نصيحة من أهل الخبرة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

عاوز اشترى كلب حراسة ,, هل من مساعد

عاوز نصيحة من أهل الخبرة!!!

نصيحة من اهل الخبرة

تويوتا (كسر زيرو) ام شارك (زيرو 2009) ام......مطلوب نصيحة من اهل الخبرة

ريــــــــــــــنو 9... مطلوب نصيحة من أهل الخبرة

الكلمات الدلالية لهذا الموضوع

المفضلات

المفضلات

ضوابط المشاركة