الموضوع: سيفيك فاضيه ولا كورولا ادفانسد2 اوتوماتيك (نقاط محدده)

هرد على قد اسألتك فقط بأمانة عشان مكنش متحيز لاني من ملاك الكورولا وسوقت السيفيك كتير:
1-الكورولا في القيادة افضل داخل المدينة وفي الشوارع المكسرة والمطبات, والسيفيك أفضل في السريعة والطرق الممهدة.
2-عفشة الكورولا انعم بكتير ولكن عفشة السيفيك بتدي ثبات اكبر فوق ال160.
3-قطع غيار الكورولا أكثر عمرا وخاصة موضوع تيل الفرامل الي ملاك السيفيك مضايقين من سرعة تغييره.
4-الفرامل مش هتقدر تعرف ولا انا هقدر اقولك الإتنين abs , epd فا الي يفيدك فكده يبقى واحد ساق الاتنين وكان هيعمل بالاتنين حادثة واضطر يجيب اخر الفرامل, لكن اطمن الإتنين كويسين وان كانت فرامل السيفيك اقل عمراً.
5-التكييف كل الناس هتقولك زي بعض لان الياباني معروف انو تلاجة وصعب تقول ده افضل ولا ده.
6- السلاسة في النقلات انا هتكلم عن عربيتي الخليجي ناعمة جدا في النقلات ولا اشعر بيها على الإطلاق, والسيفيك نقلاتها شبيهة بنقلات الالنترا كده لو سقتها ناعمة ولكن بتعرف ان العربية نقلت.
7-السيفيك عمرها الإفتراضي اطول من الكورولا بالفعل ولكن كموتور فقط, لكن في نقطة مهمة جدا شوف هتصرف عليها تصليح وقطع غيار بكام عشان تمشي معاك مقارنة بالكورولا الي هتصرف عليها شيء لا يذكر, خاصة وان السيفيك اعطالها كثيرة وفقا لتاريخها.
8-الكورولا فيها اوتوماتيك من غير تغيير النقلات خلف الدركسيون وفيها اوتوماتيك بنقلات خلف الدركسيون وفيها مانيوال وانا ارشحلك الاوتوماتيك من غير نقلات.
9- الأخوة افادوك في موضوع الأزرار على الدركسيون بتاع السيفيك ووفو الحقيقة.

في النهاية لو انت مهتم بالأمور الإقتصادية زي السعر واعادة البيع واستهلاك البنزين وقطع الغيار والصيانة خد كورولا مش فارق معاك هات سيفيك.

المشاركة الأصلية كتبت بواسطة ahmedlr

وضعية قيادة السيفيك افضل و خصوصا علي الطرق و المسافات الطويلة

و بالمناسبة واضح جدا انك اقرب للسيفيك منك للكورولا ... ربنا يوففك في الاختيار و متنساش الاستخارة

مشكووور -- بس علي فكره انا مايل للتويوتا اكتر ككماليات و كأمان و كارتفاع .
و ربنا يقدم اللي فيه الخير .