الله يخليك... بس انا مش قصدى حاجة وحشة... انا قصدى الارتفاع و انت قاعد فى العربية...و نفس الشىء بحسة فى الافيو برضة
الفرنا موتورها مش عيب... ما اللانوس بتنزل بمكنة 106 حصان برضة فى حتت تانية من العالم و اعتقد اللوجان ليها منكة 1600 16 صباب بتعدى ال100 حصان... الفكرة ان باقى مكونات العربية (عفشة و فرامل) مش متناسبين مع القدرة دى... يعنى اللانوس ال1600 فراملها اكبر و اقوى من ال1500 و سوستها الامامية اتخن لكن الفرنا هى هى و اساسا هما مش متناسبين مع المكنة ال1500احنا متفقين ان ماتور الفيرنا غير متناسب مع حجمها ووزنها وماتور اللانوس واللوجان متناسبين جدا مع حجمهم دة غير ان تسارعهم مرضى جدا
على فكرة اللوجان بتنزل برة 1400 75 حصان
انا معاك تماما... و فعلا لو مركب اتنين او تلاتة على الكنبة ممكن تحك فى مطب صناعى ولا حاجة... المشكلة ان الناس بتهول فى قصة ان العربية واطية كما لو كانت فرارى او بورش... ما اللانسر الكريستالة اوطى منها و كانت بتعلم على كل مطب صناعى فى مارينا و انا فقط اللى قاعد على الكنبةمافيش شك ان اللانوس بتهبط شوية على الارض بالذات مع التحميل لكن الحقيقة دة مش عيب فى العربية دة عيب فى شوارعنا الجميلة
نفس القصة فى حوار قطع الغيار... يقولك قطع الغيار غير معمرة... و فى الاخر تلاقى اللى بيشترى بيجيب قطع غيار صينى او كورى و مبيجبش الاصلى... انا معاصر عربية والدى من اول ما جت من 11 سنة و عامل بيها 127 الف كيلو و محصلش انى غيرت قطعة غيار اكتر من مرة بسبب سوء الخامات او الصناعة...
الاصلى موجود و بيعيش... و قصة قطع الغيار الغير معمرة دة عيب مشترى مش عيب عربية... دا محل قطع الغيار اللى بتعامل معاه حفظ خلاص انا بشترى اية ولما ميبقاش عندة القطعة الاصلية يقولى معنديش بالرغم من انة عندة بديل كورى او صينى لانة عارف انى مبشتريش الحاجات دى
ايضا مافيش شك ان اللوجان رغم ارتفاعها عن الارض الا ان ثباتها مرضى جدا جدا
بص... الناحية النظرية بتقول العربية الاعلى اقل ثبات... بس دة بشرط ثبات العوامل الاخرى... يعنى ممكن تكون اللوجان اعلى لكن عفشتها مصممة بشكل انها تحافظ على اتزان العربية بالرغم من الارتفاع دة
انت عارف الكوميدى فى القصة دى ايه؟؟؟ واحد من اعز اصدقائى اشترى لوجان... و الراجل فاهم فى العربيات كويس اوى... و كان عندة جوليت قبل كدة... بااتالى انا و هو نقدر نختبرها زى ما احنا عايزين... بس لمشكلة لو حبينا نقارنها باللانوس مش حنعرفما هى دى النقطة اللى انا عايز افهمها ازاى هما ظبطوا العربية على انها تكون عالية وفى نفس الوقت ثابته (الموضوع دة اكيد حندرسه فى نايل موتورز بالتعاون مع اسرة قسم رينو و المهندس محمد ممدوح فى الايام القادمة)
هو اخر مرة ساق عربيتة اللانوس كان من 6 سنوات تقريبا بالتالى فقد احساسة بالعربية دى تماما... دا غير انة كان مركب جنوط 15 و كاوتش عريض و معدل شوية حاجات فى الموتور بالتالى العربية مش ستوك عشان تبقى مقارنة عادلة...
نفس القصة تنطبق عليا... انا معدل فى الموتور و الفرامل و العفشة و الجنوط و الكاوتش فا عربيتى مش مقياس مع اللوجان... عربية والدى ستوك 100% بس عاملة 127 الف كيلو بالتالى هى عربية مستعملة كتير و مينفعش تتقارن بعربية عاملة 500 كيلو
محدش عندة لانوس 2010 يتبرع بيها ساعتين تلاتة نعمل بيها شوية اختبارات فى السريع؟؟؟
اكيد... عشان كدة قلت (فرق كبير فعلا)... الناس بتتكلم اكن اللوجان فيها كاوتش 225مافيش شك انه بيفرق ال 1 سم
انا معنديش مشكلة فى انى اقول على مميزات العربية انها فعلا مميزات... زى كمان تفوقها فى قوة الفرامل ووسع الصالون ووسع الشنطة و كومبيوتر الرحلات... الحق حقحد يظغرت عشان مش بعرف لولولولولى هههههههههههههههه
موافقك الراى تماما... و لولا اختلاف الاذواق لبارت السلعيا جماعة الشكل دة يرجع للازوق الشخصية كل واحد ليه عينه اللى بترتاح لخطوط غير التانى يعنى فى واحد بيرتاح للخطوط المنحانية وفى واحد عينه بترتاح للخطوط الحادة وانا شايف ان اللوجان احلاهم
مختلفناش... النقطة بس ان الناس بتقول العربية فرنساوى و بتحطها فى قائمة العربيات الاوروبية التانية... لازم نوضح ان فيه فرقلما الشركة الصغيرة اللى زى داتشيا تعملى عربية ترضينى وتوفرلى عوامل امان وراحة وتعملى عربية متوافقة مع الشوارع الجميلة بتاعتنا
يبقى من الجدير انى ارفع لها القبعة تقديرا واحتراما ليها
خللى بالك ان القصة دى فى مصر... احنا بلد بيتنج فيها كل ما هو قديم و عتيقيا فرحتى ب هيونداى لما تعملى عربية غير امنه يبقى انا عملت ايه بالاسم ومع ذلك داتشا مش لوحديها دى ماسكة ايدها رينو ونيسان
يعنى اللانوس اللى لسة بتنزل لحد النهاردة ظهرت اصلا سنة 1997... و انتاجها وقف فى كوريا من 2003
و الفرنا ال2010 دى كانت اصلا هيونداى اكسنت و ظهرت فى اواخر التسعينات حسب ما افتكر
يعنى الفكرة ان الموديل بيبقى بتاع السنة لكن التكنولوجيا و عتاصر الامان بتبقى من 10 سنوات فاتت
اعتقد فرقت فيما يخص قطع الغيار و الصيانة... انت بتتعامل زى باقى ملاك العربيات الرينو الاعلى فى الفئة السعرية... يعنى القصد انك شارع عربية فى فئة سعرية معينة (زى اللانوس و الفرنا) لكن بتدفع مصاريف صيانة و قطع غيار زى ملاك الميجان و الكليو مثلادة لا يعيبها فى شيئ وانا شخصيا ما يفرقش معاية اذا كانت عليها علامة رينو او لا علامة رينو معملتش معايا اى واجب غير انها عرفتنى على قسم رينو الجميل باعضاءه حتى الان
MMamdouh
المفضلات